1 Korin 7:40 - Yesus Aqa Anjam Bole

⁴⁰ Ariya ijo areqalo agiende. Uŋa di a olo tamo bei oqa uratosim laŋa sqas di a areboleboleiyim sqas. Qotei aqa Mondor a ijoq di unu deqa e anjam di niŋgi merŋgonum.

1 Korin 7:40 ပူးပေါင်းရင်းမြစ်များ

1 Korin 7:1

Ariya was qu, anjam qudei niŋgi nami neŋgreŋyosib e qa qariŋyeb qaji deqa e kamba olo niŋgi merŋgwai. Anjam bei niŋgi neŋgreŋyeb qaji agi uŋa oqajqa anjam. Deqa e kamba niŋgi endegsi merŋgwai. Tamo naŋgi uŋa oqasai di kumbra bole.

1 Korin 7:35

E niŋgi aqaryaiŋgwa osim deqa anjam di niŋgi merŋgonum. E na niŋgi gulube eŋgwajqa deqa anjam di merŋgosai. Niŋgi kumbra bole dauryoqnsib gaigai Tamo Koba Yesus aqa wau ojsib sqajqa deqa osim anjam di niŋgi merŋgonum. Yim kumbra bei na niŋgi titŋgim niŋgi olo areqalo bei bei o uge.

1 Korin 7:6

Ijo anjam di e na niŋgi aqaryaiŋgwa osim deqa merŋgonum. Anjam di niŋgi dauryqajqa deqa e tulaŋ siŋgila na merŋgosai.

1 Korin 7:8

Ariya tamo uŋgasari uŋa ti tamo ti sosai qaji naŋgi e na anjam endegsi minjrqai. Uŋa qobul naŋgi dego e na anjam endegsi minjrqai. Niŋgi e bul laŋa sqab di bolequja.

2 Korin 12:11

Anjam e mareqnum endi nanari anjam. Di nuŋgo une. Agi niŋgi na ijo areqalo tigeltetbeqnub deqa e nanari anjam endi mareqnum. Niŋgi ijo kumbra bole qa marqa kere. Ariya niŋgi marqa urateqnub. Deqa e segi ijo kumbra bole qa mareqnum. Bole, e tamo bolesai. Ariya niŋgi na olo tamo qudei naŋgo ñam soqtoqnsib mareqnub, “Tamo naŋgi di Qotei aqa wau tamo bolequja.” Ariya tamo naŋgi dena e buŋbosai.

2 Korin 13:3

Kristus a ijo medabuq na anjam mareqnu kio sai kio di niŋgi qalieqajqa deqa e niŋgi qa olo bosiy tamo naŋgi di naŋgo une tingitetnjrqai. Yim niŋgi ijo kumbra di unsib bole qalieqab. Niŋgi quiye. Kristus a siŋgila koba ti unu deqa a lawo na nuŋgo kumbra tingitetŋgwasai. A na niŋgi aqa siŋgila osorŋgim unqab.

2 Korin 8:10

Ariya e silali koroiyqajqa wau deqa olo merŋgwai. Ijo areqalo agiende. Wausau bei qa nami niŋgi namoqna silali koroiyqajqa wau di tigelteb bati deqa niŋgi wau di yqajqa tulaŋ arearetŋgej.

1 Tesalonaika 4:8

Deqa tamo bei a gago anjam endi gotraŋyqas di a tamo naŋgo anjam gotraŋyosai. A Qotei agi aqa Mondor Bole niŋgi eŋgeqnu qaji aqa anjam gotraŋyqo.