1 Korin 4:14 - Yesus Aqa Anjam Bole

¹⁴ O was qu, niŋgi ijo anjam endi sisiyosib jemaiŋgwajqa e deqa neŋgreŋyosai. E nuŋgo areqalo tingitetŋgwajqa deqa osim anjam endi neŋgreŋyonum. Niŋgi ijo aŋgro bole. E niŋgi tulaŋ qalaqalaiŋgeqnum.

1 Korin 4:14 ပူးပေါင်းရင်းမြစ်များ

Aposel 20:31

Deqa niŋgi geregere ŋam atsib sosibqa ijo kumbra e bati gaigai nuŋgo ambleq di yoqnem qaji deqa are qalsib dauryoqniye. Agi wausau qalub e niŋgi koba na sosimqa niŋgi padalaib deqa qolo ti qanam ti Qotei aqa anjam niŋgi merŋgoqnsim akamoqnem. E wau di uratosaioqnem. Niŋgi ijo kumbra deqa geregere are qalsib dauryoqniye.

1 Korin 15:34

Deqa niŋgi nanari kumbra uratosib areqalo bole ti sosib olo une yoqnaib. Niŋgi quiye. Nuŋgo ambleq di tamo qudei naŋgi Qotei qalieosaiunub. Niŋgi deqa jemaiŋgwajqa deqa e anjam di niŋgi merŋgonum.

1 Korin 4:15

Tamo 10,000 naŋgi na Kristus aqa kumbra niŋgi osorŋgoqnqab di uŋgum. Niŋgi abu gargekoba sai. Agi e segi qujai nuŋgo abu. E qujai namo Kristus Yesus aqa anjam niŋgi merŋgonam qusib are bulyeb. Dena e nuŋgo abuem.

1 Korin 4:17

Utru deqa e Timoti qariŋyonumqa a niŋgi qa bqas. E nami Tamo Koba Yesus aqa anjam Timoti minjnam a are bulyosiqa siŋgilaej. Deqa a ijo aŋgro bole. E na a tulaŋ qalaqalaiyeqnum. A Tamo Koba Qotei aqa wau geregere taqateqnu. A niŋgi qa bosim ijo kumbra qa niŋgi saiŋgim niŋgi quqwab. Ijo kumbra agiende. E Kristus beteryejunum. Ijo kumbra di e na sawa sawa kalilq dia Kristen tamo uŋgasari naŋgi osornjreqnam naŋgi dauryeqnub.

1 Korin 6:5

Niŋgi nuŋgo kumbra deqa jemaiŋgwajqa deqa e na anjam endi niŋgi merŋgonum. Nuŋgo ambleq di powo tamo bei unu kio? Soqnim Kristen was bei a was bei qa anjam soqnim powo tamo dena naŋgo anjam pegiyqa kere kio?

1 Korin 9:15

Ariya e nuŋgoq dena awai oqa uratem. E nuŋgoq dena awai oqajqa are qalsim anjam endi neŋgreŋyosai. Tamo Koba Qotei a na e merbej, “Ni wau dena awai oqa kere.” Ariya e uratem. Degsi soqnim e moiqai. E ijo kumbra deqa tulaŋ areboleboleibeqnu. Deqa tamo bei na ijo kumbra di olo getentaiq.

2 Korin 11:11

E kiyaqa ijo segi ñam soqteqnum? E niŋgi qalaqalaiŋgosaieqnum deqa kio e ijo segi ñam soqteqnum? Deqa sai. Qotei a qalieqo, e niŋgi tulaŋ qalaqalaiŋgeqnum.

2 Korin 12:19

Niŋgi gago anjam kalil endi sisiyosib iga qa endegsib are qalaib, “Naŋgi anjam neŋgreŋyeqnub di naŋgo segi jejamu une saiqoji qa marsib deqa neŋgreŋyeqnub.” Di sai. Iga Kristus aqa tamo deqa iga Qotei aqa ŋamgalaq di anjam endi neŋgreŋyeqnum. O ijo was bole, anjam kalil iga neŋgreŋyeqnum qaji endi niŋgi siŋgilatŋgwajqa deqa neŋgreŋyeqnum.

2 Korin 7:3

E nuŋgo jejamuq di une qametŋgwa osim deqa anjam endi merŋgosai. Agi e maronum, iga niŋgi tulaŋ qalaqalaiŋgeqnum. Deqa iga moiqom kio iga ŋambile sqom kio di uŋgum. Iga gago are miligi waqtosim niŋgi qalaqalaiŋgoqnsim sqom.

Kolosi 1:28

Kristus aqa anjam bole di iga na tamo kalil naŋgi minjreqnum. Iga areqalo bole ti powo ti sosim deqa iga na anjam di siŋgila na minjreqnum. Di kiyaqa? Naŋgi gago anjam di qusib Kristen tamo tulaŋ boledamu brantib iga na naŋgi joqsim Qotei aqa areq di atqajqa deqa.

1 Tesalonaika 2:11

Niŋgi qalie, abu naŋgi na naŋgo aŋgro naŋgi tingitnjroqnsib dalnjreqnub dego kere iga na niŋgi dego tingitŋgoqnsim dalŋgoqnem.

1 Tesalonaika 5:14

O was qu, iga na nuŋgo are tigeltetŋgimqa niŋgi na tamo naŋgi wauqajqa asginjreqnu qaji naŋgo kumbra olo tingi-tetnjroqniye. Osib tamo naŋgi ulaeqnub qaji naŋgo are siŋgila-tetnjroqniye. Osib tamo siŋgila saiqoji unub qaji naŋgi olo aqaryainjroqniye. Osib tamo kalil naŋgi lawo na geregereinjroq-niye.

2 Tesalonaika 3:14

Was bei a gago anjam iga neŋgreŋyonum qaji endi uratimqa niŋgi na a taqal waiyib isaq gilem. Yimqa aqa kumbra uge deqa a jemaiyqas.

Filemon 1:10

E ino kaŋgal tamo Onesimus a qa are qalonum deqa e anjam endi ni mermqai. E tonto talq endia sonamqa Onesimus a ni uratmosiq ulaŋosiq Rom qureq bosiqa e itbej. E itbonaqa e Kristus aqa anjam minjnamqa a are bulyosiq Kristus qa aqa areqalo siŋgilatej. Deqa bini a ijo aŋgro bul unu. Deqa e ni mermqai, ni a kumbra bole yime.

1 Jon 2:1

O ijo aŋgro kiñilala, niŋgi une yaib deqa e na anjam endi neŋgreŋyosim niŋgi qa qariŋyonum. Ariya nuŋgo ambleq di tamo bei a une yimqa aqaryaiŋgo tamo Yesus Kristus a na tamo di aqaryaiyqas. Yesus a aqa Abu ombla sosiqa a gaigai kumbra tiŋtiŋ yeqnu.

3 Jon 1:4

Ijo aŋgro naŋgi anjam bole dauryeqnub e di quoqnsim deqa e tulaŋ areboleboleibeqnu. Ijo arebolebole dena arebolebole kalil tulaŋ buŋyejunu.