1 Pita 5:6 - Yesus Aqa Anjam Bole

⁶ Deqa niŋgi nuŋgo segi ñam aguq atoqnsib Qotei agi siŋgila ti unu qaji aqa sorgomq di soqniye. Yimqa bati a nami giltej qaji di brantimqa a na nuŋgo ñam olo soqtetŋgwas.

1 Pita 5:6 ပူးပေါင်းရင်းမြစ်များ

Matyu 23:12

Tamo naŋgi naŋgo segi ñam soqteqnub qaji naŋgo ñam Qotei na aguq atetnjrqas. Ariya tamo naŋgi naŋgo segi ñam soqtosaieqnub qaji Qotei na olo ñam kobaquja enjrqas.”

Luk 1:52

Qotei a na mandor kokba naŋgi kobotnjroqnsiqa tamo uŋgasari naŋgo segi ñam soqtqa are qalosaieqnub qaji naŋgi gereinjroqnsiqa ñam koba enjreqnu.

Luk 14:11

Tamo naŋgi naŋgo segi ñam soqteqnub qaji naŋgo ñam Qotei na aguq atqas. Ariya tamo naŋgi naŋgo segi ñam soqtosaieqnub qaji Qotei na ñam kobaquja enjrqas.”

Luk 18:14

Yesus a yawo anjam degsi minjrsiqa olo minjrej, “Niŋgi quiye. E bole merŋgwai. Takis o qaji tamo di aqa une kalil Qotei na kobotetonaqa a olo puluosiqa aqa talq aiej. Ariya Farisi tamo di aqa une Qotei na kobotetosai. Di kiyaqa? Tamo kalil naŋgo segi ñam soqteqnub qaji naŋgi di Qotei na olo naŋgo ñam aguq atetnjrqas. Ariya tamo naŋgi naŋgo segi ñam aguq ateqnub qaji naŋgi di Qotei na olo naŋgo ñam soqtetnjrqas.”

Rom 5:6

Iga gago segi jejamu aqaryaiyqa keresai sonamqa Kristus a iga tamo uŋgasari kumbra uge uge yeqnum qaji iga qa osiq moiej. Bati Qotei a nami atej qaji di brantonaqa a iga qa moiej.

1 Korin 10:22

Iga kumbra degyqom di iga Tamo Koba Yesus aqa are ugetetim a iga qa minjiŋ oqwas. Gago siŋgila na aqa siŋgila buŋyqa kere e? Keresai.

1 Timoti 2:6

Kristus a moiqajqa bati agi Qotei a nami bati yonaqa a bosiqa tamo uŋgasari kalil naŋgi oqa marsiqa aqa segi ŋambile uratosiq moiej. Aqa kumbra dena Qotei na iga endegsi osorgej, a na tamo uŋgasari kalil naŋgi oqajqa are qaleqnu.

Taitus 1:3

Ariya bati a nami atej qaji di brantonaqa a na tamo qudei naŋgi wau enjrsiqa minjrej, “Niŋgi ijo anjam marsib laqniye.” Kumbra dena Qotei na aqa segi anjam boleq atej. Qotei agi iga eleŋej qaji a na e dego merbonaqa e aqa wau di ojsim aqa anjam marsim laqnum.

Jems 4:10

Osib niŋgi Tamo Koba Qotei aqa ŋamgalaq dia nuŋgo segi ñam aguq atoqniye. Niŋgi degyqab di Qotei na olo nuŋgo ñam soqtetŋgwas.

Jems 4:7

Deqa was qu, niŋgi nuŋgo segi ñam aguq atoqnsib Qotei aqa sorgomq di geregere soqniye. Sosib Satan gotraŋyoqniye. Yimqa Satan a na niŋgi uratŋgosim ulaŋqas.

Jems 5:10

O was qu, niŋgi Qotei aqa medabu o qaji tamo naŋgi qa are qaliye. Naŋgi Tamo Koba Qotei aqa ñam na anjam palontoqneb deqa jeu tamo naŋgi na naŋgi kumbra uge enjroqneb. Ariya naŋgi Qotei aqa anjam marqa ulaosaioqneb. Naŋgi naŋgo are miligi siŋgilatoqnsib gulube di qoboiyoqneb.