1 Pita 3:17 - Yesus Aqa Anjam Bole

¹⁷ Iga kumbra bole bole yoqnimqa Qotei na marim jeu tamo naŋgi na iga jaqatiŋ egoqnqab di kere. Ariya iga kumbra uge uge yoqnimqa tamo qudei naŋgi deqa jaqatiŋ egoqnqab di uge. Iga degyqasai.

1 Pita 3:17 ပူးပေါင်းရင်းမြစ်များ

Matyu 26:39

Degsi minjrsiqa olo kiñala sasalosiqa mandamq di ŋam quosiqa Qotei pailyosiq minjej, “O ijo Abu, gam bei soqnimqa ni na marimqa gulube endi e qa baiq.” Degsi pailyosiqa olo urur are qalsiq endegsi pailyej, “Uŋgum, ni ijo areqalo dauryaim. Ni ino segi areqalo dauryosim ye.”

Matyu 26:42

Degsi minjrsiqa olo puluosi sasalosiq endegsi Qotei pailyej, “O ijo Abu, e na gulube endi uratqa gam bei saiamqa uŋgum ni ino segi areqalo dauryosim marimqa e gulube endi oqai.”

Aposel 21:14

Pol a degsi gago anjam quqwa uratosiq mergonaqa iga na olo saidyosai. Iga marem, “Uŋgum. Pol a Tamo Koba Qotei aqa areqalo dauryosim Jerusalem aiem.”

1 Pita 1:6

Qotei na niŋgi oqas aqa kumbra deqa niŋgi are qaloqnsib tulaŋ areboleboleiŋgeqnu. Ariya bini gulube utru segi segi na niŋgi jaqatiŋ eŋgeqnu. Di uŋgum. Sokiñala gulube di olo koboqas.

1 Pita 2:15

Qotei aqa areqalo agiende. Niŋgi kumbra bole segi yoqnibqa nanari tamo niŋgi yomuiŋgeqnub qaji naŋgi nuŋgo kumbra bole di unsibqa naŋgo anjam uge di olo uratosib mequmesqab.

1 Pita 2:20

Ariya niŋgi kumbra uge yibqa nuŋgo wau qa gate naŋgi deqa niŋgi luŋgib niŋgi jaqatiŋ qoboiyqab di Qotei a niŋgi awai bole eŋgwasai. Ariya niŋgi kumbra bole yibqa nuŋgo wau qa gate naŋgi na olo niŋgi luŋgib niŋgi jaqatiŋ qoboiyqab di Qotei a nuŋgo kumbra deqa tulaŋ areboleboleiyqas.

1 Pita 3:14

Bole, niŋgi kumbra tiŋtiŋ yibqa tamo qudei naŋgi na nuŋgo kumbra di unsib deqa jaqatiŋ eŋgwab di uŋgum. Niŋgi deqa areboleboleiŋgem. Naŋgi na niŋgi naŋgi ulainjrqajqa anjam bei merŋgibqa niŋgi naŋgi qa ulaaib. Osib are gulubeiŋgaiq.

1 Pita 4:15

Niŋgi geregere ŋam atsib soqniye. Niŋgi tamo ñumibqa kio bajiŋibqa kio kumbra uge yibqa kio tamo bei aqa wau ugetibqa kio tamo qudei naŋgi na nuŋgo kumbra di unsib deqa jaqatiŋ eŋgwab di uge. Niŋgi degyaib.

1 Pita 4:19

Deqa was qu, Qotei na marimqa tamo qudei naŋgi jaqatiŋ oqab di uŋgum. Naŋgi naŋgo segi jejamu osib Qotei aqa baŋq di uratosib kumbra bole segi yoqnebe. Qotei a gago Abu. A segi na iga gereigej. Deqa a gaigai iga geregere taqatgoqnqas.