1 Tesalonaika 1:9 - Yesus Aqa Anjam Bole

⁹ Iga nami nuŋgo ambleq di sonamqa bati deqa niŋgi gago anjam dauryoqneb. Nuŋgo kumbra di tamo uŋgasari sawa sawa kalilq di unub qaji naŋgi qalieosib deqa mare mare laqnub. Niŋgi are bulyosib gisaŋ qotei naŋgi torei uratnjrsib olo Qotei bole agi ŋambile gaigai unu qaji a areiyosib aqa anjam dauryeqnub. Osib deqa niŋgi Qotei aqa wau tamo bole unub. Nuŋgo kumbra deqa ti naŋgi mare mare laqnub.

1 Tesalonaika 1:9 ပူးပေါင်းရင်းမြစ်များ

Matyu 16:16

Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Aposel 14:15

“O tamo uŋgasari, niŋgi kiyaqa kumbra endi yeqnub? Aqo aiyel mandam tamo, niŋgi ti kere. Aqo aiyel na Yesus Kristus aqa anjam bole niŋgi merŋgeqnum. Niŋgi are bulyosib qotei gisa gisaŋ endi torei uratosib Qotei ŋambile gaigai unu qaji a qa nuŋgo areqalo siŋgilatqajqa deqa aqo aiyel na Yesus Kristus aqa anjam bole niŋgi merŋgeqnum. Qotei agi a na laŋ ti mandam ti yuwal ti iŋgi iŋgi kalil ti gereiyej.

Rom 9:26

E nami sawa bei bei qaji tamo naŋgi endegsi minjrem, ‘Niŋgi ijo tamo sai.’ Ariya bunuqna e na naŋgi olo endegsi minjrqai, ‘Niŋgi ijo segi aŋgro unub. Agi e Qotei ŋambile unum qaji.’”

1 Korin 12:2

Niŋgi qalie, nami niŋgi Qotei qalieosaisonabqa sulum naŋgi na niŋgi titŋgeqnabqa niŋgi naŋgi daurnjroqneb. Sulum naŋgi di anjam marqa keresai.

1 Tesalonaika 2:1

O was qu, niŋgi segi qalie, iga nami niŋgi qa bosim nuŋgo ambleq di wauoqnem gago wau di laŋa uloŋosai.

1 Tesalonaika 2:13

Iga Qotei aqa anjam niŋgi merŋgeqnam niŋgi quoqnsib endegsib marosaioqneb, “Anjam di mandam tamo naŋgo anjam.” Niŋgi degsib marosaioqneb. Niŋgi quoqnsib maroqneb, “Bole, anjam di Qotei aqa anjam tiŋtiŋ.” Niŋgi degsib maroqneb deqa Qotei aqa anjam di nuŋgo are miligiq di siŋgila na waueqnu. Di kiyaqa? Niŋgi Kristus qa nuŋgo areqalo siŋgilateqnub deqa. Deqa iga gaigai niŋgi qa are qaloqnsim Qotei biŋiyeqnum.

1 Timoti 4:10

Qotei agi ŋambile gaigai unu qaji a na tamo uŋgasari kalil naŋgi oqajqa waueqnu. Od, a na iga tamo uŋgasari a qa gago areqalo siŋgilateqnum qaji iga bole eleŋej koboqo. Mondoŋ a na iga joqsim laŋ qureq oqwas. Iga deq oqwajqa tariŋoqnsim a qa gago areqalo siŋgilate-junum. Utru deqa iga gaigai Qotei aqa wau siŋgila na ojeqnum.

Hibru 12:22

Ariya niŋgi iŋgi iŋgi deq bosai. Niŋgi Saion manaq beleŋeb. Osib Qotei ŋambile unu qaji aqa segi qureq dego beleŋeb. Qure di agi Jerusalem bunuj laŋ goge di unu qaji. Niŋgi laŋ aŋgro tulaŋ gargekoba sisiyqa keresai naŋgi qa dego beleŋeb.

1 Jon 5:21

O ijo aŋgro kalil, niŋgi gisaŋ qotei kalil naŋgi torei qoreinjrsib isaq giliye.

Uli Anjam 17:2

Mandor kokba kalil mandamq di unub qaji naŋgi a ombla na sambalaosib laqnub. Tamo kalil mandamq di unub qaji naŋgi dego a ti sambalaosib laqnub. Naŋgo kumbra di naŋgi wain uyoqnsib nanarieqnub dego bul.”