1 Pita 4:18 - Yesus Aqa Anjam Bole

¹⁸ Agi Qotei aqa anjam bei nami endegsib neŋgreŋyeb unu, “Qotei a na tamo naŋgi kumbra tiŋtiŋ yeqnub qaji naŋgi eleŋqajqa wau koba. Deqa iga qalieonum. Tamo naŋgi Qotei qoreiyoqnsib une yeqnub qaji naŋgi a na eleŋqajqa olo tulaŋ wau koba.”

1 Pita 4:18 ပူးပေါင်းရင်းမြစ်များ

Luk 15:1

Bati bei takis o qaji tamo naŋgi ti une tamo naŋgi ti kalil Yesus aqa anjam quqwa marsibqa aqa areq bosib koroeb.

Luk 23:31

Bini naŋgi ŋam gesgi kumbra degyeqnub. Ariya naŋgi ŋam moio kumbra kieryqab?”

Aposel 14:22

Naŋgi aiyel degsib giloqnsibqa tamo uŋgasari Yesus dauryoqneb qaji naŋgo are siŋgilatetnjroqnsib minjroqneb, “Niŋgi Yesus qa nuŋgo areqalo siŋgilatosib soqniye. Bole, niŋgi gulube gargekoba iteleŋoqnqab. Di uŋgum. Gulube nuŋgoq boqnibqa Qotei a nuŋgo Mandor Koba sosim niŋgi taqatŋgoqnqas.”

Aposel 27:31

Degyeqnabqa Pol a di unsiqa qaja tamo naŋgi ti naŋgo gate Julius a ti endegsi minjrej, “Tamo qobuŋq di wauo qaji naŋgi qobuŋ uratosib jaraiqa laqnub. Naŋgi jaraiqab di niŋgi kalil padalqab.”

Rom 1:18

Iga qalie, Qotei a laŋ goge di sosiqa aqa minjiŋ boleq ateqnu. A na tamo uŋgasari a qoreiyoqnsib kumbra uge uge yeqnub qaji naŋgi awai uge enjreqnu. Naŋgo kumbra uge dena naŋgi Qotei aqa anjam bole olo tenteqnub.

Rom 5:6

Iga gago segi jejamu aqaryaiyqa keresai sonamqa Kristus a iga tamo uŋgasari kumbra uge uge yeqnum qaji iga qa osiq moiej. Bati Qotei a nami atej qaji di brantonaqa a iga qa moiej.

Rom 5:8

Ariya iga une tamo sonamqa Kristus a iga qa moiej. Aqa kumbra dena Qotei na iga osorgwo, a iga tulaŋ qalaqalaigeqnu.

1 Korin 10:12

Ariya tamo bei a endegsi are qalqas, “E siŋgila na tigelejunum.” Osim a geregere ŋam atem. A uloŋosim uneq aio uge.

1 Timoti 1:9

Qotei a tamo naŋgi kumbra bole bole yeqnub qaji naŋgi qa osiq dal anjam atosai. Tamo naŋgi dal anjam gotraŋyoqnsib diqeqnub qaji naŋgi qa osiq dal anjam atej. Tamo naŋgi di naŋgo kumbra agiende. Naŋgi Qotei qoreiyoqnsib une ateqnub. Osib Qotei aqa kumbra dauryqa uratoqnsib olo mandam qa kumbra uge uge yeqnub. Naŋgi naŋgo ai wo abu wo ñumsib moiotnjreqnub. Osib tamo qudei naŋgi dego ñumeqnub.

Hibru 4:1

Ariya Qotei na iga dego mergej, “Niŋgi ijo aqarato sawa miligiq gilqab.” Deqa was qu, iga ulaqom. Nuŋgo ambleq di Qotei na tamo bei saidyim aqa aqarato sawa miligiq gilosaio uge.

Jems 5:6

Nuŋgo kumbra uge bei agiende. Tamo naŋgi kumbra bole bole yeqnab niŋgi na kamba naŋgi une ti qa minjroqnsib ñumeqnub. Yeqnab naŋgi na kamba olo niŋgi lawo kumbra eŋgeqnub. Naŋgi na niŋgi kumbra uge bei eŋgosaieqnub.

1 Pita 5:8

Niŋgi nuŋgo segi walwel geregere taqatosib ŋam atsib soqniye. Bauŋ juwaŋ naŋgi tulaŋ leleŋoqnsib tamo ñumoqnsib uyeqnub dego kere nuŋgo jeu tamo Satan a na gaigai tamo uŋgasari naŋgi padaltnjrqajqa ŋamosiq laqnu.

2 Pita 3:7

Ariya bini laŋ ti mandam ti tariŋoqnsib unub. Mondoŋ Qotei a olo anjam marimqa laŋ ti mandam ti ŋamyuo na yusib koboqab. Bati deqa Qotei na tamo naŋgi a qoreiyeqnub qaji naŋgo une qa peginjrsim naŋgi torei padaltnjrqas.

Jut 1:15

Bosim tamo kalil Qotei qoreiyeqnub qaji naŋgo une qa peginjrsim ugeugeinjrqas. Osim naŋgo kumbra uge di naŋgi osornjrimqa naŋgi deqa are qalsib gulube koba oqab. Tamo qudei une yeqnub qaji naŋgi Qotei tulaŋ qoreiyoqnsib a misiliŋyoqnsib kumbra tulaŋ uge uge yeqnub. Deqa Qotei na naŋgi dego naŋgo kumbra uge di osornjrimqa naŋgi deqa are qalsib gulube koba oqab.” Enok a nami degsi marej.