1 Korin 8:4 - Yesus Aqa Anjam Bole

⁴ Deqa e na sulum atrainjro qaji iŋgi iŋgi uyqajqa kumbra qa niŋgi endegsi merŋgwai. Mandamq endia sulum naŋgi unub di naŋgi qotei bolesai. Naŋgi laŋa gisaŋ qotei naŋgi sigitejunub. Qotei bole agi a segi qujai unu. Qotei bei sosai. Di iga qalieonum.

1 Korin 8:4 ပူးပေါင်းရင်းမြစ်များ

Mak 12:29

Onaqa Yesus na minjej, “Dal anjam tulaŋ bolequja agi mermqai. ‘O Israel tamo uŋgasari, niŋgi quiye. Gago Tamo Koba Qotei a segi qujai Qotei.

Aposel 14:15

“O tamo uŋgasari, niŋgi kiyaqa kumbra endi yeqnub? Aqo aiyel mandam tamo, niŋgi ti kere. Aqo aiyel na Yesus Kristus aqa anjam bole niŋgi merŋgeqnum. Niŋgi are bulyosib qotei gisa gisaŋ endi torei uratosib Qotei ŋambile gaigai unu qaji a qa nuŋgo areqalo siŋgilatqajqa deqa aqo aiyel na Yesus Kristus aqa anjam bole niŋgi merŋgeqnum. Qotei agi a na laŋ ti mandam ti yuwal ti iŋgi iŋgi kalil ti gereiyej.

Aposel 15:20

Iga anjam qujai endegsim neŋgreŋyosim naŋgoq qariŋyqom, ‘O was qu, niŋgi na qotei gisaŋ atrainjro qaji iŋgi bei uyaib. Niŋgi sambala kumbra yaib. Wagme sil na kakoro tontnjrnab moreŋeb qaji di niŋgi uyaib. Wagme leŋ ti dego uyaib.’ Iga anjam qujai di neŋgreŋyosim sawa bei bei qaji tamo naŋgoq qariŋyqom.

Aposel 19:26

Ariya Pol a na gago wau endi ugeteqnu. Agi a gam endena ugeteqnu. A na tamo uŋgasari gargekoba naŋgi are tigeltetnjroqnsiqa minjreqnu, ‘Tamo naŋgi baŋ na qotei gereiyo qaji di qotei bolesai. Di qotei gisaŋ.’ Yeqnaqa naŋgi aqa anjam di dauryosib qotei Artemis qoreiyeqnub. Osib naŋgi Artemis aqa atra tal sulum dego awaiyqa urateqnub. Pol aqa kumbra di niŋgi uneqnub. Aqa anjam di dego niŋgi queqnub. Aqa kumbra di Efesus qureq endia segi yosai. Esia sawa keretoqnsiqa dia dego a kumbra di yeqnu.

1 Korin 8:1

Ariya e na sulum atrainjro qaji iŋgi iŋgi uyqajqa kumbra qa niŋgi merŋgwai. Tamo qudei naŋgi endegsib mareqnub, “Iga kalil powo ti unum.” Di naŋgi bole mareqnub. Ariya naŋgo powo dena naŋgi olo tulaŋ diqoqnsib naŋgo segi ñam soqtoqnsib laqnub. Ariya iga qalaqalaiyo kumbra dauryqom dena iga Kristen tamo uŋgasari naŋgo areqalo siŋgilatetnjroqnqom.

1 Korin 8:10

Niŋgi powo ti unub qaji niŋgi sulum naŋgo atra tal miligiq gilsib dia iŋgi uyoqnib Kristen was bei powo bole osai qaji a bosim niŋgi nuŋgsimqa a endegsi are qalqas, “Kristen was qu naŋgi di iŋgi iŋgi di uyeqnub deqa uŋgum, e dego uyqai.” Osim a uloŋosim uneq aiqas.

1 Korin 8:11

Nuŋgo powo dena niŋgi na Kristen was bei di powo bole osai qaji a uneq waiyonub. Niŋgi qalie, Kristus a was deqa moiej.

Galesia 4:8

Nami niŋgi Qotei qalieosaisosib bati deqa niŋgi gisaŋ qotei naŋgo kaŋgal tamo bul soqneb.

Efesus 4:6

Qotei qujai unu. A gago kalil qa Abu. A na qujai tamo uŋgasari kalil naŋgi taqatnjroqnsiqa naŋgo ambleq di waueqnu.

1 Timoti 1:17

Qotei a gaigai gago Mandor Koba sqas. A moiqa keresai. Iga a unqa keresai dego. A segi Qotei bole. Deqa iga kalil bati gaigai aqa ñam soqtoqnsim a biŋiyoqnqom. Bole.

1 Timoti 2:5

Iga qalie, Qotei a segi qujai Qotei bole. Kristus Yesus a segi qujai tamo uŋgasari naŋgi ti Qotei ti naŋgo ambleq di tigelesosiqa yeba waiyej unu.

Jut 1:25

Qotei a segi qujai Qotei bole. A gago Tamo Koba Yesus Kristus aqa wau na iga olo eleŋej. Deqa iga aqa ñam soqtoqnqom. A gago Mandor Koba siŋgila koba ti unu qaji. A na iŋgi iŋgi kalil taqatejunu. A nami degsi soqnej. A bini degsi unu. A bati gaigai degsi sqas. Bole.