1 Korin 6:12 - Yesus Aqa Anjam Bole

¹² Kristen tamo qudei naŋgi mareqnub, “E kumbra kalil yqa kere.” Di naŋgi bole mareqnub. Ariya ni kumbra kalil di yqam dena ni aqaryaimqa keresai. Bole, e kumbra kalil yqa kere. Ariya e kumbra bei aqa sorgomq di sqasai. Yim a na e taqatbqasai.

1 Korin 6:12 ပူးပေါင်းရင်းမြစ်များ

Jon 5:10

Deqa Juda tamo kokba naŋgi na tamo boleej qaji di unsib minjeb, “Bini gago yori bati. Iga wauqa getento. Deqa ni ino sapera qoboiyaim.”

Rom 7:14

Iga qalie, Qotei aqa dal anjam a Qotei aqa Mondor aqaq na bej. Ariya e areqalo namijq di unum deqa e Qotei aqa areqalo dauryqa keresai. Di kiyaqa? Une na e tonto talq waibobulej unum deqa e une aqa wau tamo unum.

1 Korin 8:4

Deqa e na sulum atrainjro qaji iŋgi iŋgi uyqajqa kumbra qa niŋgi endegsi merŋgwai. Mandamq endia sulum naŋgi unub di naŋgi qotei bolesai. Naŋgi laŋa gisaŋ qotei naŋgi sigitejunub. Qotei bole agi a segi qujai unu. Qotei bei sosai. Di iga qalieonum.

1 Korin 9:12

Yesus aqa wau tamo qudei naŋgi Qotei aqa anjam qa niŋgi aqaryaiŋgeqnub deqa niŋgi na naŋgi odnjreqnabqa naŋgi nuŋgoq dena awai olo eqnub. Ariya iga nami nuŋgo ambleq di wau utru atsim wauoqnem. Deqa niŋgi na iga dego odgib iga nuŋgoq dena awai oqom di kere. Ariya iga na Kristus aqa anjam bole getentaim deqa iga nuŋgoq dena awai oqa uratem. Osim dena iga gulube gargekoba qoboiyoqnem.

1 Korin 9:27

Osim dena e na ijo segi jejamu qaloqnsim siŋgilateqnum. Yim ijo jejamu a ijo areqalo dauryqajqa deqa. E na tamo uŋgasari naŋgi Yesus aqa anjam bole minjre minjre laqnum. Ariya bunuqna e segi awai bole osaiaim deqa e na ijo segi jejamu qaloqnsim siŋgilateqnum.

2 Tesalonaika 3:9

Bole, iga ñam ti deqa iga nuŋgo iŋgi iŋgi laŋa yaiŋgwa kere. Di iga uratem. Di kiyaqa? Iga endegsi are qalem. Iga wauoqnsim gago segi iŋgi iŋgi awaiyoqnsim uyoqnimqa gago kumbra di niŋgi unsib bole qa marsib dauryoqnqab.

Jut 1:12

Bati gaigai niŋgi nuŋgo iŋgi goioq di awooqnsib Qotei aqa qalaqalaiyo kumbra dauryeqnab tamo uge naŋgi di uli na boqnsib nuŋgo ambleq di kumbra tulaŋ jigat yeqnub. Naŋgi kumbra di yqajqa jemainjrosaieqnu. Naŋgi naŋgo segi jejamu qa are qaleqnub. Jagwa na awa puyeqnaqa urur koboeqnu dego kere tamo naŋgi di kumbra bole bei babtosaieqnub. Qura geitqa batieqnaqa a geitosaieqnu dego kere tamo uge naŋgi di kumbra bole bei babtosaieqnub. Iga ŋamtaŋ moio otoroqnsim taqal breinjreqnum dego kere tamo naŋgi di Qotei na osim sawa ugeq breinjrqas. Deqa mondoŋ naŋgi moiougetosib torei padalqab.