1 Pita 2:23 - Yesus Aqa Anjam Bole

²³ Agi jeu tamo naŋgi na Kristus misiliŋ-yoqnsib anjam uge uge minjoqneb. Ariya a deqa kamba anjam uge bei naŋgi minjrosaioqnej. Naŋgi na Kristus jaqatiŋ koba yeqnab a deqa kamba naŋgi olo jaqatiŋ enjrqajqa marosaioqnej. A aqa segi jejamu osiqa Qotei aqa baŋq di uratej. Qotei agi tamo kalil naŋgi kumbra bole tiŋtiŋ na peginjreqnu qaji.

1 Pita 2:23 ပူးပေါင်းရင်းမြစ်များ

Luk 23:41

Aqo aiyel une tamo. Deqa iga kere moreŋqom. Ariya Yesus aqa jejamuq di une bei saiqoji.”

Luk 23:46

Onaqa Yesus a tulaŋ koba leleŋosiqa marej, “O Abu, e na ijo qunuŋ osim ino baŋq di atonum.” Degsi marsiqa mondor titosiq moiej.

Luk 23:9

Onaqa Herot na Yesus anjam gargekoba nenemyoqnej. Nenemyeqnaqa Yesus a kamba anjam bei marosai. A torei kiriesoqnej.

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

Aposel 4:29

O Tamo Koba Qotei, Juda tamo kokba naŋgi minjiŋ oqetnjrqoqa iga ula egwajqa anjam mergonub di ni unime. Iga ino wau tamo. Deqa ni na iga siŋgila egoqnimqa iga ino anjam maroqnqom. Iga ulaqasai.

Aposel 7:59

Osib meniŋ na Stiven qaleqnabqa moiqa osiqa Yesus endegsi pailyej, “O Tamo Koba Yesus, ni na ijo qunuŋ ame.”

Aposel 9:1

Sol a na tamo uŋgasari Tamo Koba Yesus dauryoqneb qaji naŋgi ugeugeinjrsim moiotnjrqajqa siŋgila na maroqnej. Deqa bati bei a atra tamo gate aqaq gilsiqa minjej,

Rom 2:5

Ino are miligi geteŋejunu deqa ni are bulyosai. Ino kumbra dena ni na ino awai uge tombol ateqnum. Deqa mondoŋ diŋo batiamqa Qotei a kumbra tiŋtiŋ na tamo naŋgo une qa minjrsimqa aqa minjiŋ boleq atsim awai tulaŋ ugedamu ni emqas.

Efesus 6:9

Ariya wau qa gate, niŋgi dego nuŋgo kaŋgal tamo naŋgi kumbra bole enjroqniye. Niŋgi naŋgi ula enjroqnaib. Tamo Koba Qotei a laŋ goge di unu. A nuŋgo Tamo Koba unu. A kaŋgal tamo naŋgo Tamo Koba dego unu. Deqa a kumbra qujai na tamo uŋgasari kalil naŋgi peginjreqnu. Niŋgi deqa are qalsib nuŋgo kaŋgal tamo naŋgi kumbra bole enjroqniye.

2 Tesalonaika 1:5

Gulube kalil di nuŋgoq di branteqnu deqa iga endegsi poigwo, Qotei a kumbra tiŋtiŋ na gago une qa iga pegigeqnu. Niŋgi jaqatiŋ eqnub di aqa utru agiende. Qotei a nuŋgo Mandor Koba sosim niŋgi taqatŋgwajqa deqa. Osim a na niŋgi tulaŋ keretŋgwas. Yim deqa niŋgi aqa tamo boledamu soqnib a nuŋgo Mandor Koba sosim niŋgi taqatŋgwas.

2 Timoti 1:12

Deqa uŋgum, e gulube oqnsiy sqai. E deqa jemaibqasai. E Yesus qa ijo areqalo siŋgilateqnum deqa e a qa bole qalieonum. A segi na wau endi ijo baŋq di atej deqa e qalieonum, a na wau di geregere taqatoqnqas. Taqatsim gilsim a olo bqajqa bati brantqas.

2 Timoti 4:8

Tamo naŋgi gurgu-roqnsib bubuŋeqnub di naŋgi awai oqajqa. Ariya ijo awai bole agi Qotei a laŋ goge dia atej unu. E awai di oqajqa deqa tariŋoqnsim unum. Ijo awai agiende. Mondoŋ Tamo Koba Qotei na e tamo bole une saiqoji qa merbqas. Di ijo awai bole. Tamo Koba Qotei a kumbra tiŋtiŋ na tamo uŋgasari naŋgo kumbra qa naŋgi peginjreqnu. Ariya Qotei na naŋgi peginjrqajqa batiamqa a na awai bole di e ebqas. A e segi awai ebqasai. Tamo kalil Yesus a laŋ goge dena brantim unqajqa deqa areboleboleinjreqnaqa tariŋeqnub qaji naŋgi ti awai bole egwas.

Hibru 12:3

Niŋgi geregere are qaliye. Une tamo naŋgi Yesus qa tulaŋ ugeoqnsib a jeutoqneb. Ariya a deqa ulaosai. A siŋgila na tigelesoqnej. Niŋgi deqa are qaloqnsib gulube nuŋgoq boqnimqa siŋgila na tigelesoqniye. Niŋgi ulaosib asgiŋgaiq.

1 Pita 3:9

Ariya tamo qudei naŋgi na niŋgi kumbra uge eŋgibqa niŋgi na kamba naŋgi kumbra uge enjraib. Naŋgi na niŋgi misiliŋgoqnsib anjam uge merŋgibqa niŋgi na kamba anjam uge minjraib. Niŋgi kamba naŋgi qa oqnsib Qotei pailyoqniye. Qotei a niŋgi kumbra degyqa osiqa niŋgi metŋgej. Deqa niŋgi kumbra bole degyibqa Qotei a na kamba niŋgi kumbra bole eŋgoqnqas.

1 Pita 4:19

Deqa was qu, Qotei na marimqa tamo qudei naŋgi jaqatiŋ oqab di uŋgum. Naŋgi naŋgo segi jejamu osib Qotei aqa baŋq di uratosib kumbra bole segi yoqnebe. Qotei a gago Abu. A segi na iga gereigej. Deqa a gaigai iga geregere taqatgoqnqas.

Uli Anjam 19:11

Onaqa e olo ŋam atsimqa laŋ waqonaqa hos qat bei brantonaq unem. Tamo hos quraq di awesoqnej qaji aqa ñam agiende, “Qotei aqa Wau Geregere Taqateqnu Qaji Tamo.” Aqa ñam bei, “Kumbra Bole Yeqnu Qaji Tamo.” A kumbra tiŋtiŋ na tamo uŋgasari naŋgo une qa peginjroqnsiqa naŋgi qoto itnjreqnu.