1 Korin 9:16 - Yesus Aqa Anjam Bole

¹⁶ E Yesus aqa anjam bole marsim laqnum ijo wau deqa e ijo segi ñam soqtqa keresai. Qotei na e wau ebej deqa e wau di yoqnqai. E uratqa keresai. Uratqai di Qotei na e gulube ebqas.

1 Korin 9:16 ပူးပေါင်းရင်းမြစ်များ

Matyu 25:16

Sonaqa kaŋgal tamo 5,000 kina ej qaji a silali dena wauosiqa olo 5,000 kina bei ej.

Luk 9:62

Onaqa Yesus na minjej, “Tamo bei a kuñi ojsimqa a bulosim qoreq ŋam atoqnqas tamo dena Qotei a tamo uŋgasari naŋgo Mandor Koba sosiq naŋgi taqatnjreqnu anjam di mare mare laqa keresai.”

Aposel 4:20

Aqo aiyel medabu getentqa keresai. Kumbra kalil gago ŋamdamu na unoqnem qaji deqa iga maroqnsim laqnqom. Anjam kalil gago dabkala na quoqnem qaji di dego iga maroqnsim laqnqom. Iga uratqa keresai.”

Aposel 9:15

Onaqa Tamo Koba Yesus na Ananaias minjej, “Ni ijo anjam mermonum qaji endi daurye. Sol a ijo wau tamo. E na a giltonum deqa a na ijo ñam osi walwelosim sawa sawa kalilq dia tamo uŋgasari Qotei qaliesai qaji naŋgi ti mandor kokba ti Israel tamo uŋgasari naŋgi ti ijo ñam minjroqnqas.

Aposel 9:6

Deqa ni tigelosim Damaskus qureq aie. Aisim dia tamo bei itqam. A na ni wau kie yqam di mermqas.”

Rom 1:14

E na Grik tamo naŋgi ti yauŋ tamo naŋgi ti powo tamo ti nanari tamo naŋgi ti Yesus aqa anjam minjroqnit quqwajqa deqa Qotei na e wau ebej.

Rom 15:17

Aqo Kristus Yesus wo ombla waueqnum deqa e Qotei aqa wau endi yqajqa tulaŋ areboleboleibeqnu.

Rom 4:2

Abraham a kumbra bole yoqnej gam dena a Qotei aqa ŋamgalaq di tamo bole soqnej qamu a aqa segi ñam soqtqa kere. Ariya aqa kumbra dena a Qotei aqa ŋamgalaq di tamo bole sosai.

1 Korin 4:15

Tamo 10,000 naŋgi na Kristus aqa kumbra niŋgi osorŋgoqnqab di uŋgum. Niŋgi abu gargekoba sai. Agi e segi qujai nuŋgo abu. E qujai namo Kristus Yesus aqa anjam niŋgi merŋgonam qusib are bulyeb. Dena e nuŋgo abuem.

1 Korin 9:12

Yesus aqa wau tamo qudei naŋgi Qotei aqa anjam qa niŋgi aqaryaiŋgeqnub deqa niŋgi na naŋgi odnjreqnabqa naŋgi nuŋgoq dena awai olo eqnub. Ariya iga nami nuŋgo ambleq di wau utru atsim wauoqnem. Deqa niŋgi na iga dego odgib iga nuŋgoq dena awai oqom di kere. Ariya iga na Kristus aqa anjam bole getentaim deqa iga nuŋgoq dena awai oqa uratem. Osim dena iga gulube gargekoba qoboiyoqnem.

1 Korin 9:14

Dego kere Tamo Koba Yesus a endegsi marej, “Tamo naŋgi Qotei aqa anjam bole mareqnub qaji naŋgi dena awai oqnsib naŋgo segi iŋgi awaiyoqnsib uyoqnqab.”

2 Korin 2:12

Ariya was qu, e Kristus aqa anjam bole palontqa osimqa walwelosim gilsim Troas qureq di brantem. Brantonam Tamo Koba Qotei na gam waqtetbonaqa e dia aqa wau ojoqnem.

Kolosi 4:17

Ariya niŋgi na Arkipus endegsib minjiye, “Qotei a na ni wau emqo deqa wau di ni na taqatosim geregere wauoqne.”