1 Korin 4:9 - Yesus Aqa Anjam Bole

⁹ E endegsi are qalonum. Iga Yesus aqa anjam maro tamo unum deqa Qotei na gago ñam tulaŋ aguq atej unu. Deqa iga tonto tamo bulonum. Tonto tamo naŋgi agi anjam pegiyo tamo naŋgi na une ti qa minjroqnsib tamo kalil ti laŋ aŋgro naŋgi ti naŋgo ŋamgalaq dia naŋgi ñumoqnsib moiotnjreqnub. O was qu, iga tamo naŋgi di bul.

1 Korin 4:9 ပူးပေါင်းရင်းမြစ်များ

Aposel 19:29

Naŋgi anjam degsib mareqnabqa tamo uŋgasari kalil Efesus qureq di soqneb qaji naŋgi qusibqa naŋgi dego tulaŋ murqumyoqnsibqa Masedonia tamo aiyel Pol dauryosib beb qaji naŋgo ñam Gaius wo Aristarkus wo naŋgi ojsib giriŋnjrosib qure deqa gate kokba naŋgo ulatamuq dia tigeltnjrqa marsib gurgur ti koro sawaq joqsib gileb.

Aposel 19:31

Rom qaji tamo kokba qudei Esia sawa taqatoqneb qaji naŋgi Pol qalie. Deqa naŋgi dego anjam qariŋyosib endegsib Pol minjeb, “Ni koro sawaq gilaim.”

Rom 8:36

Bole, iŋgi uge uge di gagoq di brantoqnqab. Agi Qotei aqa anjam bei nami endegsib neŋgreŋyeb unu, “O Qotei, iga ino segi tamo uŋgasari unum deqa bati gaigai jeu tamo naŋgi na iga lugoqnsib moiotgeqnub. Naŋgi iga kaja du du bul nugoqnsib lugeqnub.”

1 Korin 15:19

Iga subq na olo tigelqasai anjam di bole qamu Kristus a na iga mandam qa iŋgi iŋgi segi qa segi aqaryaigo qamu iga tamo tulaŋ ugedamu sosim tamo uŋgasari kalil mandamq endi unub qaji naŋgi buŋnjronum qamu.

2 Korin 11:23

Naŋgi mareqnub, “Iga Kristus aqa wau tamo.” Ariya e nanari tamo bulosiy anjam endegsi marqai. E dego Kristus aqa wau tamo. Agi e na tamo naŋgi di tulaŋ buŋnjrsimqa ŋes na ti jaqatiŋ na ti Kristus aqa wau ojeqnum. Bati gargekoba jeu tamo naŋgi na e tonto talq di waiboqneb. Osib e lubogargekobatoqneb. Gulube dena e na tamo naŋgi di tulaŋ buŋnjroqnem. Bati gargekoba e moiqa jojomem.

2 Korin 6:9

Tamo qudei naŋgi iga ñam saiqoji qa mareqnub. Sai. Tamo gargekoba naŋgi iga qa bole qalieonub, iga Qotei aqa wau tamo bole. Iga moio tamo bulonum. Ariya iga olo ŋambile unum. Tamo qudei naŋgi na iga gulube koba egeqnub. Ariya gulube dena iga moiotgwa keresai.

1 Tesalonaika 3:3

Yimqa gulube ti jaqatiŋ ti niŋgi eqnub qaji dena nuŋgo areqalo olo ugetetŋgaim deqa. Niŋgi qalie, Qotei a nami iga gulube deqaji oqajqa marsiq giltgej.

Hibru 1:14

Laŋ aŋgro naŋgi mondor. Naŋgi Qotei aqa wau ojeqnub. Agi Qotei na naŋgi qariŋnjreqnaqa naŋgi giloqnsib tamo uŋgasari a na oqas qaji naŋgi aqaryainjreqnub.

Hibru 10:33

Bati qudei jeu tamo naŋgi dena niŋgi joqoqnsib tamo uŋgasari naŋgo ŋamgalaq dia tigeltŋgoqnsib nuŋgo ñam misiliŋyoqnsib niŋgi ugeugeiŋgoqneb. Ariya bati qudei Kristen tamo qudei naŋgi gulube deqaji iteqnabqa niŋgi na olo naŋgi beternjroqnsib siŋgilatnjroqneb.

Hibru 11:36

Ariya jeu tamo naŋgi na Qotei aqa tamo qudei naŋgi misiliŋnjroqnsib kumbaiŋnjroqneb. Osib naŋgi tonto talq di breinjroqnsib sil siŋgila koba dena naŋgi tontnjroqneb.