1 Korin 7:32 - Yesus Aqa Anjam Bole

³² O was qu, niŋgi mandam qa iŋgi iŋgi qa are gulubeiŋgim areqalo bei bei aib deqa e na niŋgi anjam endegsi merŋgwai. Niŋgi qalie, tamo uŋa ti sosai qaji naŋgi Tamo Koba Yesus aqa kumbra dauryqajqa are qaloqnsib unub. Deqa kumbra Yesus a tulaŋ areareteqnu qaji di naŋgi yoqnsib unub.

1 Korin 7:32 ပူးပေါင်းရင်းမြစ်များ

Matyu 13:22

Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna naŋgi olo mandam qa iŋgi iŋgi qa are koba qaloqnsibqa silali koba oqnqajqa are prugnjroqnqas. Yimqa naŋgo areqalo dena naŋgi wala walainjrsim Qotei aqa anjam naŋgo are miligiq di tentimqa di loumqas. Deqa a gei boletosai.

Jon 10:13

A silali qa segi wauqa osimqa a kaja naŋgi geregere taqatnjrqasai. Deqa a kaja naŋgi qa are sosai. Deqa bauŋ juwaŋ bamqa a kaja naŋgi uratnjrsim ulaŋqas.

1 Korin 7:33

Ariya tamo naŋgi uŋa ti unub qaji naŋgi mandam qa iŋgi iŋgi qa are qaloqnsib unub. Deqa kumbra naŋgo uŋa a areareteqnu qaji di naŋgi yoqnsib unub.

Filipai 4:6

Deqa niŋgi iŋgi bei qa areqalo kobaiyaib. Niŋgi gaigai nuŋgo gulube kalil qa Qotei pailyoqniye. Osib a biŋiyoqnsib minjoqniye, “O Abu, ni na iga aqaryaigoqne.”

1 Timoti 5:5

Ariya uŋa qobul qudei naŋgi aŋgro saiqoji unub. Naŋgi segi unub deqa naŋgi Qotei qa naŋgo areqalo siŋgilatoqnsib a na naŋgi geregereinjrqajqa deqa tariŋoqnsib qolo ti qanam ti pailyoqnsib unub.