1 Pita 4:17 - Yesus Aqa Anjam Bole

¹⁷ Iga Qotei aqa segi aŋgro tiŋtiŋ unum. Ariya iga pegigwajqa bati agi jojomqo. Qotei a namoqna iga pegigwas. Deqa iga qalieonum, tamo naŋgi Qotei aqa anjam bole gotraŋyeqnub qaji naŋgo une qa Qotei na awai tulaŋ ugedamu enjrqas.

1 Pita 4:17 ပူးပေါင်းရင်းမြစ်များ

Luk 23:31

Bini naŋgi ŋam gesgi kumbra degyeqnub. Ariya naŋgi ŋam moio kumbra kieryqab?”

Rom 1:1

E Pol. E Kristus Yesus aqa wau tamo. E aqa anjam maro tamo sqajqa deqa metbej. Osiqa e Qotei aqa anjam bole marsim laqajqa deqa giltbej.

Rom 2:9

Tamo kalil kumbra uge uge yeqnub qaji naŋgi mondoŋ gulube koba ti jaqatiŋ ti oqab. Juda naŋgi mati oqab. Bunuqna sawa bei bei qaji naŋgi dego oqab.

Galesia 3:1

O Galesia tamo, niŋgi tulaŋ nanari. Iga nami niŋgi Yesus Kristus osorŋgem. Kumbra dena niŋgi a ŋamburbasq di gaiŋesonaq unobuleb. Ariya tamo yai na nuŋgo areqalo olo niñaqyetŋgej deqa niŋgi Kristus aqa anjam olo urateqnub?

Galesia 5:7

Nami niŋgi Kristus aqa gam geregere dauryosib walweloqneb. Ariya tamo yai na gam getentetŋgonaqa niŋgi olo anjam bole dauryqa urateqnub?

Galesia 6:10

Deqa bati soqnimqa iga na tamo kalil naŋgi kumbra bole bole enjroqnqom. Ariya iga na olo Kristus aqa tamo uŋgasari naŋgi kumbra tulaŋ boledamu enjrqajqa siŋgilaoqnqom.

2 Tesalonaika 1:8

Ariya Yesus a mandamq aisim tamo naŋgi Qotei qaliesai qaji naŋgi ti tamo naŋgi gago Tamo Koba Yesus aqa anjam bole dauryqa urateqnub qaji naŋgi ti ŋolawotnjrqas.

1 Timoti 3:15

Deqa e ni qa urur bosaiotqa ijo anjam neŋgreŋyonum qaji endi ni sisiyosim kumbra bole kalil Qotei na Kristen naŋgi dauryqa are qaleqnu qaji di ni qalieqam. Kristen naŋgo utru agiende. Naŋgi Qotei ŋambile gaigai unu qaji aqa segi tamo uŋgasari unub deqa naŋgi tal aqa ai bul tigelesosib Qotei aqa anjam bole siŋgila na ojejunub.

Hibru 11:8

Abraham a dego Qotei qa aqa areqalo siŋgilatej deqa Qotei na metonaqa a Qotei aqa anjam dauryosiqa mandam bei Qotei na a yqajqa minjej qaji deq gilej. A sawa qabitqas kio di a qalieosaisosiqa gilej.

Hibru 2:2

Nami Qotei a laŋ aŋgro naŋgo medabu na gago moma utru naŋgi anjam minjroqnej. Anjam di siŋgila koba. Deqa tamo kalil anjam di gotraŋyoqneb qaji naŋgi Qotei na kambatnjroqnsiqa awai uge enjroqnej.

Hibru 2:4

Qotei na maŋwa ti siŋgila ti babtoqnsiqa aqa segi areqalo dauryosiq aqa Mondor Bole aqa kumbra segi segi jeisiq tamo uŋgasari naŋgi enjroqnej. Kumbra dena naŋgi osornjrej, Qotei aqa Ŋiri aqa anjam di bole kalil.

Hibru 3:6

Ariya Kristus a Qotei aqa Ŋiri. Deqa Qotei na a wau yonaqa a na Qotei aqa tamo uŋgasari naŋgi taqatnjroqnej. Tamo uŋgasari naŋgi di Qotei aqa tal bul. Kristus a Qotei aqa anjam geregere dauryoqnsiq wau di yoqnej. Deqa iga gaigai Kristus qa gago areqalo siŋgilatoqnsim a olo bqajqa deqa tariŋoqnsim sqom. Iga degyqom di iga dego Qotei aqa tal bul sqom.

Hibru 5:9

Qalieosiq deqa a Qotei aqa anjam torei dauryekritej. Deqa Qotei na a giltosiq minjej, “Ni atra tamo kobaquja unum. Agi Melkisedek a nami atra tamo kobaquja soqnej dego kere.” Qotei na Yesus degsi minjej deqa Yesus na tamo kalil Qotei aqa anjam dauryeqnub qaji naŋgi oqas. Naŋgi oqajqa utru agi Yesus qujai. Deqa naŋgi ŋambile gaigai sqab.

1 Pita 2:5

Niŋgi dego tal aqa ai bul ŋambile unub. Qotei na niŋgi aqa segi tal sqa marsiq deqa aqa Mondor aqa siŋgila na niŋgi gereiŋgeqnu. Yim niŋgi aqa segi atra tamo boledamu sosib Yesus Kristus aqa ñam na nuŋgo segi jejamu Qotei atraiyoqnib a niŋgi qa tulaŋ arearetoqnqajqa deqa.

1 Pita 2:8

Qotei aqa anjam bei dego nami endegsib neŋgreŋyeb unu, “Tamo qudei naŋgi tal aqa ai di quraqyoqnsib maŋgaleqnub.” O was qu, tamo naŋgi di Qotei aqa anjam gotraŋyeqnub. Utru deqa naŋgi tal aqa ai di quraqyoqnsib maŋgaleqnub. Naŋgi kumbra uge uge yeqnub deqa Qotei na naŋgi padaltnjrqas. Qotei a nami naŋgi qa degsi marej.