1 Korin 7:25 - Yesus Aqa Anjam Bole

²⁵ Ariya e na tamo naŋgi uŋa ti sosai qaji naŋgi Tamo Koba Qotei aqa dal anjam bei minjrqasai. E ijo segi areqalo na naŋgi anjam bei endegsi minjrqai. Tamo Koba Qotei a e qa tulaŋ dulej deqa e qalieonum, ijo anjam endi bole.

1 Korin 7:25 ပူးပေါင်းရင်းမြစ်များ

1 Korin 15:10

Ariya Qotei a e qa are boleiyej deqa bini e aqa anjam maro tamo unum. A e qa are boleiyej aqa kumbra di laŋa uloŋosai. E aqa kumbra di osim siŋgila na waukobaoqnsim Qotei aqa anjam maro tamo kalil naŋgi tulaŋ buŋnjreqnum. Ariya e ijo segi siŋgila na wau di yosaieqnum. Qotei a e qa are boleiyej deqa a na e siŋgila ebeqnaqa e wau di yeqnum.

1 Korin 4:2

Niŋgi qalie. Tamo bei na tamo bei aqa wau taqatqas di a na aqa medabu geregere dauryqas.

1 Korin 7:10

Ariya niŋgi tamo ti uŋa ti unub qaji e na dal anjam endegsi merŋgwai. E segi na niŋgi merŋgwasai. Tamo Koba Yesus a dego niŋgi merŋgwas. Aqa dal anjam agiende. Uŋa niŋgi na nuŋgo tamo naŋgi uratnjraib.

1 Korin 7:12

Ariya niŋgi qudei e na anjam endegsi merŋgwai. Tamo Koba Yesus a na niŋgi merŋgwasai. E segi na merŋgwai. Ni Kristen tamo. Ariya ino ŋauŋ a Kristen uŋa sai. Di uŋgum. Ni a urataim. A ni ombla sqa are soqnim ni a urataim.

1 Korin 7:28

Ariya niŋgi uŋa oqab di kere. Di niŋgi unetosai. Duŋgeŋge naŋgi dego tamo oqab di kere. Di dego naŋgi unetosai. Ariya tamo naŋgi uŋa oqab qaji naŋgi mandamq endia gulube koba oqab. Niŋgi gulube di aib deqa e na anjam endi niŋgi merŋgonum.

1 Korin 7:34

Deqa naŋgi areqalo aiye aiyeltoqnsib unub. Duŋgeŋge naŋgi ti uŋa naŋgi tamo osai qaji naŋgi ti dego Tamo Koba Yesus aqa kumbra dauryqajqa are qaloqnsib unub. Deqa naŋgi Qotei aqa kumbra boleq di sosib naŋgo segi jejamu ti qunuŋ ti torei Qotei yekriteqnub. Ariya uŋa naŋgi tamo ti unub qaji naŋgi mandam qa iŋgi iŋgi qa are qaloqnsib unub. Deqa kumbra naŋgo tamo a areareteqnu qaji di naŋgi yoqnsib unub.

1 Korin 7:40

Ariya ijo areqalo agiende. Uŋa di a olo tamo bei oqa uratosim laŋa sqas di a areboleboleiyim sqas. Qotei aqa Mondor a ijoq di unu deqa e anjam di niŋgi merŋgonum.

1 Korin 7:6

Ijo anjam di e na niŋgi aqaryaiŋgwa osim deqa merŋgonum. Anjam di niŋgi dauryqajqa deqa e tulaŋ siŋgila na merŋgosai.

2 Korin 11:17

E Tamo Koba Yesus aqa areqalo dauryosim anjam endi marosai. E nanari tamo bulosim deqa e anjam endi maroqnsim ijo segi ñam soqteqnum.

2 Korin 2:17

Ariya iga tamo gargekoba naŋgi bul sai. Agi tamo gargekoba naŋgi Qotei aqa anjam mareqnub di naŋgi silali oqajqa deqa osib waueqnub. Ariya iga degyosaieqnum. Qotei na iga wau egej deqa iga gisaŋ na wauosaieqnum. Iga Kristus koba na areqalo qujaitosim Qotei aqa ŋamgalaq di aqa anjam bole geregere marsim laqnum.