1 Korin 7:31 - Yesus Aqa Anjam Bole

³¹ Tamo naŋgi mandam qa iŋgi iŋgi qa waueqnub qaji naŋgi iŋgi iŋgi qa wauosai bul soqnebe. Niŋgi qalie, sokiñala mandam ti aqa iŋgi iŋgi kalil ti torei koboqab.

1 Korin 7:31 ပူးပေါင်းရင်းမြစ်များ

Luk 21:34

Osiqa Yesus a olo anjam endegsi minjrej, “Niŋgi geregere ŋam atsib soqniye. Niŋgi ya uge uyoqnsib nanarioqnqajqa are prugŋgoqnaiq. Nuŋgo segi jejamu qa iŋgi iŋgi qa areqalo kobaiyoqnaib. Niŋgi kumbra uge kalil deqaji yoqnibqa e urur mandamq aisiy niŋgi pruqtŋgo uge.

1 Korin 7:29

O was qu, diŋo bati jojomqo deqa e na niŋgi endegsi merŋgwai. Tamo naŋgi uŋa ti unub qaji naŋgi uŋa saiqoji so bul soqnebe.

1 Korin 7:30

Tamo naŋgi akameqnub qaji naŋgi akamosai bul soqnebe. Tamo naŋgi areboleboleinjreqnu qaji naŋgi areboleboleinjrosai bul soqnebe. Tamo naŋgi iŋgi iŋgi awaiyeqnub qaji naŋgi iŋgi iŋgi saiqoji so bul soqnebe.

1 Korin 9:18

Deqa e awai kie oqai? Ijo awai agiende. E Yesus aqa anjam bole maroqnsiy dena silali oqnqasai. Ijo awai bole agide. Bole, e silali oqa kere. Ariya e oqa uratem. E tamo uŋgasari naŋgi Qotei aqa anjam qa laŋa aqaryainjroqnqai. Ijo awai bole agide.

Hibru 12:27

A marej, “Bati qujai qa.” Deqa iga qalieonum, Qotei a mandam ti laŋ ti reŋgiŋnjrsimqa ariya iŋgi iŋgi kalil a nami atej qaji di taqal breinjrim naŋgi torei koboqab. Yim deqa iŋgi iŋgi a na reŋgiŋnjrqasai qaji di gaigai sqas.

Jems 4:14

Niŋgi degsib mareqnub. Ariya nebe kumbra kie nuŋgoq di brantqas di niŋgi qalieqa keresai. Niŋgi ŋam qurem bul sokiñalayosib koboqab.

1 Pita 1:24

Agi Qotei aqa anjam bei nami endegsib neŋgreŋyeb unu, “Tamo uŋgasari kalil naŋgi mandamq endia bati olekoba sqasai. Naŋgi ñiŋ bul urur koboqab. Deqa naŋgo ñam balamtamo aqa so bulosim uloŋqas. Agi ñiŋ a gaigai kaŋgraŋeqnu. Balamtamo aqa so a sokiñalayoqnsiq uloŋeqnu.

1 Pita 4:7

Iŋgi iŋgi kalil koboqajqa bati agi jojomqo. Deqa niŋgi areqalo bole ti sosib nuŋgo kumbra kalil geregere taqatoqniye. Niŋgi degyqab di niŋgi Qotei pailyqa oqnsib geregere pailyoqnqab.

1 Jon 2:17

Mandam endi koboqas. Mandam endeqa kumbra ti are prugyoqa ti maulyoqa ti kalil koboqab. Ariya tamo a Qotei aqa anjam dauryqas di a gaigai sqas.