1 Pita 2:20 - Yesus Aqa Anjam Bole

²⁰ Ariya niŋgi kumbra uge yibqa nuŋgo wau qa gate naŋgi deqa niŋgi luŋgib niŋgi jaqatiŋ qoboiyqab di Qotei a niŋgi awai bole eŋgwasai. Ariya niŋgi kumbra bole yibqa nuŋgo wau qa gate naŋgi na olo niŋgi luŋgib niŋgi jaqatiŋ qoboiyqab di Qotei a nuŋgo kumbra deqa tulaŋ areboleboleiyqas.

1 Pita 2:20 ပူးပေါင်းရင်းမြစ်များ

Matyu 26:67

Naŋgi kalil degsib marnabqa naŋgo ambleq dena tamo qudei naŋgi tigelosib Yesus aqa ulatamuq di miselyoqnsib baŋ na qaloqneb. Osib aqa ŋamdamu gara na qosetosib ula poŋyoqnsib minjoqneb, “Ni Kristus amqa ni ubtsim mare, yai na ni lumqo?”

Matyu 5:47

Niŋgi nuŋgo was naŋgi segi gereinjroqnqab di kumbra tulaŋ bolesai. Nuŋgo kumbra dena niŋgi tamo qudei naŋgi buŋnjrqasai. Tamo naŋgi Qotei qaliesai qaji naŋgi dego naŋgo segi was naŋgi gereinjreqnub.

Mak 14:65

Naŋgi kalil degsib marnabqa naŋgo ambleq dena tamo qudei naŋgi tigelosib Yesus miselyoqneb. Osib aqa ŋamdamu gara na qosetosib baŋ na qaloqnsib minjoqneb, “Ni Kristus amqa ni ubtsim mare, yai na ni lumqo?” Onaqa qaja tamo qudei naŋgi Yesus aqa areq bosib a ula poŋyoqneb.

Luk 6:32

“Tamo uŋgasari niŋgi qa boleeqnub qaji naŋgi qa segi niŋgi kamba boleoqnqab di kumbra tulaŋ bolesai. Dal anjam gotraŋyo tamo naŋgi dego tamo naŋgi naŋgi qa boleeqnub qaji naŋgi qa kamba boleeqnub.

1 Korin 4:11

Iga nami mam ti ya qar ti soqnem agi bini unum. Iga gara bolesai dego. Tamo qudei naŋgi na iga ugeugeigeqnub. Iga tal saiqoji.

Galesia 4:18

O was qu, iga na gago Kristen was naŋgi kumbra bole bole enjrqajqa are qaloqnqom di kere. Deqa niŋgi gaigai kumbra di yoqniye. E niŋgi ti sqai bati deqa segi sai. Niŋgi gaigai yoqniye.

Efesus 5:10

O was qu, kumbra kalil Tamo Koba Qotei a tulaŋ areareteqnu qaji di niŋgi qalieqa wauoqniye.

Filipai 4:18

E silali iŋgi iŋgi kere unu. E iŋgi bei qa truquosaieqnum. Di kiyaqa? Niŋgi na silali di Epafroditus yonabqa a na osi bosiq ebej. Niŋgi silali qa e aqaryaibeb deqa niŋgi Qotei atraiyobuleb. Atraiyo iŋgi di quleq bole ti. Qotei a atraiyo iŋgi deqa tulaŋ areboleboleiyqo.

1 Pita 2:19

Od, niŋgi Qotei qa ulaosib wauabqa nuŋgo wau qa gate naŋgi laŋa jaqatiŋ eŋgibqa di uŋgum. Niŋgi jaqatiŋ di qoboiyoqniye. Yimqa Qotei a nuŋgo kumbra deqa tulaŋ areboleboleiyoqnqas.

1 Pita 3:14

Bole, niŋgi kumbra tiŋtiŋ yibqa tamo qudei naŋgi na nuŋgo kumbra di unsib deqa jaqatiŋ eŋgwab di uŋgum. Niŋgi deqa areboleboleiŋgem. Naŋgi na niŋgi naŋgi ulainjrqajqa anjam bei merŋgibqa niŋgi naŋgi qa ulaaib. Osib are gulubeiŋgaiq.

1 Pita 3:17

Iga kumbra bole bole yoqnimqa Qotei na marim jeu tamo naŋgi na iga jaqatiŋ egoqnqab di kere. Ariya iga kumbra uge uge yoqnimqa tamo qudei naŋgi deqa jaqatiŋ egoqnqab di uge. Iga degyqasai.