1 Korin 6:19 - Yesus Aqa Anjam Bole

¹⁹ Nuŋgo jejamu di Qotei aqa Mondor aqa segi tal. Qotei a segi na Mondor di niŋgi eŋgej deqa a nuŋgo miligiq di unu. Niŋgi di qaliesai kio? Nuŋgo jejamu di nuŋgo segi jejamu sai. Di Qotei aqa jejamu.

1 Korin 6:19 ပူးပေါင်းရင်းမြစ်များ

Jon 2:21

Yesus a atra tal qa marej di aqa segi jejamu qa sigitosiqa yawo anjam marej.

Rom 8:9

Ariya niŋgi areqalo namij na walwelosaieqnub. Qotei aqa Mondor a nuŋgo are miligiq di unu deqa niŋgi aqa kumbra na walweleqnub. Tamo a Kristus aqa Mondor ti sqasai di a Kristus aqa tamo sqa keresai.

1 Korin 3:16

Niŋgi Qotei aqa segi tal bul. Qotei aqa Mondor a nuŋgo miligiq di unu. Di niŋgi qaliesai kio?

1 Korin 6:13

Tamo qudei naŋgi mareqnub, “Uyo iŋgi aqa wau agi aisim meneq di sqajqa. Mene aqa wau agi iŋgi uyqajqa.” Di naŋgi bole mareqnub. Ariya mondoŋ Qotei na uyo iŋgi ti mene ti di kalil torei kobotqas. Ariya gago jejamu di sambala kumbra yqajqa sai. Gago jejamu di Tamo Koba Yesus aqa. A segi na taqateqnu.

1 Korin 6:3

Mondoŋ iga na laŋ aŋgro naŋgo une qa dego peginjrqom. Niŋgi di qaliesai kio? Iga degyqom deqa e endegsi are qalonum. Iga mandam endeqa anjam kalil dego pegiyqa kere.

2 Korin 5:15

Iga ŋambile unum deqa iga gago segi jejamu qa are qalsim walwelqasai. Utru deqa a iga qa moiej. A gago sawa osiq moisiq olo subq na tigelej deqa iga a qa are qalsim walweloqnqom.

2 Korin 6:16

Qotei aqa atra tal ti qotei gisaŋ naŋgo atra tal ti beterosib ombla sqa kere e? Di keresai. Niŋgi qalie, Qotei ŋambile gaigai unu qaji aqa atra tal agi iga segi unum. Agi Qotei aqa anjam bei nami endegsib neŋgreŋyeb unu, “E naŋgo ambleq di sosiy walweloqnqai. E naŋgo Qotei sqai. Naŋgi ijo segi tamo uŋgasari sqab.”

Taitus 2:14

Kristus a na iga eleŋosim gago une kalil kobotqajqa deqa marsiq aqa segi ŋambile uratosiq moiej. Iga aqa segi tamo uŋgasari boledamu sosim kumbra bole bole siŋgila na dauryoqnqajqa deqa marsiq aqa segi ŋambile uratej.

Jems 4:5

Agi Qotei aqa anjam bei nami endegsib neŋgreŋyeb unu, “Qotei a na aqa Mondor Bole gago are miligiq di atej unu. Mondor di a iga qa tulaŋ areareteqnu. Deqa iga a qoreiyqom di a are ugeiyqas.” O was qu, anjam di laŋa sa anjam niŋgi degsib are qalonub kio?

1 Pita 2:5

Niŋgi dego tal aqa ai bul ŋambile unub. Qotei na niŋgi aqa segi tal sqa marsiq deqa aqa Mondor aqa siŋgila na niŋgi gereiŋgeqnu. Yim niŋgi aqa segi atra tamo boledamu sosib Yesus Kristus aqa ñam na nuŋgo segi jejamu Qotei atraiyoqnib a niŋgi qa tulaŋ arearetoqnqajqa deqa.