1 Korin 9:14 - Yesus Aqa Anjam Bole

¹⁴ Dego kere Tamo Koba Yesus a endegsi marej, “Tamo naŋgi Qotei aqa anjam bole mareqnub qaji naŋgi dena awai oqnsib naŋgo segi iŋgi awaiyoqnsib uyoqnqab.”

1 Korin 9:14 ပူးပေါင်းရင်းမြစ်များ

Matyu 10:10

Niŋgi walwelosib nuŋgo qaquŋ aib. Gara jugo aiye aiyel aib. Siŋga tatal aiye aiyel aib. Walwelqajqa toqoŋ ojaib. Niŋgi Qotei aqa wau tamo deqa niŋgi qure qureq giloqnibqa naŋgi na iŋgi iŋgi deqaji niŋgi eŋgeleŋoqnqab.

Luk 10:7

Niŋgi qure bei beiq di brantoqnsibqa tal qujaiq di soqniye. Olo tal bei bei gogetoqnaib. Naŋgi na niŋgi joqsib iŋgi ti ya ti anaiŋgoqnibqa uyoqniye. Niŋgi Qotei aqa wau tamo deqa nuŋgo awai agi oqniye.

Luk 10:8

“Niŋgi qure bei beiq giloqnibqa naŋgi niŋgi joqsib iŋgi anaiŋgoqnibqa uyoqniye.

Aposel 18:3

Pol a naŋgi ti wau qujai. Deqa naŋgi koba na Korin qureq di sosibqa silali qa wauoqneb. Naŋgo silali wau agi naŋgi gara na tal gereiyoqneb.

1 Korin 4:15

Tamo 10,000 naŋgi na Kristus aqa kumbra niŋgi osorŋgoqnqab di uŋgum. Niŋgi abu gargekoba sai. Agi e segi qujai nuŋgo abu. E qujai namo Kristus Yesus aqa anjam niŋgi merŋgonam qusib are bulyeb. Dena e nuŋgo abuem.

1 Korin 9:11

O was qu, iga Qotei aqa anjam qa niŋgi aqaryaiŋgoqnem. Di nuŋgo qunuŋ qa. Ariya niŋgi na kamba jejamu qa iŋgi iŋgi qa olo iga aqaryaigwajqa merŋgwom di iga une yonum e? Iga nuŋgo are miligiq di iŋgi yagobulem. Iŋgi di meliqo deqa niŋgi na olo otorosib egwajqa merŋgwom di iga une yonum e? Sai.

1 Korin 9:12

Yesus aqa wau tamo qudei naŋgi Qotei aqa anjam qa niŋgi aqaryaiŋgeqnub deqa niŋgi na naŋgi odnjreqnabqa naŋgi nuŋgoq dena awai olo eqnub. Ariya iga nami nuŋgo ambleq di wau utru atsim wauoqnem. Deqa niŋgi na iga dego odgib iga nuŋgoq dena awai oqom di kere. Ariya iga na Kristus aqa anjam bole getentaim deqa iga nuŋgoq dena awai oqa uratem. Osim dena iga gulube gargekoba qoboiyoqnem.

1 Korin 9:16

E Yesus aqa anjam bole marsim laqnum ijo wau deqa e ijo segi ñam soqtqa keresai. Qotei na e wau ebej deqa e wau di yoqnqai. E uratqa keresai. Uratqai di Qotei na e gulube ebqas.

1 Korin 9:4

“Iga Yesus aqa wau ojeqnum dena iga awai osim gago segi iŋgi ti ya ti uyqa kere e?

2 Korin 2:12

Ariya was qu, e Kristus aqa anjam bole palontqa osimqa walwelosim gilsim Troas qureq di brantem. Brantonam Tamo Koba Qotei na gam waqtetbonaqa e dia aqa wau ojoqnem.

Galesia 6:6

Kristen gate naŋgi wauoqnsib Qotei aqa anjam palontosib merŋgeqnub. Deqa niŋgi na kamba naŋgi iŋgi iŋgi qa aqaryainjroqniye.

1 Tesalonaika 1:5

Iga nami Kristus aqa anjam bole nuŋgoq osi bem. Iga laŋa anjam maro na osi bosai. Iga Qotei aqa siŋgila na ti aqa Mondor Bole aqa kumbra na ti osi bem. Bati deqa iga gago areqalo Kristus qa siŋgilatonamqa niŋgi di uneb. Iga nuŋgo ambleq di sosimqa niŋgi aqaryaiŋgoqnem. Gago kumbra di niŋgi segi qalie.