1 Pita 2:25 - Yesus Aqa Anjam Bole

²⁵ Nami niŋgi kaja du du bul sosibqa nuŋgo segi areqalo na aleloqnsib laqneb. Ariya bini niŋgi olo Mandor Koba Yesus aqa areq bonub deqa a na nuŋgo qunuŋ geregere taqatejunu.

1 Pita 2:25 ပူးပေါင်းရင်းမြစ်များ

Matyu 18:12

“Niŋgi kiersib are qalonub? Tamo bei aqa kaja du du 100 unub. Ariya qujai bei alelamqa a kierqas? E merŋgwai. A na kaja du du 99 naŋgi manaq dia uratnjrsimqa qujai alelqo qaji di ŋamosim gilsim itqas.

Matyu 9:36

Tamo uŋgasari tulaŋ gargekoba naŋgi Yesus aqa areq beleŋeqnabqa a naŋgi unjrsiqa a naŋgi qa are ugeiyej. Di kiyaqa? Naŋgi tulaŋ so ugetesoqneb. Naŋgi kaja bul mandor saiqoji.

Aposel 20:28

O ijo was niŋgi nuŋgo segi segi jejamu geregere taqatosib Qotei aqa tamo uŋgasari naŋgi dego geregere taqatnjroqniye. Qotei aqa tamo uŋgasari naŋgi kaja bul. Qotei na aqa segi Ŋiri Yesus Kristus aqa leŋ na naŋgi awainjrej. Deqa niŋgi na naŋgi geregere taqatnjroqnsibqa naŋgo mandor bole soqniye. Wau di Qotei aqa Mondor na niŋgi eŋgej.

Hibru 13:20

Gago Tamo Koba Yesus a gago Mandor Koba. A na kaja du du naŋgi geregere taqatnjreqnu. Aqa kaja du du agi iga. Aqa leŋ aiej dena a na Qotei aqa anjam bunuj gaigai sqas qaji di siŋgila-tej. Deqa Qotei agi iga are lawo egeqnu qaji a na Yesus subq na olo tigeltej.

Hibru 3:1

O Kristen was qu, Qotei laŋ qureq di unu qaji a na niŋgi dego metŋgej deqa niŋgi Yesus qa are qaloqniye. Qotei na Yesus qariŋyonaq mandamq aiej. A gago atra tamo kobaquja unu. Deqa iga a qa gago areqalo siŋgilatoqnsim aqa ñam boleq na maroqnqom.

Hibru 5:2

Atra tamo kokba naŋgi iga bul mandam tamo. Naŋgi dego siŋgila saiqoji unub deqa naŋgi une yoqnqa kere. Deqa naŋgi na tamo uŋgasari Qotei aqa kumbra geregere qaliesai qaji naŋgi ti tamo uŋgasari Qotei aqa gam groteqnub qaji naŋgi ti naŋgo une qa jiŋga na gereinjreqnub.

1 Pita 3:20

Noa aqa bati qa tamo naŋgi di Qotei aqa anjam gotraŋyoqneb. Bati deqa kumbra uge tulaŋ kobaej. Ariya Qotei a tamo naŋgo kumbra uge deqa naŋgi urur kambatnjrosaioqnej. A tariŋosiq sokobaiyonaqa Noa a qobuŋ kobaquja gereiyej. Gereiysiq koboonaqa tamo uŋgasari 8-pela segi qobuŋ gogetosib sonabqa awa koba bosiqa ya tulaŋ koba dej. Ariya tamo uŋgasari 8-pela naŋgi di Qotei na eleŋej deqa naŋgi bole soqneb.

1 Pita 5:4

Niŋgi kumbra degyibqa mondoŋ kaja naŋgo Mandor Koba Yesus a laŋ qureq na olo brantimqa bati deqa niŋgi awai tulaŋ boledamu oqab. Awai di ugeqa keresai. Gaigai sqas.