1 Pita 3:10 - Yesus Aqa Anjam Bole

¹⁰ Agi Qotei aqa anjam bei nami endegsib neŋgreŋyeb unu, “Tamo bei a mandamq endia so bole sqa marsimqa a anjam uge bei maroqnaiq. A gisaŋ anjam dego maroqnaiq.

1 Pita 3:10 ပူးပေါင်းရင်းမြစ်များ

Matyu 19:17

Onaqa Yesus na kamba minjej, “Ni kiyaqa e kumbra bole qa nenembonum? Qotei a segi qujai tamo bole. Ariya ni que. Ni ŋambile gaigai sqa osimqa ni Qotei aqa dal anjam daurye.”

Mak 8:35

Di kiyaqa? Tamo bei a aqa segi ŋambile qa areqalo kobaiyqas di a padalqas. Ariya tamo bei a e qa ti ijo anjam bole qa ti are qalsimqa aqa segi ŋambile uratqas di a olo ŋambile bole oqas.

Jon 1:47

Onaqa Nataniel a walwelosiq Yesus aqa areq beqnaqa unsiqa a qa marej, “Niŋgi uniye. Tamo di a Israel tamo bolequja. A gisaŋ anjam marosaieqnu.”

Jon 12:25

Dego kere tamo bei na aqa segi ŋambile tulaŋ qalaqalaiyqas di a padalqas. Ariya tamo bei a mandamq endia aqa segi ŋambile qoreiyqas di a ŋambile gaigai sqas.

Jems 1:26

Tamo bei a endegsi are qalqas, “E gaigai Qotei qa loueqnum. Deqa e Kristen tamo bole.” Ariya tamo di a aqa segi medabu geregere taqatosaieqnu. Aqa kumbra dena a na aqa segi jejamu gisaŋyeqnu. Deqa a Qotei qa loueqnu di a laŋa loueqnu.

1 Pita 2:1

Niŋgi ŋambile bunuj eb deqa niŋgi kumbra uge kalil uratiye. Gisaŋ anjam ti maqu kumbra ti are uge ti yomu anjam ti kalil di niŋgi torei uratekritiye.

1 Pita 2:22

Kristus a une bei yosaioqnej. Aqa medabu na gisaŋ anjam bei dego marosaioqnej.

Uli Anjam 14:5

Naŋgi nami gisaŋ anjam bei marosaioqneb. Naŋgo jejamuq di une bei saiqoji.