1 Pita 4:16 - Yesus Aqa Anjam Bole

¹⁶ Ariya tamo bei a Kristen tamo unu deqa a jaqatiŋ oqas a deqa jemaiyaiq. A ñam Kristen ojejunu deqa a tulaŋ areboleboleiyim Qotei aqa ñam soqtoqneme.

1 Pita 4:16 ပူးပေါင်းရင်းမြစ်များ

Aposel 11:26

Gilsiq Sol ŋamosiq itosiq ombla puluosib Antiok qureq olo aieb. Aisib dia wausau qujai Yesus aqa tamo uŋgasari naŋgi koba na wauoqneb. Wauoqnsibqa tamo uŋgasari tulaŋ gargekoba naŋgi Qotei aqa anjam minjroqneb. Antiok dia tamo uŋgasari Yesus dauryoqneb qaji naŋgo ñam Kristen wainjreb.

Aposel 26:28

Onaqa Agripa na Pol nenemyej, “Ni kiersi are qalonum? Ni endego e are bulyosiy Kristen tamo brantqajqa merbonum e?”

Aposel 28:22

Deqa ni segi na ino anjam mergim iga quqwom. Iga qalieonum, sawa sawa kalilq dia tamo uŋgasari naŋgi Yesus aqa anjam bunuj di misiliŋyeqnub.” Juda tamo kokba naŋgi na Pol degsib minjeb.

Aposel 5:41

Onaqa naŋgi areboleboleinjrnaqa koro sawa di uratosib gileb. Naŋgi Yesus aqa ñam qa jaqatiŋ eb deqa Qotei a naŋgi qa marej, “Naŋgi Yesus aqa ñam qa siŋgilaonub deqa naŋgi jaqatiŋ oqa kere.” Qotei a naŋgi qa degsi marej deqa naŋgi areboleboleinjrnaq gileb.

Filipai 1:20

Deqa ijo areqalo kobaquja agiende. E kumbra uge bei yqasai. Yim deqa e jemaibqasai. E endegsi are qalonum. Bini bati endeqa ti bunuq qa ti e siŋgila na tigeloqnsiy kumbra bole segi dauryoqnqai. Agi e kumbra degyeqnum. Deqa e moiqai kio e sqai kio di uŋgum. E ijo kumbra kalil qa Kristus aqa ñam soqtoqnqai.

Filipai 1:29

Niŋgi quiye. Qotei na niŋgi giltŋgej deqa niŋgi Kristus aqa wau ojeqnub. Niŋgi a qa nuŋgo areqalo siŋgilatqajqa deqa segi niŋgi giltŋgosai. Niŋgi aqa ñam qa jaqatiŋ oqajqa deqa ti niŋgi giltŋgej.

2 Timoti 1:12

Deqa uŋgum, e gulube oqnsiy sqai. E deqa jemaibqasai. E Yesus qa ijo areqalo siŋgilateqnum deqa e a qa bole qalieonum. A segi na wau endi ijo baŋq di atej deqa e qalieonum, a na wau di geregere taqatoqnqas. Taqatsim gilsim a olo bqajqa bati brantqas.

Jems 2:7

Qotei na aqa Ŋiri Kristus aqa ñam boledamu nuŋgoq di atej unu. Ariya tamo yai naŋgi na ñam di olo misiliŋyeqnub? Silali tamo naŋgi segi na degyeqnub.

1 Pita 2:12

Bini niŋgi sawa bei bei qaji tamo naŋgo ambleq di sosib deqa niŋgi naŋgo ŋamgalaq dia kumbra bole bole dauryoqniye. Yimqa mondoŋ tamo uŋgasari peginjrqa batiamqa naŋgi nuŋgo kumbra bole di unsibqa naŋgo yomu anjam niŋgi qa maroqneb qaji di uratosib Qotei aqa ñam soqtoqnqab.

1 Pita 4:11

Nuŋgo ambleq di tamo bei a anjam palontqa wau osimqa a Qotei aqa anjam geregere palontoqneme. Nuŋgo ambleq di tamo bei a tamo naŋgi aqaryainjrqajqa wau osimqa Qotei na a siŋgila yimqa a siŋgila dena wauoqneme. Yimqa wau kalil niŋgi yeqnub qaji di tamo naŋgi unsibqa Yesus Kristus aqa ñam na Qotei aqa ñam tulaŋ soqtoqnqab. Yesus Kristus a bati gaigai ñam koba ti siŋgila ti sqas. Bole.

1 Pita 4:14

Niŋgi Kristus aqa ñam ojejunub deqa jeu tamo naŋgi na niŋgi misiliŋgwab di uŋgum. Niŋgi deqa areboleboleiŋgem. Di kiyaqa? Niŋgi qalie, Qotei aqa Mondor ñam koba ti siŋgila ti unu qaji a na niŋgi beterŋgejunu deqa.

1 Pita 4:19

Deqa was qu, Qotei na marimqa tamo qudei naŋgi jaqatiŋ oqab di uŋgum. Naŋgi naŋgo segi jejamu osib Qotei aqa baŋq di uratosib kumbra bole segi yoqnebe. Qotei a gago Abu. A segi na iga gereigej. Deqa a gaigai iga geregere taqatgoqnqas.