1 Pita 4:1 - Yesus Aqa Anjam Bole

¹ Kristus a na aqa segi jejamu osiqa jaqatiŋ koba osiqa moiej. Dego kere niŋgi dego Kristus aqa areqalo di siŋgila na ojsib nuŋgo segi jejamu osib jaqatiŋ oqniye. Di kiyaqa? Tamo bei na aqa segi jejamu osim jaqatiŋ oqnqas di a une uratqas.

1 Pita 4:1 ပူးပေါင်းရင်းမြစ်များ

Mak 3:3

Onaqa Yesus a tamo baŋ qandamyej qaji di minjej, “Ni tigelosim au.”

Rom 6:11

Dego kere niŋgi dego endegsib are qaliye. Niŋgi dego moiobuleb deqa niŋgi olo une aqa sorgomq di sqasai. Niŋgi Kristus Yesus beteryosib deqa niŋgi Qotei ombla ŋambile unub.

Rom 6:2

Sai. Iga moiobulem deqa iga une aqa kumbra uratem. Deqa iga kiersim olo une yoqnqom?

Rom 6:7

Di kiyaqa? Iga moio tamo bulem deqa une na iga olo ojqa keresai.

Galesia 2:20

Osim e olo ŋambile bunuj em. Ariya ŋambile di ijo segi ŋambile sai. Kristus a segi ijo are miligiq di ŋambile unu. Deqa bini kumbra kalil e mandamq endi yeqnum qaji di e Qotei aqa Ŋiri qa ijo areqalo siŋgilatosim yeqnum. Agi Qotei aqa Ŋiri a na e tulaŋ qalaqalaibosiq deqa a aqa segi ŋambile uratosiq e qa moiej.

Galesia 5:24

Tamo kalil Kristus Yesus beteryejunub qaji naŋgi na naŋgo areqalo namij ti naŋgo are prugnjrqajqa kumbra ti kalil ŋamburbasq di qamnab moiej.

Efesus 6:13

Deqa niŋgi qoto qa iŋgi iŋgi Qotei na eŋgeqnu qaji di eleŋosib bati uge endeqa niŋgi siŋgila na tigelosib qotoqniye. Yim bunuqna qoto koboamqa niŋgi siŋgila na tigelesqab.

Filipai 2:5

Niŋgi Kristus Yesus aqa areqalo ojsib dauryoqniye.

Hibru 12:3

Niŋgi geregere are qaliye. Une tamo naŋgi Yesus qa tulaŋ ugeoqnsib a jeutoqneb. Ariya a deqa ulaosai. A siŋgila na tigelesoqnej. Niŋgi deqa are qaloqnsib gulube nuŋgoq boqnimqa siŋgila na tigelesoqniye. Niŋgi ulaosib asgiŋgaiq.

Hibru 4:10

Iga qalie, tamo a Qotei aqa aqarato sawa miligiq gilqas di a aqa wau kobotosim aqaratqas. Agi Qotei a nami aqa wau kobotosiq aqaratej dego kere.

1 Pita 2:21

Qotei a niŋgi kumbra degyqa osiqa niŋgi metŋgej. Di kiyaqa? Kristus a segi dego niŋgi aqaryaiŋgwa osiqa jaqatiŋ qoboiyosiq moiej. Niŋgi kamba aqa kumbra di dauryosib jaqatiŋ oqnsib sqajqa deqa are qalsiqa aqa kumbra di niŋgi osorŋgej.

1 Pita 3:18

Niŋgi Kristus qa are qaloqniye. Kristus a tamo tiŋtiŋo. Ariya a na tamo uŋgasari uge uge naŋgo sawa osiq naŋgo une qa osiq moiej. A na niŋgi joqsim Qotei aqaq oqwajqa deqa osiq niŋgi qa moiej. A bati qujai qa moiej deqa a olo moiqa keresai. A tamo bulyosiqa mandamq endi soqnej. Sonaqa jeu tamo naŋgi na a qalnab moiej. Ariya a olo subq na tigelosiqa a mondor ti soqnej.