1 Korin 9:4 - Yesus Aqa Anjam Bole

⁴ “Iga Yesus aqa wau ojeqnum dena iga awai osim gago segi iŋgi ti ya ti uyqa kere e?

1 Korin 9:4 ပူးပေါင်းရင်းမြစ်များ

Matyu 10:10

Niŋgi walwelosib nuŋgo qaquŋ aib. Gara jugo aiye aiyel aib. Siŋga tatal aiye aiyel aib. Walwelqajqa toqoŋ ojaib. Niŋgi Qotei aqa wau tamo deqa niŋgi qure qureq giloqnibqa naŋgi na iŋgi iŋgi deqaji niŋgi eŋgeleŋoqnqab.

Luk 10:7

Niŋgi qure bei beiq di brantoqnsibqa tal qujaiq di soqniye. Olo tal bei bei gogetoqnaib. Naŋgi na niŋgi joqsib iŋgi ti ya ti anaiŋgoqnibqa uyoqniye. Niŋgi Qotei aqa wau tamo deqa nuŋgo awai agi oqniye.

Aposel 20:33

“E silali qa kio gara qa kio tamo bei ŋilyosaioqnem.

1 Korin 9:3

Tamo qudei naŋgi ijo kumbra laŋa tenemteqnub deqa e na kamba olo naŋgi endegsi nenemnjreqnum,

Galesia 6:6

Kristen gate naŋgi wauoqnsib Qotei aqa anjam palontosib merŋgeqnub. Deqa niŋgi na kamba naŋgi iŋgi iŋgi qa aqaryainjroqniye.

1 Tesalonaika 2:6

Iga wauoqnem di niŋgi ti tamo uŋgasari qudei ti na gago ñam soqtetgwajqa deqa iga wauosai.

1 Tesalonaika 2:9

O was qu, niŋgi qalie, iga niŋgi koba na sosim Qotei aqa anjam bole niŋgi merŋgoqnem bati deqa iga waukobaoqnem. Iga na niŋgi gulube eŋgwa uratosim deqa iga gago segi baŋ na qanam ti qolo ti tulaŋ siŋgila na wauoqnsim dena gago segi iŋgi iŋgi awaiyosim uyoqnem. Niŋgi na iga silali qa aqaryaigwajqa iga deqa merŋgosaioqnem.