1 Korin 7:34 - Yesus Aqa Anjam Bole

³⁴ Deqa naŋgi areqalo aiye aiyeltoqnsib unub. Duŋgeŋge naŋgi ti uŋa naŋgi tamo osai qaji naŋgi ti dego Tamo Koba Yesus aqa kumbra dauryqajqa are qaloqnsib unub. Deqa naŋgi Qotei aqa kumbra boleq di sosib naŋgo segi jejamu ti qunuŋ ti torei Qotei yekriteqnub. Ariya uŋa naŋgi tamo ti unub qaji naŋgi mandam qa iŋgi iŋgi qa are qaloqnsib unub. Deqa kumbra naŋgo tamo a areareteqnu qaji di naŋgi yoqnsib unub.

1 Korin 7:34 ပူးပေါင်းရင်းမြစ်များ

Jon 10:13

A silali qa segi wauqa osimqa a kaja naŋgi geregere taqatnjrqasai. Deqa a kaja naŋgi qa are sosai. Deqa bauŋ juwaŋ bamqa a kaja naŋgi uratnjrsim ulaŋqas.

Rom 6:13

Une na nuŋgo siŋga ti baŋ ti taqatqa laqnimqa niŋgi na olo saidyiye. Yim niŋgi kumbra uge uge yoqnqasai. Niŋgi subq na olo tigelobulosib ŋambile unub deqa niŋgi nuŋgo segi jejamu osib Qotei yiye. Yosib nuŋgo siŋga ti baŋ ti nuŋgo jejamu ti kalil Qotei aqa baŋq di atibqa a segi na taqatqas. Yim dena niŋgi kumbra bole tiŋtiŋ yoqnqab.

1 Korin 6:20

Qotei a awai kobaquja na niŋgi awaiŋgej. Deqa kumbra kalil niŋgi yeqnub qaji di niŋgi Qotei aqa ñam soqtqa maroqnsib yoqniye.

1 Korin 7:33

Ariya tamo naŋgi uŋa ti unub qaji naŋgi mandam qa iŋgi iŋgi qa are qaloqnsib unub. Deqa kumbra naŋgo uŋa a areareteqnu qaji di naŋgi yoqnsib unub.

1 Korin 7:35

E niŋgi aqaryaiŋgwa osim deqa anjam di niŋgi merŋgonum. E na niŋgi gulube eŋgwajqa deqa anjam di merŋgosai. Niŋgi kumbra bole dauryoqnsib gaigai Tamo Koba Yesus aqa wau ojsib sqajqa deqa osim anjam di niŋgi merŋgonum. Yim kumbra bei na niŋgi titŋgim niŋgi olo areqalo bei bei o uge.

2 Korin 11:28

Ariya bini gulube qudei dego e qa branteqnub. Gulube kobaquja bei agiende. E bati gaigai Kristen was qu qure qure kalilq di unub qaji naŋgi qa are koba qaleqnum. Naŋgi bole unub kio sai kio deqa e naŋgi qa tulaŋ are koba qaleqnum.

2 Korin 8:16

Ariya e Qotei biŋiyeqnum. Di kiyaqa? A na Taitus are pruqtetej deqa a iga ti are qujaitosiqa a dego niŋgi aqaryaiŋgwajqa siŋgilaej.

Filipai 1:20

Deqa ijo areqalo kobaquja agiende. E kumbra uge bei yqasai. Yim deqa e jemaibqasai. E endegsi are qalonum. Bini bati endeqa ti bunuq qa ti e siŋgila na tigeloqnsiy kumbra bole segi dauryoqnqai. Agi e kumbra degyeqnum. Deqa e moiqai kio e sqai kio di uŋgum. E ijo kumbra kalil qa Kristus aqa ñam soqtoqnqai.

1 Tesalonaika 5:23

Qotei a are lawo qa utru. A na nuŋgo areqalo tigeltetŋgimqa niŋgi nuŋgo segi jejamu osib a yekritosib aqa segi kumbra boleq di sosib dauryoqniye. Qotei a na nuŋgo mondor ti nuŋgo qunuŋ ti nuŋgo jejamu ti kalil taqatesoqnimqa niŋgi so bole sqab. Sosib mondoŋ gago Tamo Koba Yesus Kristus a olo bqas bati deqa niŋgi torei une saiqoji sqab.

1 Timoti 3:5

Tamo bei na aqa segi uŋa ti aqa aŋgro naŋgi ti geregere taqatnjrqasai di a na Kristen naŋgi dego geregere taqatnjrqa keresai. Deqa a Kristen naŋgo gate sqa keresai.

1 Timoti 5:5

Ariya uŋa qobul qudei naŋgi aŋgro saiqoji unub. Naŋgi segi unub deqa naŋgi Qotei qa naŋgo areqalo siŋgilatoqnsib a na naŋgi geregereinjrqajqa deqa tariŋoqnsib qolo ti qanam ti pailyoqnsib unub.

Taitus 3:8

Qotei aqa anjam di tulaŋ boledamu. Deqa iga anjam di gago areqaloq di siŋgilatqom. O Taitus, ni Qotei aqa anjam di siŋgila na palontoqnimqa tamo uŋgasari Qotei qa naŋgo areqalo siŋgilateqnub qaji naŋgi quoqnsib kumbra bole bole yoqnqab. Kumbra deqaji na tamo uŋgasari naŋgi aqaryainjreqnu. Kumbra di bolequja.