1 Pita 5:7 - Yesus Aqa Anjam Bole

⁷ Qotei a gaigai niŋgi qa are qaleqnu. Deqa niŋgi gulube ti sosibqa nuŋgo gulube kalil di niŋgi osi giloqnsib Qotei aqa baŋq di uratoqniye.

1 Pita 5:7 ပူးပေါင်းရင်းမြစ်များ

Matyu 6:27

Niŋgi mandamq endia sokobaiyqajqa are koba qaloqnaib. Niŋgi are koba qalqab areqalo dena niŋgi nuŋgo segi soboleiyqajqa bati olo totoryqa keresai.

Matyu 6:28

“Deqa niŋgi kiyaqa gara qabe na osib jejamu kabutqajqa are koba qaleqnub? Niŋgi ŋam so unjriye. Naŋgo wala kiersib branteqnub di niŋgi qaliesai. Naŋgi segi wauosaieqnub. Naŋgo segi wala gereiyosaieqnub. Qotei a segi na naŋgo wala gereiyeqnu.

Matyu 6:31

Niŋgi areqalo kobaiyosib endegsib maraib, ‘Iga iŋgi ti ya ti qabe na osim uyqom? Gara qabe na osim gago jejamu kabutqom?’ Niŋgi degsib maraib.

Mak 4:38

Yesus a nami qobuŋ bunuq dia gate kuluŋ atsiqa ŋeisiq qambumtej. Deqa aqa aŋgro naŋgi tulaŋ ulaugetosib aqa areq bosib dudumyosib minjeb, “O Tamo Koba, iga padalqa laqnum. Ni deqa are qalosai kio?”

Luk 12:22

Yesus a yawo anjam degsi marsiq koboonaqa a na aqa aŋgro naŋgi endegsi minjrej, “Deqa e niŋgi endegsi merŋgwai. Niŋgi mandamq endia nuŋgo segi jejamu bole sqajqa deqa areqalo kobaiyaib. Osib endegsib maraib, ‘Iga iŋgi qabe na osim uyqom? Gara qabe na osim gago jejamu kabutqom?’ Niŋgi degsib maraib.

Luk 12:26

Niŋgi kumbra kiñala deqaji yqa keresai. Deqa niŋgi kiyaqa iŋgi iŋgi qabe na oqajqa are koba qaleqnub?

Jon 10:13

A silali qa segi wauqa osimqa a kaja naŋgi geregere taqatnjrqasai. Deqa a kaja naŋgi qa are sosai. Deqa bauŋ juwaŋ bamqa a kaja naŋgi uratnjrsim ulaŋqas.

Filipai 4:6

Deqa niŋgi iŋgi bei qa areqalo kobaiyaib. Niŋgi gaigai nuŋgo gulube kalil qa Qotei pailyoqniye. Osib a biŋiyoqnsib minjoqniye, “O Abu, ni na iga aqaryaigoqne.”