1 Korin 7:6 - Yesus Aqa Anjam Bole

⁶ Ijo anjam di e na niŋgi aqaryaiŋgwa osim deqa merŋgonum. Anjam di niŋgi dauryqajqa deqa e tulaŋ siŋgila na merŋgosai.

1 Korin 7:6 ပူးပေါင်းရင်းမြစ်များ

1 Korin 7:10

Ariya niŋgi tamo ti uŋa ti unub qaji e na dal anjam endegsi merŋgwai. E segi na niŋgi merŋgwasai. Tamo Koba Yesus a dego niŋgi merŋgwas. Aqa dal anjam agiende. Uŋa niŋgi na nuŋgo tamo naŋgi uratnjraib.

1 Korin 7:12

Ariya niŋgi qudei e na anjam endegsi merŋgwai. Tamo Koba Yesus a na niŋgi merŋgwasai. E segi na merŋgwai. Ni Kristen tamo. Ariya ino ŋauŋ a Kristen uŋa sai. Di uŋgum. Ni a urataim. A ni ombla sqa are soqnim ni a urataim.

1 Korin 7:25

Ariya e na tamo naŋgi uŋa ti sosai qaji naŋgi Tamo Koba Qotei aqa dal anjam bei minjrqasai. E ijo segi areqalo na naŋgi anjam bei endegsi minjrqai. Tamo Koba Qotei a e qa tulaŋ dulej deqa e qalieonum, ijo anjam endi bole.

1 Korin 7:40

Ariya ijo areqalo agiende. Uŋa di a olo tamo bei oqa uratosim laŋa sqas di a areboleboleiyim sqas. Qotei aqa Mondor a ijoq di unu deqa e anjam di niŋgi merŋgonum.

2 Korin 11:17

E Tamo Koba Yesus aqa areqalo dauryosim anjam endi marosai. E nanari tamo bulosim deqa e anjam endi maroqnsim ijo segi ñam soqteqnum.

2 Korin 8:8

E na niŋgi wau di yqajqa siŋgila na merŋgosai. Kristen tamo uŋgasari qudei naŋgi wau di yqajqa tulaŋ siŋgilaeqnub. Naŋgo kumbra deqa agi e na niŋgi saiŋgonum. Yim niŋgi qusib niŋgi dego qalaqalaiyo kumbra dauryqajqa tulaŋ siŋgilaqab kio di e qalieqajqa deqa niŋgi saiŋgonum.