1 Korin 4:19 - Yesus Aqa Anjam Bole

¹⁹ O was qu, niŋgi degaib. Tamo Koba Qotei na merbimqa e niŋgi qa urur boqujatqai. Tamo naŋgi diqoqnsib laqnub qaji naŋgo anjam quqwajqa e deqa bqasai. Naŋgo siŋgila qabe na eqnub di unqajqa bqai.

1 Korin 4:19 ပူးပေါင်းရင်းမြစ်များ

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

Aposel 20:2

Gilsiq sawa dia walweloqnsiqa Kristen naŋgi itnjroqnsiqa Qotei aqa anjam gargekoba minjroqnej. Minjreqnaqa aqa anjam dena naŋgo are siŋgilatetnjroqnej. Onaqa a naŋgi uratnjrsiqa gilsiq Grik naŋgo sawaq di brantej.

Rom 15:32

Deqa Qotei na marim e niŋgi qa bosiy nuŋgsiy dena e areboleboleibqas. Osiy niŋgi koba na aqaratosiy dena siŋgila oqai.

1 Korin 11:34

Niŋgi qudei mamŋgimqa niŋgi mati nuŋgo segi talq di iŋgi uysib bunuqna bosib korooiye. Niŋgi namo bosib koroosib Qotei tal miligiq dia iŋgi koba uyekritqab di niŋgi unetqab. Deqa Qotei na kamba niŋgi gulube eŋgwas. Ariya ijo anjam qudei e mati neŋgreŋyqasai. Bunuqna e niŋgi qa bosiy anjam di nuŋgo ulatamuq di gereiyqai.

1 Korin 14:5

Ijo areqalo agiende. Niŋgi kalil meŋ bulyoqnsib qure utru segi segi naŋgo anjam maroqnqab di bolequja. Ariya niŋgi Qotei aqa medabu oqnsib anjam palontoqnqab di tulaŋ boledamu. Niŋgi quiye. Tamo bei a meŋ bulyosim qure utru bei naŋgo anjam maroqnim tamo bei a kamba anjam di aqa damu poiyim bulyosim palontqas di kere. Anjam dena Kristen tamo uŋgasari kalil naŋgo areqalo siŋgilatetnjrqas. Ariya anjam bulyo tamo bei sqasai di meŋ bulyo tamo aqa anjam na Kristen tamo uŋgasari naŋgo areqalo siŋgilatetnjrqasai. Deqa tamo naŋgi Qotei aqa medabu oqnsib anjam palonteqnub qaji naŋgi na meŋ bulyo tamo naŋgi tulaŋ buŋnjresqab.

1 Korin 16:5

Ariya e mati Masedonia sawa ambleq na walwelosiy aisiy Kristen tamo uŋgasari di unub qaji naŋgi unjrsiy ariya bunuqna e niŋgi qa bqai.

1 Korin 16:7

Ijo areqalo agiende. E bati truquyala niŋgi koba na sqasai. Tamo Koba Yesus na odbimqa e bati olekoba niŋgi koba na sqai.

1 Korin 2:6

Bole, tamo naŋgi Qotei aqa kumbra qa tulaŋ siŋgilaeqnub qaji naŋgi iga na anjam minjreqnam quoqnsib dena naŋgi powo bole ejunub. Ariya powo di mandam qaji tamo naŋgo powo sai. Powo di mandam qaji tamo kokba padalqa gamq di unub qaji naŋgo powo sai.

1 Korin 4:18

Ariya niŋgi qudei are qaleqnub, e niŋgi qa bqasai. Osib deqa niŋgi diqoqnsib laqnub.

1 Korin 4:6

O was qu, aqo Apolos wo gago kumbra qa agi e na niŋgi merŋgonum. Niŋgi gago kumbra deqa are qalsib Qotei aqa anjam neŋgreŋq di unu qaji di niŋgi geregere dauryosib olo gotraŋyaib deqa niŋgi merŋgonum. Deqa was qu, niŋgi diqoqnsib tamo qudei naŋgo ñam soqtetnjroqnsib olo tamo qudei naŋgo ñam aguq atoqnaib.

2 Korin 1:23

O was qu, Qotei na ijo anjam siŋgilateqnu deqa e aqa ñam na bole maronum, e niŋgi gulube eŋgaim deqa e olo Korin qureq bosai.

2 Korin 10:9

Ariya niŋgi endegsib are qalaib, “Pol a na iga ula egwajqa deqa anjam siŋgila na neŋgreŋyosiq iga qa qariŋyeqnu.” Niŋgi degsib are qalaib.

Hibru 6:3

Qotei na marimqa iga degyqom.

Jems 4:15

Deqa niŋgi endegsib maroqniye, “Tamo Koba Qotei a na marimqa iga ŋambile sqom. Sosim iga kumbra kie yqa are qalsim yqom.”