1 Korin 7:21 - Yesus Aqa Anjam Bole

²¹ Niŋgi qudei kaŋgal tamo sonabqa Qotei na niŋgi metŋgej. Ariya niŋgi deqa are gulubeiŋgaiq. Niŋgi degsib soqniye. Ariya bunuqna niŋgi kaŋgal tamo sqa uratosib olo nuŋgo segi wau ojqa gam soqnimqa olo degyiye.

1 Korin 7:21 ပူးပေါင်းရင်းမြစ်များ

Luk 12:29

Niŋgi endegsib maraib, ‘Iga iŋgi ti ya ti qabe na osim uyqom?’ Osib niŋgi areqalo kobaiyaib.

Luk 21:34

Osiqa Yesus a olo anjam endegsi minjrej, “Niŋgi geregere ŋam atsib soqniye. Niŋgi ya uge uyoqnsib nanarioqnqajqa are prugŋgoqnaiq. Nuŋgo segi jejamu qa iŋgi iŋgi qa areqalo kobaiyoqnaib. Niŋgi kumbra uge kalil deqaji yoqnibqa e urur mandamq aisiy niŋgi pruqtŋgo uge.

1 Korin 12:13

Di kiyaqa? Qotei aqa Mondor a segi qujai na iga kalil eleŋosiqa turtgej deqa iga kalil tamo qujaionum. Iga Juda tamo ti Grik tamo ti kaŋgal tamo ti tamo laŋaj ti kalil Qotei aqa Mondor qujai di osim a ya jumbum bul uyoqnsim dena iga siŋgila eqnum.

1 Korin 7:20

Iga nami kiersim sonamqa Qotei na iga metgej degsim sqom.

1 Korin 7:22

Tamo naŋgi kaŋgal tamo sonabqa Qotei na metnjrej qaji naŋgi Tamo Koba Yesus aqa. Deqa naŋgi aqa ŋamgalaq di kaŋgal tamo sosai. Dego kere tamo naŋgi kaŋgal tamo sosai sonabqa Qotei na metnjrej qaji naŋgi olo Kristus aqa kaŋgal tamo bul unub.

Galesia 3:28

Deqa niŋgi endegsib maraib, “E Juda qaji” o “E Grik tamo” o “E kaŋgal tamo” o “E kaŋgal tamo sai.” o “E tamo” o “E uŋa”. Niŋgi degsib maraib. Niŋgi Kristus Yesus beteryejunub deqa niŋgi kalil tamo qujai bul unub.

Filipai 4:11

Bole, e iŋgi bei qa truquosaieqnum. E deqa are qalsim anjam endi neŋgreŋyosai. E lawo kumbra qalieonum deqa kumbra kie ijoq di brantqas di uŋgum, e ulaqasai.

Filipai 4:6

Deqa niŋgi iŋgi bei qa areqalo kobaiyaib. Niŋgi gaigai nuŋgo gulube kalil qa Qotei pailyoqniye. Osib a biŋiyoqnsib minjoqniye, “O Abu, ni na iga aqaryaigoqne.”

Kolosi 3:11

Iga so bunujq di unum deqa iga kalil kerekere unum. Deqa iga gago was naŋgi endegsi minjroqnqasai, “Ni Grik qaji” o “Ni Juda qaji” o “Ni muluŋ aio qaji” o “Ni muluŋ aiosai qaji” o “Ni yauŋ tamo” o “Ni yambaŋ tamo” o “Ni kaŋgal tamo” o “Ni tamo laŋaj”. Iga gago was naŋgi degsi minjroqnqasai. Di kiyaqa? Kristus a segi qujai unu. A gago kalil qa Tamo Koba.

Hibru 13:5

Niŋgi silali qa mamaulŋgaiq. Niŋgi endegsib maroqniye, “Iga silali ti iŋgi ti yala eqnum di kere.” Agi Qotei na iga segi segi endegsi mergej, “E ni uratmqasai. E ni qoreimqasai dego.”

1 Pita 5:7

Qotei a gaigai niŋgi qa are qaleqnu. Deqa niŋgi gulube ti sosibqa nuŋgo gulube kalil di niŋgi osi giloqnsib Qotei aqa baŋq di uratoqniye.