1 Pita 5:12 - Yesus Aqa Anjam Bole

¹² Anjam truquyala endi Sailas na e aqaryaibosiqa neŋgreŋyosiq niŋgi qa qariŋyqo. E qalieonum, Sailas a gago Kristen was bole. O was qu, Qotei a niŋgi qa are tulaŋ boleiyeqnu. E segi qalieo-num, Qotei a bati gaigai aqa kumbra di niŋgi osorŋgeqnu. E aqa kumbra deqa osim anjam endi neŋgreŋyonum. Deqa ijo anjam endena e na nuŋgo are tigeltetŋgitqa niŋgi siŋgila na tigelesoqniye.

1 Pita 5:12 ပူးပေါင်းရင်းမြစ်များ

Jon 21:21

Pita a aŋgro di unsiqa Yesus nenemyej, “O Tamo Koba, bunuqna ino aŋgro di a kumbra kie na moiqas?”

Aposel 11:23

Aisiqa Qotei a naŋgi qa dego are boleiyoqnsiqa aqaryainjroqnej di unej. Unsiqa tulaŋ areboleboleiyej. Deqa a na naŋgi kalil are siŋgilatetnjroqnsiqa minjroqnej, “Niŋgi Tamo Koba Yesus gaigai dauryoqnsib soqniye.”

Aposel 15:22

Jems a na naŋgi kalil anjam degsi minjrnaqa Yesus aqa aŋgro 12-pela naŋgi ti Kristen gate kokba ti Yesus aqa tamo uŋgasari kalil naŋgi ti anjam di qusib kereonaq koba na gereiyeb. Gereiyosib naŋgo ambleq dena tamo aiyel giltnjreb. Tamo aiyel di qariŋnjrib Pol wo Barnabas wo daurnjrsib Antiok qureq aisib anjam gereiyeb qaji di Yesus aqa tamo uŋgasari Antiok qureq di soqneb qaji naŋgi deqa sainjrqajqa giltnjreb. Tamo aiyel giltnjreb qaji naŋgo ñam Judas aqa ñam bei Barsabas wo Sailas wo. Naŋgi aiyel Kristen gate kokba soqneb.

Aposel 20:24

“Di uŋgum. E ijo segi jejamu qa are qalosaieqnum. Wau kalil Tamo Koba Yesus na ebej qaji di yosiy kobotqajqa are qaleqnum. Wau di endegsi unu. E siŋgila na Yesus aqa anjam bole tamo uŋgasari naŋgi minjre minjre laqnqai. Anjam bole di aqa damu agiende. Qotei a tamo uŋgasari naŋgi qa are boleiyoqnsiqa naŋgi eleŋeqnu.

Rom 5:2

Yesus a na iga tamo uŋgasari a qa gago areqalo siŋgilateqnum qaji gam waqtetgej deqa Qotei a iga qa are tulaŋ boleiyonaqa iga eleŋej. Qotei na kumbra di iga egej deqa bini iga kumbra di osim tigelejunum. Deqa bini iga Qotei na laŋ qureq osi oqsim dia iga a ombla geregere sqajqa deqa tariŋeqnum. Iga deqa tulaŋ areboleboleigeqnaq unum.

1 Korin 15:1

Ariya was qu, Yesus aqa anjam bole e nami palontosim niŋgi merŋgoqnem qaji di bini e olo pulutsiy niŋgi merŋgwai. Anjam di niŋgi nami qusib dauryeb. Deqa e qalieonum, bini niŋgi anjam di siŋgila na ojsib tigelejunub.

2 Korin 1:19

Nami e na Sailas na Timoti na iga qalub Qotei aqa Ŋiri Yesus Kristus aqa anjam palontosim niŋgi merŋgoqnem. Niŋgi qalie, Yesus a dego laŋa odoqnsiq olo saidosaieqnu. A gaigai Qotei aqa ñam na odeqnu.

2 Korin 1:24

Niŋgi Yesus qa nuŋgo areqalo siŋgilateqnub nuŋgo areqalo di iga na taqatgwajqa e deqa merŋgosai. Iga qalieonum, niŋgi nuŋgo areqalo di siŋgila na ojsib tigelejunub. O was qu, niŋgi tulaŋ areboleboleiŋgwajqa deqa iga niŋgi ti waueqnum.

Efesus 3:3

Qotei aqa anjam di nami ulitesoqnej. Ariya a na olo boleq atsiqa e osorbej. Agi e deqa anjam truquyala endego neŋgreŋyonum.

Efesus 6:21

Ariya Tikikus a niŋgi qa bqo deqa a na ijo wau kalil qa niŋgi saiŋgwas. Tikikus a gago Kristen was bole. A Tamo Koba Yesus aqa wau tamo bole.

Kolosi 1:7

Kristus aqa anjam bole di Epafras a na niŋgi merŋgnaq qusib poiŋgej. Epafras a iga ti Kristus aqa wau tamo. Iga Epafras tulaŋ qalaqalaiyeqnum. A siŋgila na niŋgi aqaryaiŋgoqnsiqa Kristus aqa wau bole ojeqnu.

Kolosi 4:7

E na Tikikus qariŋyonum niŋgi qa bqo. A ijo wau kalil qa niŋgi saiŋgwas. Tikikus a gago wau qujai. A gago Kristen was bole. A Tamo Koba Yesus aqa wau tamo bolequja.

Kolosi 4:9

E na Onesimus dego qariŋyonum a Tikikus ombla na niŋgi qa bonub. A dego gago Kristen was bole. A nuŋgo leŋ. Naŋgi aiyel niŋgi qa bosib gago kumbra kalil qa niŋgi saiŋgwab.

1 Tesalonaika 1:1

Iga Pol na Sailas na Timoti na iga qalub anjam endi neŋgreŋyosim niŋgi tamo uŋgasari Tesalonaika qureq dia Yesus aqa ñam qa koroosib loueqnub qaji niŋgi qa qariŋyonum. Niŋgi Abu Qotei wo Tamo Koba Yesus Kristus wo naŋgi aiyel taqnjrejunub. Qotei a niŋgi qa are boleiyimqa niŋgi lawo na soqniye.

2 Tesalonaika 1:1

Iga Pol na Sailas na Timoti na iga qalub anjam endi neŋgreŋyosim niŋgi tamo uŋgasari Tesalonaika qureq dia Yesus aqa ñam qa koroosib loueqnub qaji niŋgi qa qariŋyonum. Niŋgi gago Abu Qotei wo Tamo Koba Yesus Kristus wo naŋgi aiyel taqnjrejunub.

Hibru 13:22

O was qu, e na nuŋgo are siŋgilatetŋgwajqa deqa marsim anjam endi neŋgreŋyonum. Deqa niŋgi ijo anjam endi geregere qusib dauryoqniye. Di kiyaqa? E anjam truquyala neŋgreŋyonum deqa.

1 Pita 1:13

Deqa niŋgi gaigai ijo anjam di dauryqajqa are qaloqnsib nuŋgo walwel geregere taqatosib soqniye. Sosib Yesus Kristus qa nuŋgo areqalo siŋgilatoqnsibqa mondoŋ a olo laŋ qureq dena brantosim kumbra tulaŋ boledamu niŋgi eŋgwajqa deqa tariŋoqnsib soqniye.

1 Pita 4:10

Qotei a niŋgi segi segi kalil qa are tulaŋ boleiyosiq wau segi segi eŋgej. Deqa niŋgi segi segi Qotei aqa wau tamo boledamu sosibqa Qotei aqa tamo uŋgasari naŋgi qa wauoqnsib aqaryainjroqniye.

2 Pita 1:12

Bole, niŋgi ijo anjam bole di qalieonub deqa agi niŋgi siŋgila na ojejunub. Ariya niŋgi anjam deqa olo are walŋgaim deqa e bati gaigai niŋgi olo merŋgwajqa are qaleqnum.

2 Pita 2:15

Naŋgi Qotei aqa gam bole uratosib nanariosib laqnub. Osib naŋgi Beor aqa aŋgro Balam aqa gam dauryeqnub. Balam agi nami une atej. Osiqa aqa une di aqa awai oqajqa tulaŋ areare-toqnej.

3 Jon 1:12

Tamo kalil naŋgi Demitrius a qa mareqnub, aqa kumbra bole. Qotei aqa anjam bole a dego tamo bulosiqa Demitrius aqa kumbra bole qa mareqnu. E dego a qa mareqnum, aqa kumbra bole. Ni qalie, ijo anjam di bole.

Jut 1:3

O ijo was bole, Qotei na iga kalil padalo sawaq dena eleŋej wau di aqa utru e na neŋgreŋyosiy niŋgi qa qariŋyqajqa are koba unu. Ariya e anjam bei dego neŋgreŋyosiy niŋgi qa qariŋyqa are qaleqnum. Anjam agiende. Jeu tamo naŋgi bosib Kristus aqa anjam bole ugeugeiyqa laqnib nuŋgo areqalo Kristus qa siŋgilateqnub qaji di niŋgi olo siŋgila na ojsibqa jeu tamo naŋgi di gotraŋnjroqniye. Iga Qotei aqa tamo uŋgasari unum deqa Qotei na gago areqalo tigeltetgonaqa iga Kristus aqa anjam bole gago areqaloq di siŋgilatejunum. Deqa tamo bei na anjam di olo bulyqa keresai.