1 Korin 4:15 - Yesus Aqa Anjam Bole

¹⁵ Tamo 10,000 naŋgi na Kristus aqa kumbra niŋgi osorŋgoqnqab di uŋgum. Niŋgi abu gargekoba sai. Agi e segi qujai nuŋgo abu. E qujai namo Kristus Yesus aqa anjam niŋgi merŋgonam qusib are bulyeb. Dena e nuŋgo abuem.

1 Korin 4:15 ပူးပေါင်းရင်းမြစ်များ

Rom 15:20

Ariya e na tamo uŋgasari Kristus aqa ñam qaliesai qaji naŋgo sawaq dia aqa anjam bole palontqajqa are qaleqnum. Tal aqa ai utru tamo bei na tigeltej qaji dia e olo tal atqajqa are qalosaieqnum.

1 Korin 1:30

Qotei a segi na niŋgi eleŋosiqa Kristus Yesus aqa baŋq di atej unub. Deqa Kristus aqa wau na iga Qotei aqa areqalo bole ti aqa powo ti unum. Aqa wau na iga tamo bole tiŋtiŋo unum. Aqa wau na iga Qotei aqa segi kumbra boleq di sosim walweleqnum. Aqa wau na Qotei na iga gago uneq dena olo awaigej deqa gago une na iga olo taqatgosai.

1 Korin 15:1

Ariya was qu, Yesus aqa anjam bole e nami palontosim niŋgi merŋgoqnem qaji di bini e olo pulutsiy niŋgi merŋgwai. Anjam di niŋgi nami qusib dauryeb. Deqa e qalieonum, bini niŋgi anjam di siŋgila na ojsib tigelejunub.

1 Korin 3:10

Qotei a e qa are boleiyosiq wau ebej deqa e tal gereiyo qaji tamo bulosim e tal gereiyqajqa qalie bole. Deqa e tal aqa utru atem. Ariya bini tamo qudei naŋgi kamba olo tal aqa ai gogeq di tal ateqnub. Ariya e na tamo kalil naŋgi endegsi minjreqnum, “Niŋgi tal ateqnub deqa niŋgi geregere atoqniye.”

1 Korin 3:6

E wauq di iŋgi yagem. Apolos a na wau taqatoqnej. Ariya Qotei a segi na iŋgi boleteqnu.

1 Korin 3:8

Tamo a iŋgi yageqnu qaji wo tamo a wau taqateqnu qaji wo naŋgi aiyel ombla Qotei aqa wau ojeqnub. Ariya mondoŋ Qotei a na naŋgo wau segi segi pegiyosim awai enjrqas.

1 Korin 9:12

Yesus aqa wau tamo qudei naŋgi Qotei aqa anjam qa niŋgi aqaryaiŋgeqnub deqa niŋgi na naŋgi odnjreqnabqa naŋgi nuŋgoq dena awai olo eqnub. Ariya iga nami nuŋgo ambleq di wau utru atsim wauoqnem. Deqa niŋgi na iga dego odgib iga nuŋgoq dena awai oqom di kere. Ariya iga na Kristus aqa anjam bole getentaim deqa iga nuŋgoq dena awai oqa uratem. Osim dena iga gulube gargekoba qoboiyoqnem.

1 Korin 9:14

Dego kere Tamo Koba Yesus a endegsi marej, “Tamo naŋgi Qotei aqa anjam bole mareqnub qaji naŋgi dena awai oqnsib naŋgo segi iŋgi awaiyoqnsib uyoqnqab.”

1 Korin 9:16

E Yesus aqa anjam bole marsim laqnum ijo wau deqa e ijo segi ñam soqtqa keresai. Qotei na e wau ebej deqa e wau di yoqnqai. E uratqa keresai. Uratqai di Qotei na e gulube ebqas.

1 Korin 9:18

Deqa e awai kie oqai? Ijo awai agiende. E Yesus aqa anjam bole maroqnsiy dena silali oqnqasai. Ijo awai bole agide. Bole, e silali oqa kere. Ariya e oqa uratem. E tamo uŋgasari naŋgi Qotei aqa anjam qa laŋa aqaryainjroqnqai. Ijo awai bole agide.

1 Korin 9:23

E kumbra kalil yeqnum qaji di e Yesus aqa anjam bole di siŋgilatqa marsim deqa yeqnum. Yimqa mondoŋ anjam bole di aqa awai Tamo Koba Yesus na e ebqas. Agi tamo kalil Yesus aqa anjam bole deqa naŋgo areqalo siŋgilateqnub qaji naŋgi awai di oqab.

2 Korin 4:5

Niŋgi quiye. Iga gago segi kumbra qa marosaieqnum. Iga endegsi mareqnum, “Kristus Yesus a gago Tamo Koba. Iga Yesus aqa anjam dauryeqnum deqa iga nuŋgo wau tamo unum.” Iga degsi segi mareqnum.

Galesia 3:24

Dal anjam a gago abu bul sosiqa iga Kristus aqa areq joqsi gilej. Yim iga Kristus qa gago areqalo siŋgilatim Qotei na iga tamo bole une saiqoji qa mergwajqa deqa.

Galesia 3:25

Ariya iga Kristus qa gago areqalo siŋgilatqa bati brantej deqa iga olo dal anjam aqa sorgomq di sqasai. Dal anjam a olo gago abu sqasai dego.

Galesia 4:19

O ijo aŋgro, niŋgi quiye. Uŋa aŋgrotqa osiq jaqatiŋyeqnu dego kere e niŋgi qa are jaqatiŋbeqnu. Di kiyaqa? Ijo areqalo agiende. Kristus a Qotei aqa aŋgro tiŋtiŋ unu dego kere niŋgi dego Qotei aqa aŋgro tiŋtiŋ soqniye.

2 Timoti 4:3

Ni que. Bunuqna tamo gargekoba naŋgi Qotei aqa anjam quqwa asginjroqnimqa naŋgi anjam utru bei bei quqwajqa are prugnjroqnim naŋgo segi areqalo na tamo qudei naŋgi metnjroqnib bosib gisaŋ anjam minjroqnib qusib arearetnjroqnqas.

Taitus 1:4

O Taitus, e na anjam endi neŋgreŋyosim ni qa qariŋyonum. Aqo ombla Kristen tamo kalil naŋgi ti gago areqalo qujai. Agi iga kalil Yesus qa gago areqalo siŋgilateqnum. Deqa ni ijo aŋgro bole bul. Gago Abu Qotei naŋgi Kristus Yesus agi iga eleŋej qaji wo naŋgi aiyel ni qa are boleinjrimqa ni lawo na soqnime.

Filemon 1:19

E Pol. Anjam endi e ijo segi baŋ na neŋgreŋyonum. Ni na e merbimqa Onesimus a ino silali bei yaimej qaji di e na kamba olo ni emekritqai. Ariya ni que. Nami e Kristus aqa anjam ni mermonam qusim are bulyem. E ino qunuŋ qa aqaryaimem. Deqa e na ni endegsi mermqa kere, ni na kamba e olo aqaryaibe. Ariya e degsi ni mermqa uratonum.

Jems 1:18

A aqa segi areqalo na iga gereigej. Deqa a gago Abu. A aqa segi anjam bole na iga gereigej. Yim iga na iŋgi iŋgi kalil a gereinjrej qaji di buŋnjrsim naŋgo namoq di sqajqa deqa.

1 Pita 1:23

Niŋgi iŋgi meli bunuj bulosib ŋambile bunuj eb. Iŋgi meli ugeqas qaji dena niŋgi ŋambile osai. Iŋgi meli gaigai sqas qaji dena niŋgi ŋambile eb. Iŋgi meli bunuj di Qotei aqa anjam. Anjam di ŋambile ti. A gaigai sqas.