1 Korin 5:8 - Yesus Aqa Anjam Bole

⁸ Deqa iga Bem Tiyosai Qaji Uyqa Bati di unsim bem tiyeqnu qaji sum namij di uratosim olo bem bunuj sum saiqoji unu qaji di oqom. Sum namij di gago une ti gago kumbra uge ti sigitejunu. Ariya bem bunuj sum saiqoji unu qaji di are bole ti anjam bole ti sigitejunu.

1 Korin 5:8 ပူးပေါင်းရင်းမြစ်များ

Matyu 16:12

Yesus a na naŋgi degsi minjrnaqa naŋgi qusib poinjrej, “Bole, Yesus a bem bole tiyosim kobaqujaqas deqa iga ŋam atsim sqajqa mergosai. Farisi ti Sadyusi ti naŋgo gisaŋ anjam kobaqas deqa iga ŋam atsim sqajqa mergwo.”

Matyu 16:6

Deqa Yesus a na naŋgi endegsi minjrej, “Niŋgi geregere ŋam atsib soqniye. Farisi ti Sadyusi ti naŋgo bem tiyeqnu qaji sum dena bem tiyekritosim tulaŋ kobaqujaqas. Deqa niŋgi geregere ŋam atsib soqniye.”

Mak 8:15

Degsi mareqnabqa Yesus a naŋgo anjam di qusiqa yawo anjam bei endegsi minjrej, “Niŋgi geregere ŋam atsib soqniye. Bem tiyeqnu qaji sum Farisi naŋgo bem ti bulyimqa bem dena tiyekritosim tulaŋ kobaqujaqas. Herot aqa bem dego tiyekritosim tulaŋ kobaqujaqas. Deqa niŋgi geregere ŋam atsib soqniye.”

Luk 12:1

Onaqa tamo uŋgasari tulaŋ gargekoba naŋgi Yesus unqajqa bosib koroosib jujuŋkobaeb. Siŋga waiysib walwelqa keresai. Deqa tamo qudei naŋgi na tamo qudei naŋgo siŋga sosetnjroqneb. Onaqa Yesus na aqa aŋgro naŋgi joqsiqa naŋgi sasalosib a na minjrej, “Farisi naŋgo kumbra tulaŋ ugedamu. Deqa niŋgi geregere ŋam atsib soqniye. Farisi naŋgo kumbra uge di tulaŋ kobaqas. Bem tiyosim kobaqujaeqnu dego kere. Naŋgo kumbra uge agi marqai. Naŋgi gisaŋ ani. Babaŋ na naŋgi tamo bole. Ariya naŋgo are miligi uge.

Jon 1:47

Onaqa Nataniel a walwelosiq Yesus aqa areq beqnaqa unsiqa a qa marej, “Niŋgi uniye. Tamo di a Israel tamo bolequja. A gisaŋ anjam marosaieqnu.”

1 Korin 3:3

Di kiyaqa? Niŋgi nuŋgo areqalo namij dauryeqnub deqa. Agi niŋgi nuŋgo was naŋgi qa are ugeiŋgeqnaqa ombla anjam na qotoqnsib laqnub. Nuŋgo kumbra di jejamu qa kumbra uge. Di mandam qaji tamo naŋgo kumbra.

1 Korin 5:1

O was qu, e anjam bei endegsi quem. Nuŋgo ambleq di tamo bei a sambala kumbra yeqnu. Aqa sambala kumbra di tulaŋ ugedamu. Tamo naŋgi Qotei qaliesai qaji naŋgi sambala kumbra deqaji yosaieqnub. Aqa sambala kumbra agiende. A na aqa abu aqa ŋauqali olo oqnsiq ombla sambalaeqnub.

1 Korin 5:6

Niŋgi nuŋgo segi ñam soqteqnub di kumbra bolesai. Niŋgi qalie, tamo naŋgi sum kiñala oqnsib bem ti bulyeqnab bem tiyekritoqnsiq tulaŋ kobaqujaeqnu.

2 Korin 1:12

O was qu, e ijo kumbra bei endeqa tulaŋ areboleboleibqo. Ijo are miligiq di e qalieonum, e kumbra bole tiŋtiŋ segi dauryoqnsim yeqnum. Kumbra Qotei na osorbej qaji di segi e dauryoqnsim yeqnum. E mandam tamo naŋgoq dena powo osim kumbra di yosaieqnum. Qotei a e qa are boleiyosiq kumbra di osorbej deqa e yeqnum. Deqa e tamo uŋgasari kalil naŋgo ambleq dia kumbra di yeqnum. Agi e nuŋgo ambleq di dego nami kumbra di tulaŋ koba yoqnem.

2 Korin 2:17

Ariya iga tamo gargekoba naŋgi bul sai. Agi tamo gargekoba naŋgi Qotei aqa anjam mareqnub di naŋgi silali oqajqa deqa osib waueqnub. Ariya iga degyosaieqnum. Qotei na iga wau egej deqa iga gisaŋ na wauosaieqnum. Iga Kristus koba na areqalo qujaitosim Qotei aqa ŋamgalaq di aqa anjam bole geregere marsim laqnum.

2 Korin 8:8

E na niŋgi wau di yqajqa siŋgila na merŋgosai. Kristen tamo uŋgasari qudei naŋgi wau di yqajqa tulaŋ siŋgilaeqnub. Naŋgo kumbra deqa agi e na niŋgi saiŋgonum. Yim niŋgi qusib niŋgi dego qalaqalaiyo kumbra dauryqajqa tulaŋ siŋgilaqab kio di e qalieqajqa deqa niŋgi saiŋgonum.

Efesus 6:24

Tamo kalil gago Tamo Koba Yesus Kristus qalaqalaiyqa uratosaieqnub qaji naŋgi qa Qotei a are boleiyeme.

1 Pita 4:2

Deqa a mandamq endia jejamu korbi sosimqa a aqa areqalo namij olo dauryqasai. A Qotei aqa areqalo segi dauryoqnqas.