1 Korin 7:33 - Yesus Aqa Anjam Bole

³³ Ariya tamo naŋgi uŋa ti unub qaji naŋgi mandam qa iŋgi iŋgi qa are qaloqnsib unub. Deqa kumbra naŋgo uŋa a areareteqnu qaji di naŋgi yoqnsib unub.

1 Korin 7:33 ပူးပေါင်းရင်းမြစ်များ

Luk 12:22

Yesus a yawo anjam degsi marsiq koboonaqa a na aqa aŋgro naŋgi endegsi minjrej, “Deqa e niŋgi endegsi merŋgwai. Niŋgi mandamq endia nuŋgo segi jejamu bole sqajqa deqa areqalo kobaiyaib. Osib endegsib maraib, ‘Iga iŋgi qabe na osim uyqom? Gara qabe na osim gago jejamu kabutqom?’ Niŋgi degsib maraib.

Luk 14:20

Bei na minjej, ‘E bini uŋa bunuj onum. Deqa e dego bqa keresai.’

Jon 10:13

A silali qa segi wauqa osimqa a kaja naŋgi geregere taqatnjrqasai. Deqa a kaja naŋgi qa are sosai. Deqa bauŋ juwaŋ bamqa a kaja naŋgi uratnjrsim ulaŋqas.

1 Korin 7:3

Tamo naŋgo jejamu di naŋgo ŋauŋ qa. Deqa tamo naŋgi naŋgo jejamu getentaib. Uŋa naŋgo jejamu di dego naŋgo gumbuluŋ qa. Deqa uŋa naŋgi dego naŋgo jejamu getentaib.

1 Korin 7:32

O was qu, niŋgi mandam qa iŋgi iŋgi qa are gulubeiŋgim areqalo bei bei aib deqa e na niŋgi anjam endegsi merŋgwai. Niŋgi qalie, tamo uŋa ti sosai qaji naŋgi Tamo Koba Yesus aqa kumbra dauryqajqa are qaloqnsib unub. Deqa kumbra Yesus a tulaŋ areareteqnu qaji di naŋgi yoqnsib unub.

1 Korin 7:34

Deqa naŋgi areqalo aiye aiyeltoqnsib unub. Duŋgeŋge naŋgi ti uŋa naŋgi tamo osai qaji naŋgi ti dego Tamo Koba Yesus aqa kumbra dauryqajqa are qaloqnsib unub. Deqa naŋgi Qotei aqa kumbra boleq di sosib naŋgo segi jejamu ti qunuŋ ti torei Qotei yekriteqnub. Ariya uŋa naŋgi tamo ti unub qaji naŋgi mandam qa iŋgi iŋgi qa are qaloqnsib unub. Deqa kumbra naŋgo tamo a areareteqnu qaji di naŋgi yoqnsib unub.

Kolosi 3:19

O tamo, niŋgi nuŋgo ŋauŋ naŋgi tulaŋ qalaqalainjroqniye. Niŋgi naŋgo are ugetetnjraib.

1 Timoti 5:8

Ariya ni que. Tamo bei na aqa segi leŋ naŋgi ti aqa tal qujai naŋgi ti geregereinjrqasai di a kumbra tulaŋ ugedamu yqo. A Yesus qa aqa areqalo siŋgilatqa uratobulqo. Ni une. Tamo naŋgi Qotei qaliesai qaji naŋgi kumbra uge deqaji yosaieqnub.

1 Pita 3:7

O tamo, niŋgi areqalo bole dauryosib nuŋgo uŋgasari naŋgi ti geregere soqniye. Nuŋgo uŋgasari naŋgi tamo sai. Naŋgi uŋa. Naŋgo jejamu siŋgila sai. Deqa niŋgi lawo na naŋgi kumbra bole bole enjroqniye. Uŋgasari naŋgi dego ŋambile gaigai sqab. Niŋgi degsib qalieosib deqa nuŋgo uŋgasari naŋgi gereinjroqniye. Niŋgi kumbra degyqab di iŋgi bei na nuŋgo pail getentqa keresai. Qotei a nuŋgo pail quoqnqas.