1 Korin 5:5 - Yesus Aqa Anjam Bole

⁵ Niŋgi koroesosibqa tamo di ojsib Satan aqa baŋq di atibqa Satan na a osim aqa jejamu gulube yqas. Yim mondoŋ Tamo Koba Yesus a olo bqajqa batiamqa Qotei na tamo di aqa qunuŋ olo oqas.

1 Korin 5:5 ပူးပေါင်းရင်းမြစ်များ

Matyu 4:10

Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Luk 22:31

Yesus a na aqa aŋgro naŋgi anjam degsi minjrsiq koboonaqa olo Pita minjej, “O Saimon, ni que. Ijo aŋgro kalil niŋgi dego quiye. Satan a na niŋgi uneq waiŋgwa marqo. Niŋgi siŋgila na tigelesosib e daurbqab kio e uratbosib jaraiqab kio di Satan a nuŋgo areqalo tenemtsim qalieqajqa deqa niŋgi uneq waiŋgwa marqo. Agi tamo naŋgi wit ñoqoryoqnsib damu eleŋeqnub dego kere.

Aposel 26:18

Ni naŋgoq gilsim ijo anjam minjroqnimqa naŋgi e qa poinjroqnim ambru uratosib suwaŋoq bqab. Satan a na naŋgi joqej unu. Deqa ni na naŋgi are bulyetnjroqnimqa naŋgi Satan aqa siŋgila uratosib Qotei aqaq giloqnqab. Amqa e na naŋgo une kalil kobotetnjritqa naŋgi tamo uŋgasari nami e qa naŋgo areqalo siŋgilateb qaji naŋgi ti koba na ijo segi tamo uŋgasari boledamu sqab.’

1 Korin 1:8

Yesus Kristus a na niŋgi siŋgilatŋgoqnqas deqa niŋgi siŋgila na tigelesosib gilsib gilsib diŋo bati itqab. Yimqa gago Tamo Koba Yesus Kristus a olo laŋ qureq na brantimqa bati deqa niŋgi Qotei aqa ŋamgalaq di une saiqoji sqab.

1 Korin 11:32

Ariya Tamo Koba Qotei a gago kumbra uge qudei unoqnsiq deqa iga gulube egeqnu di a gago kumbra tingitetgwajqa deqa. Yim mondoŋ iga tamo kalil mandamq endi unub qaji naŋgi ti une osim padalo uge.

1 Korin 5:13

Tamo naŋgi Yesus qaliesai qaji naŋgo une qa Qotei a segi na peginjrqas. Ariya Qotei aqa anjam bei nami endegsib neŋgreŋyeb unu, “Niŋgi na tamo uge di osib nuŋgo ambleq dena taqal waiyiye.”

2 Korin 10:6

Deqa iga niŋgi qa tariŋeqnum. Niŋgi gago anjam kalil dauryekritibqa ariya tamo kalil Qotei aqa anjam gotraŋyeqnub qaji naŋgi di iga na olo ŋolawotnjrqom.

2 Korin 12:7

Qotei na kumbra tulaŋ boledamu e osorbej. Ariya e kumbra di unsiy deqa ijo segi ñam soqtosiy diqosiy laaim deqa Qotei na gulube tulaŋ uge sil luwit bul qariŋyonaq ijo jejamuq bej. Gulube di Satan na ojsiqa dena e ugeugeibeqnu.

2 Korin 13:10

Tamo Koba Qotei a na e siŋgila ebej deqa e aqa wau taqateqnum. E isaq endi sosim anjam neŋgreŋyonum. Di kiyaqa? E niŋgi qa bosiy e nuŋgo kumbra tingitetŋgwa osiy e anjam siŋgila na merŋgwasai. Tamo Koba Qotei na e niŋgi siŋgilatŋgwajqa deqa wau ebej. E niŋgi ugetŋgwajqa deqa wau ebosai.

Filipai 1:6

E endegsi qalieonum. Qotei a segi nuŋgo are miligiq di wau boledamu yeqnu. A nami wau di utru atej. Ariya bini a wau di yeqnu dena gilsi gilsim mondoŋ Kristus Yesus olo bqajqa batiamqa a na wau di kobotqas.

1 Timoti 1:20

Agi Himeneus wo Aleksander wo naŋgi aiyel kumbra uge degsib yeqnub. Deqa e na naŋgi aiyel Satan aqa baŋq di atem. Yim dena naŋgi endegsib qalieqab, “Bole, iga olo Qotei misiliŋyqasai.”

2 Timoti 1:18

Deqa e a qa endegsi pailyeqnum, “O Tamo Koba Qotei, mondoŋ ni na tamo naŋgi peginjrqa batiamqa ni Onesiforus a qa dulame.” O Timoti, nami Efesus qureq dia dego Onesiforus a e qa wau gargekoba yoqnsiqa aqaryaiboqnej. Di ni qalie.

2 Pita 3:12

Osib nuŋgo kumbra dena niŋgi Qotei aqa bati koba brantim unqajqa deqa tariŋoqniye. Osib bati di urur brantqajqa deqa niŋgi siŋgila na wauoqniye. Bati di brantimqa laŋ a ŋamyuo na yusim koboqas. Mandam ti iŋgi iŋgi kalil Qotei na atej qaji de ti dego ŋamyuo na tulaŋ kaŋkaŋam yusib ya bulosib koboqab.

1 Jon 5:16

Ariya niŋgi na Kristen was bei a une atim unsibqa niŋgi a qa Qotei pailyiye. A moiqajqa une atosai deqa niŋgi a qa pailyibqa Qotei na aqa une kobotim a moiqasai. A ŋambile sqas. Ariya Kristen tamo bei a moiqajqa une atqas di Qotei na a qalim moiqas. Deqa niŋgi a qa Qotei pailyaib.