1 Korin 5:12 - Yesus Aqa Anjam Bole

¹² Deqa e kiersiy marqai? Tamo naŋgi Yesus qaliesai qaji naŋgo une qa e na peginjrqai e? Sai. Di ijo wau sai. Ariya Kristen tamo naŋgo une qa peginjrqajqa di nuŋgo wau tiŋtiŋ.

1 Korin 5:12 ပူးပေါင်းရင်းမြစ်များ

Mak 4:11

Nenemyonabqa a na kamba endegsi minjrej, “Yawo anjam di aqa utru agi merŋgwai. Niŋgi quiye. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam di aqa utru uliejunu. Di e na babtitqa ijo aŋgro niŋgi segi utru qalieqab. Ariya tamo uŋgasari qala qalaq di unub qaji naŋgi yawo anjam segi minjroqnqai.

Luk 12:14

Onaqa Yesus na minjej, “O was, tamo yai na e giltbqoqa e nuŋgo gulube di gereiyqai?”

Jon 18:36

Onaqa Yesus na minjej, “Mandam endeqa mandor kokba naŋgi na tamo taqatnjreqnub e naŋgi unub dego sai. E mandam endeqaji mandor sai. Tamo e na taqatnjreqnum qaji naŋgi dego mandam endeqaji tamo sai. E mandam endeqaji mandor qamu Juda tamo kokba naŋgi e ojeqnab qamu ijo wau tamo naŋgi ti qotonub qamu.”

Kolosi 4:5

Niŋgi tamo Yesus qaliesai qaji naŋgo ambleq di sosibqa niŋgi areqalo bole dauryoqnsib kumbra bole bole yoqniye. Osib bati gaigai Kristus aqa kumbra naŋgi osornjrqajqa are qaloqniye.

1 Tesalonaika 4:12

Niŋgi kumbra bole degsib yoqnibqa niŋgi iŋgi bei qa truquiŋgoqnqasai. Deqa qala qaji tamo naŋgi nuŋgo kumbra di unsib deqa tulaŋ areboleboleinjrqas.

1 Timoti 3:7

Tamo bei a tamo uŋgasari Qotei qaliesai qaji naŋgo ŋamgalaq di ñam bole ti sqas di ni unsim a gate ate. A ñam bole ti sqasai di a gate sqa keresai. Di kiyaqa? Tamo qudei naŋgi a qa anjam uge marib gam dena Satan na a ugeugeiyqas.