1 Pita 3:13 - Yesus Aqa Anjam Bole

¹³ O was qu, niŋgi kumbra bole bole yqajqa siŋgilaoqnqab di tamo yai na niŋgi olo ugeugeiŋgwas?

1 Pita 3:13 ပူးပေါင်းရင်းမြစ်များ

Rom 13:3

Sawa taqato qaji mandor kokba naŋgi wau yeqnub di tamo kumbra bole bole yeqnub qaji naŋgi ula enjrqajqa sai. Tamo kumbra uge uge yeqnub qaji naŋgi segi ula enjrqajqa deqa wau yeqnub. Deqa niŋgi mandor kokba naŋgi qa ulaqajqa uratosib kumbra bole bole yoqniye. Yimqa naŋgi na nuŋgo ñam soqtetŋgwab.

Rom 8:28

Iga qalieonum, Qotei na tamo uŋgasari kalil a tulaŋ qalaqalaiyeqnub qaji naŋgi geregere taqatnjreqnu. Deqa kumbra kalil naŋgoq di branteqnu qaji dena naŋgi olo boletnjreqnu. Tamo naŋgi di Qotei na nami oqa marsiq metnjrej.

1 Korin 14:1

Deqa was qu, niŋgi gaigai qalaqalaiyo kumbra dauryosib soqniye. Sosib wau kalil Qotei aqa Mondor na niŋgi eŋgeqnu qaji di dego yqajqa tulaŋ siŋgilaoqniye. Wau boledamu bei agiende. Qotei aqa Mondor na niŋgi siŋgila eŋgimqa niŋgi Qotei aqa medabu oqnsib anjam palontoqniye. Osib wau di yqajqa tulaŋ siŋgilaoqniye.

Efesus 5:1

Niŋgi Qotei aqa segi aŋgro unub. A na niŋgi tulaŋ qalaqalaiŋgeqnu. Deqa kumbra a segi yeqnu qaji di niŋgi dego dauryosib yoqniye.

1 Tesalonaika 5:15

Ariya tamo qudei naŋgi na niŋgi kumbra uge eŋgibqa niŋgi na kamba olo naŋgi kumbra uge enjraib. Niŋgi gaigai siŋgilaoqnsib Qotei aqa tamo uŋgasari naŋgi ti tamo uŋgasari kalil naŋgi ti kumbra bole bole enjroqniye.

1 Timoti 5:10

Naŋgi nami wau bole bole yoqneb deqa naŋgi tamo uŋgasari naŋgo ŋamgalaq di uŋa bole. Naŋgi na naŋgo aŋgro naŋgi geregere-injroqnsib boletnjroqneb. Tamo laŋaj naŋgi naŋgo meq beqnabqa oqnsib geregereinjroqneb. Naŋgi na Kristen tamo uŋgasari naŋgo siŋga yansetnjroqneb. Tamo uŋgasari naŋgi gulube ti sonabqa naŋgi na aqaryainjroqneb. O Timoti, ni na uŋa qobul deqaji naŋgo ñam neŋgreŋyim Kristen tamo uŋgasari naŋgi na iŋgi iŋgi qa aqaryainjroqnqab.

Taitus 2:14

Kristus a na iga eleŋosim gago une kalil kobotqajqa deqa marsiq aqa segi ŋambile uratosiq moiej. Iga aqa segi tamo uŋgasari boledamu sosim kumbra bole bole siŋgila na dauryoqnqajqa deqa marsiq aqa segi ŋambile uratej.

3 Jon 1:11

O ijo was bole Gaius, ni kumbra uge dauryaim. Ni kumbra bole segi daurye. Tamo a kumbra bole yqas di a Qotei aqa tamo sqas. Ariya tamo naŋgi kumbra uge uge yeqnub qaji naŋgi Qotei unqa keresai.