1 Pita 2:13 - Yesus Aqa Anjam Bole

¹³ Niŋgi Tamo Koba Qotei qa are qaloqnsib deqa niŋgi tamo kokba ti sawa taqato qaji tamo naŋgi ti mandor kokba ti naŋgo anjam dauryoqniye.

1 Pita 2:13 ပူးပေါင်းရင်းမြစ်များ

Matyu 22:21

Onaqa naŋgi na minjeb, “Di Sisar aqa ulatamu.” Onaqa a na minjrej, “Deqa Sisar aqa iŋgi iŋgi a qa olo yiye. Ariya Qotei aqa iŋgi iŋgi a qa olo yiye.”

Mak 12:17

Onaqa a na minjrej, “Deqa Sisar aqa iŋgi iŋgi a qa olo yiye. Ariya Qotei aqa iŋgi iŋgi a qa olo yiye.” Onaqa naŋgi Yesus aqa anjam di qusibqa naŋgi tulaŋ prugeleŋeb.

Luk 20:25

Onaqa a na minjrej, “Deqa Sisar aqa iŋgi iŋgi a qa olo yiye. Ariya Qotei aqa iŋgi iŋgi a qa olo yiye.”

Efesus 5:21

Kristus a nuŋgo Tamo Koba unu deqa niŋgi a qa ulaoqnsibqa kumbra dena Qotei aqa tamo uŋgasari naŋgo sorgomq di soqniye.

Taitus 3:1

O Taitus, ni na tamo uŋgasari naŋgi anjam endegsim minjroqne, “Mandor kokba ti sawa taqato qaji tamo kokba ti naŋgo sorgomq di niŋgi geregere sosibqa naŋgo anjam dauryoqniye. Osib gaigai wau bole yqajqa are qaloqniye.

1 Pita 2:17

Osib niŋgi tamo kalil naŋgi kumbra bole enjroqniye. Osib Qotei aqa tamo uŋgasari naŋgi qalaqala-injroqniye. Niŋgi Qotei ulaiyoqnsib aqa sorgomq di soqniye. Sosib mandor kokba naŋgo ñam soqtoqniye.

2 Pita 2:10

Tamo qudei naŋgi awai tulaŋ ugedamu oqab. Tamo naŋgi di sambala kumbra tulaŋ jigat yqajqa are prugnjreqnu. Osib naŋgi endegsib are qaleqnub, “Tamo Koba Qotei aqa anjam di laŋa sa anjam. Deqa iga dauryqasai.” Tamo uge deqaji naŋgi nuŋgo ambleq di tigelosib tulaŋ diqoqnsib naŋgo segi areqalo dauryeqnub. Deqa naŋgi laŋ aŋgro kokba naŋgi misiliŋnjrqajqa ulaosaieqnub.