1 Pita 1:6 - Yesus Aqa Anjam Bole

⁶ Qotei na niŋgi oqas aqa kumbra deqa niŋgi are qaloqnsib tulaŋ areboleboleiŋgeqnu. Ariya bini gulube utru segi segi na niŋgi jaqatiŋ eŋgeqnu. Di uŋgum. Sokiñala gulube di olo koboqas.

1 Pita 1:6 ပူးပေါင်းရင်းမြစ်များ

Matyu 11:28

“Niŋgi gulube qoboiyoqnsib waukobaeqnub qaji niŋgi kalil ijoq babqa e na aqaryaiŋgitqa niŋgi aqaratqab.

Matyu 26:37

Degsi minjrsiqa aqa aŋgro qalub agi Sebedi aqa ŋiri aiyel naŋgi Pita koba na joqsiqa pailyqajqa sasalej. Sasalosiqa pailyoqnsiqa a are tulaŋ gulubekobaiyej.

Matyu 5:12

Od, nuŋgo are tulaŋ boleboleiŋgim soqniye. Di kiyaqa? Nuŋgo awai bole laŋ goge di unu deqa. Nami jeu tamo naŋgi na Qotei aqa medabu o qaji tamo naŋgi dego degsib ugeugeinjroqneb.”

Luk 1:47

Qotei na e aqaryaibosiq kumbra tulaŋ boledamu ebeqnu. Deqa e a qa tulaŋ areboleboleibqo.

Luk 10:20

Mondor uge naŋgi nuŋgo anjam dauryosib jaraieqnub niŋgi deqa tulaŋ areboleboleiŋgaiq. Nuŋgo ñam ijo Abu na laŋ qureq dia neŋgreŋyqo unu. Niŋgi deqa tulaŋ areboleboleiŋgem.”

Luk 2:10

Onaqa laŋ aŋgro dena naŋgi minjrej, “Niŋgi ulaaib. E niŋgi anjam bole merŋgwajqa bonum. Merŋgitqa niŋgi qusib tulaŋ areboleboleiŋgwas. Tamo uŋgasari sawa sawa kalilq di unub qaji naŋgi dego ijo anjam endi qusib tulaŋ areboleboleinjrqas.

Jon 16:22

Dego kere bini niŋgi are gulubeiŋgwo. Ariya bunuqna e niŋgi olo niŋgitqa niŋgi are gulube di uratosib tulaŋ areboleboleiŋgwas. Nuŋgo arebolebole di tamo bei na olo yaiŋgwa keresai.

Jon 16:33

Niŋgi na e beterbosib are lawo na sqajqa deqa e na anjam endi niŋgi merŋgonum. Niŋgi mandamq endia sosib niŋgi gulube koba oqnqab. Deqa uŋgum. Niŋgi are siŋgilatiye. E segi na mandam endeqa siŋgila kalil gotraŋyosim tigelejunum.”

Aposel 14:22

Naŋgi aiyel degsib giloqnsibqa tamo uŋgasari Yesus dauryoqneb qaji naŋgo are siŋgilatetnjroqnsib minjroqneb, “Niŋgi Yesus qa nuŋgo areqalo siŋgilatosib soqniye. Bole, niŋgi gulube gargekoba iteleŋoqnqab. Di uŋgum. Gulube nuŋgoq boqnibqa Qotei a nuŋgo Mandor Koba sosim niŋgi taqatŋgoqnqas.”

Rom 12:12

Mondoŋ Tamo Koba Qotei na niŋgi laŋ qureq osi oqwas. Niŋgi deq oqwajqa tariŋoqnsib areboleboleiŋgoqneme. Osib gulube niŋgi qa boqnimqa siŋgila na tigeloqnsib qoboiyoqniye. Osib gaigai Qotei pailyoqniye.

Rom 5:11

Anjam bei dego unu. Gago Tamo Koba Yesus Kristus aqa siŋgila na iga Qotei ombla geregere unum deqa iga tulaŋ areboleboleigeqnu.

Rom 5:2

Yesus a na iga tamo uŋgasari a qa gago areqalo siŋgilateqnum qaji gam waqtetgej deqa Qotei a iga qa are tulaŋ boleiyonaqa iga eleŋej. Qotei na kumbra di iga egej deqa bini iga kumbra di osim tigelejunum. Deqa bini iga Qotei na laŋ qureq osi oqsim dia iga a ombla geregere sqajqa deqa tariŋeqnum. Iga deqa tulaŋ areboleboleigeqnaq unum.

Rom 9:2

Ijo anjam agiende. E gaigai are tulaŋ gulubeibeqnaqa are koba qaleqnum.

2 Korin 4:17

Di kiyaqa? Iga qalieonum, gulube ti jaqatiŋ ti iga bini eqnum qaji di tulaŋ kokba sai. Naŋgi sokiñalayosib koboqab. Iga gulube di eqnum deqa mondoŋ iga laŋ qureq dia so bole gaigai sqom. Iga qalieonum, iŋgi bole bole iga mondoŋ oqom qaji di tulaŋ boledamu. Iŋgi iŋgi dena mandam qa iŋgi iŋgi kalil tulaŋ buŋnjresqas.

2 Korin 6:10

Iga are gulubeigeqnu. Di uŋgum. Iga gaigai areboleboleigeqnu. Iga ñoro saiqoji unum. Di uŋgum. Iga na tamo uŋgasari naŋgi aqaryainjreqnam naŋgi laŋ qaji iŋgi iŋgi koba eleŋeqnub. Iga iŋgi iŋgi saiqoji unum. Ariya iga olo laŋ qaji iŋgi iŋgi kalil ejunum.

Galesia 5:22

Ariya Qotei aqa Mondor na iga kumbra bole endeqaji yqajqa are tigeltetgeqnu. Qalaqalaiyo kumbra dauryoqa, areboleboleiyoqa, lawo kumbra yoqa, was naŋgi aqaryainjroqnsim kumbra bole bole enjroqa, kumbra bole tiŋtiŋ dauryoqa,

Filipai 2:26

A niŋgi nuŋgwajqa are koba qaleqnu. A qalie, a nami maiyonaqa niŋgi di qusibqa a qa are gulubeiŋgej.

Filipai 3:3

Ariya iga Israel tamo tiŋtiŋo unum. Agi iga Qotei aqa aŋgro unum. Iga muluŋ bole aio qaji. Deqa iga Qotei aqa Mondor aqa siŋgila na Qotei qa louoqnsim Kristus Yesus aqa ñam soqteqnum. Iga qalie, tamo naŋgo jejamu na kumbra dauryqab kumbra dena naŋgi aqaryainjrqa keresai bolesai.

Filipai 4:4

O was qu, niŋgi bati gaigai Tamo Koba Yesus qa areboleboleiŋgoqneme. E olo merŋgwai. Niŋgi a qa tulaŋ areboleboleiŋgoqneme.

1 Tesalonaika 1:6

Niŋgi Qotei aqa anjam eb deqa gulube gargekoba nuŋgoq di branteleŋej. Ariya bati deqa niŋgi gago kumbra ti Tamo Koba Yesus aqa kumbra ti dauryqa uratosai. Niŋgi dauryoqneb. Qotei aqa Mondor na nuŋgo areqalo tigeltetŋgej deqa niŋgi tulaŋ areboleboleiŋgoqnej.

Jems 1:2

O ijo was qu, gulube utru segi segi gargekoba niŋgi qa boqnimqa uŋgum niŋgi endegsib are qaloqniye, “Iga gulube deqa areboleboleigim sqom.”

Jems 1:9

Nuŋgo ambleq di Kristen was bei a iŋgi tulaŋ saiqoji unu. Di uŋgum. A Qotei aqa ŋamgalaq di ñam koba ti unu. Deqa a areboleboleiyeme.

Jems 4:9

Niŋgi are gulubeiŋgim akamuge-toqniye. Niŋgi tamo kikieqnub qaji nuŋgo kiki uratosib olo akamoqniye. Niŋgi tamo areboleboleiŋgeqnu qaji nuŋgo arebolebole di dego kobotosib olo tulaŋ are gulubeiŋgoqneme.

1 Pita 3:17

Iga kumbra bole bole yoqnimqa Qotei na marim jeu tamo naŋgi na iga jaqatiŋ egoqnqab di kere. Ariya iga kumbra uge uge yoqnimqa tamo qudei naŋgi deqa jaqatiŋ egoqnqab di uge. Iga degyqasai.

1 Pita 4:7

Iŋgi iŋgi kalil koboqajqa bati agi jojomqo. Deqa niŋgi areqalo bole ti sosib nuŋgo kumbra kalil geregere taqatoqniye. Niŋgi degyqab di niŋgi Qotei pailyqa oqnsib geregere pailyoqnqab.

1 Pita 5:10

Qotei a bati gaigai iga qa are tulaŋ boleiyeqnu. A Kristus Yesus aqa ñam na niŋgi metŋgej deqa mondoŋ niŋgi Kristus ombla aqa riaŋ ti so bole gaigai sqab. Deqa niŋgi mandamq endia sokiñala jaqatiŋ oqnsib koboamqa Qotei a na niŋgi olo boletŋgsim siŋgilatŋgimqa niŋgi gaigai siŋgila na tigelesqab.