1 Pita 4:8 - Yesus Aqa Anjam Bole

⁸ E anjam kobaquja bei dego niŋgi merŋgit quiye. Niŋgi Qotei aqa tamo uŋgasari naŋgi tulaŋ qalaqalainjroqniye. Di kiyaqa? Qalaqalaiyo kumbra na une gargekoba kabutoqnsiqa tulaŋ buŋye-junu.

1 Pita 4:8 ပူးပေါင်းရင်းမြစ်များ

1 Korin 13:1

Kumbra tulaŋ boledamu di agi qalaqalaiyo kumbra. E meŋ bulyosiy qure utru segi segi naŋgo anjam kio laŋ aŋgro naŋgo anjam kio maroqnqai ariya e qalaqalaiyo kumbra dauryqasai di ijo anjam maro di bolesai. Ijo anjam maro di laŋa noul bulosim qatroŋkobaqas. Osim gruma bul laŋa anjam atqas.

1 Korin 13:4

Tamo naŋgi qalaqalaiyo kumbra dauryqab di naŋgi naŋgo was naŋgi qa urur minjiŋ oqoqnqasai. Naŋgi lawo na tamo kalil naŋgi kumbra bole enjroqnqab. Naŋgo was bei a iŋgi iŋgi koba ti soqnim naŋgi a qa are ugeinjrqasai. Naŋgi naŋgo segi ñam soqtoqnqasai dego.

Kolosi 3:14

Osib niŋgi qalaqalaiyo kumbra yoqniye. Qalaqalaiyo kumbra a na kumbra kalil tulaŋ buŋnjreqnu. Osiqa kumbra bole kalil dego siŋgilatoqnsiq iga Kristen tamo uŋgasari kalil iga turtgeqnu. Deqa iga kalil areqalo qujaitoqnsim qalaqalaiyo kumbra dauryoqnsim sqom.

1 Tesalonaika 3:12

Gago areqalo bei dego agiende. Tamo Koba Qotei a na niŋgi siŋgilatŋgimqa qalaqalaiyo kumbra nuŋgoq di tulaŋ kobaamqa niŋgi na Qotei aqa segi tamo uŋgasari naŋgi ti tamo kalil naŋgi ti tulaŋ qalaqalainjroqnqab. Agi iga na niŋgi tulaŋ qalaqalaiŋgeqnum dego kere.

2 Tesalonaika 1:3

O was qu, iga gaigai niŋgi qa are qaloqnsim deqa Qotei biŋiyeqnum. Iga kere degyeqnum. Di kiyaqa? Nuŋgo areqalo Yesus qa siŋgilateqnub qaji di tulaŋ kobaqujaeqnu. Niŋgi segi segi na nuŋgo Kristen was qu naŋgi qalaqalainjreqnub. Nuŋgo kumbra di dego tulaŋ kobaqujaeqnu.

1 Timoti 1:5

Ariya Qotei na iga aqa wau ojqajqa mergeqnu. Aqa wau agiende. Iga na tamo uŋgasari naŋgi Yesus aqa anjam minjroqnim naŋgi a qa naŋgo areqalo siŋgilatosib dena naŋgi Qotei aqa ŋamgalaq di une saiqoji sqab. Sosib kumbra dena naŋgo areqalo tigeltetnjroqnim naŋgi qalaqalaiyo kumbra dauryoqnqab.

Hibru 13:1

Ariya Kristen was qu, bati gaigai niŋgi segi segi nuŋgo was naŋgi qalaqalainjroqniye.

Jems 5:12

O was qu, e anjam kobaquja bei unu. Anjam agiende. Niŋgi anjam bei marqa osibqa iŋgi bei na siŋgilataib. Niŋgi laŋ qure aqa ñam na anjam siŋgilataib. Niŋgi mandam aqa ñam na anjam siŋgilataib. Anjam boleamqa od qa mariye. Anjam bolesaiamqa said qa mariye. Niŋgi degyqab di Qotei na niŋgi awai uge bei eŋgwasai.

1 Pita 1:22

Niŋgi nami Qotei aqa anjam bole dauryoqneb. Kumbra dena niŋgi Qotei aqa ŋamgalaq di tamo bole une saiqoji soqneb. Utru deqa bini niŋgi na Qotei aqa tamo uŋgasari naŋgi tulaŋ qalaqalainjreqnub. Ariya kumbra di niŋgi olo torei siŋgilatosib nuŋgo Kristen was naŋgi siŋgila na qalaqalainjroqniye.

3 Jon 1:2

O ijo was bole, e ni qa Qotei pailyeqnum. Yim a na ni aqaryaimimqa ino wau kalil geregere brantqas. Osim ni segi dego bole sqam. E qalieonum, ino qunuŋ bole unu.