1 Korin 3:8 - Yesus Aqa Anjam Bole

⁸ Tamo a iŋgi yageqnu qaji wo tamo a wau taqateqnu qaji wo naŋgi aiyel ombla Qotei aqa wau ojeqnub. Ariya mondoŋ Qotei a na naŋgo wau segi segi pegiyosim awai enjrqas.

1 Korin 3:8 ပူးပေါင်းရင်းမြစ်များ

Matyu 16:27

E Tamo Aŋgro. Mondoŋ e ijo Abu aqa riaŋ ti sosiy aqa laŋ aŋgro naŋgi joqsiy bosiy tamo uŋgasari kalil naŋgo kumbra segi segi qa peginjrsiy naŋgo segi segi awai keretsiy enjrqai.

Luk 19:19

Onaqa aqa tamo koba na minjej, ‘Ni dego wau tamo bolequja. Deqa e qure kokba 5-pela ino baŋq di uratitqa ni na taqatnjroqnqam.’

Rom 2:6

Osimqa bati deqa Qotei a tamo uŋgasari kalil naŋgo kumbra keretosim awai segi segi enjrqas.

1 Korin 15:58

Deqa ijo was bole, niŋgi siŋgila na soqniye. Sosib niŋgi Tamo Koba Yesus qa waukobaoqniye. Niŋgi wau di urataib. Niŋgi qalie, niŋgi Tamo Koba Yesus aqa wau ojeqnub di uloŋqa keresai. Deqa niŋgi gaigai Tamo Koba Yesus aqa wau siŋgila na yoqniye.

1 Korin 3:14

Tamo qudei naŋgo tal ateb qaji di ŋamyuo na yugwasai di naŋgi awai bole oqab.

1 Korin 3:7

Deqa tamo a iŋgi yageqnu qaji a ñam saiqoji. Tamo a wau taqateqnu qaji a dego ñam saiqoji. Ariya Qotei iŋgi boleteqnu qaji a segi ñam koba ti.

1 Korin 3:9

Aqo aiyel Qotei ombla na wau ojeqnum. Qotei aqa iŋgi wau agi niŋgi segi. Niŋgi segi Qotei aqa tal bul a na gereiyej qaji.

1 Korin 4:15

Tamo 10,000 naŋgi na Kristus aqa kumbra niŋgi osorŋgoqnqab di uŋgum. Niŋgi abu gargekoba sai. Agi e segi qujai nuŋgo abu. E qujai namo Kristus Yesus aqa anjam niŋgi merŋgonam qusib are bulyeb. Dena e nuŋgo abuem.

1 Korin 9:7

O was qu, qoto tamo naŋgi qoteqnub dena naŋgi awai eqnub. Naŋgi naŋgo segi silali wau ojosaieqnub. Tamo naŋgi iŋgi yageqnub dena naŋgi iŋgi meli olo oqnsib uyeqnub. Tamo naŋgi kaja naŋgi taqatnjreqnub dena naŋgi muŋgum qaq olo oqnsib uyeqnub.

Galesia 6:4

Tamo kalil naŋgi naŋgo segi segi wau geregere peleiyoqnebe. Osib naŋgo wau bole kio sai kio di naŋgi qalieqab. Tamo a degyqas di a aqa segi kumbra qa areboleboleiyqas. Ariya a aqa segi kumbra ti tamo bei aqa kumbra ti turtosim peleiyaiq.

Galesia 6:5

Di kiyaqa? Tamo kalil naŋgi naŋgo segi segi kumbra gereiyosib walweloqnqab.

Hibru 6:10

Niŋgi wau bolequja yoqnsib Qotei tulaŋ qalaqalaiyoqnsib aqa segi tamo uŋgasari naŋgi geregereinjroqneb. Niŋgi nami degyoqneb agi bini niŋgi degyeqnub. Qotei a tamo uge sai. A tamo bole deqa a nuŋgo kumbra di unoqnsiq olo are walyosaieqnu.

1 Pita 5:4

Niŋgi kumbra degyibqa mondoŋ kaja naŋgo Mandor Koba Yesus a laŋ qureq na olo brantimqa bati deqa niŋgi awai tulaŋ boledamu oqab. Awai di ugeqa keresai. Gaigai sqas.

2 Jon 1:8

Deqa niŋgi geregere ŋam atoqniye. Gago wau iga nami nuŋgo ambleq di yoqnem qaji di niŋgi olo urato uge. Niŋgi siŋgila na tigeloqniye. Osib di niŋgi awai bole oqab.

Uli Anjam 2:23

Aqa aŋgro naŋgi dego ñumit moreŋqab. Amqa tamo uŋgasari qure kalilq dia ijo ñam qa koroosib loueqnub qaji naŋgi qalieqab, e tamo kalil naŋgo are miligi ti areqalo ti geregere unsim peleiyeqnum. Deqa niŋgi quiye. E na nuŋgo kumbra kalil geregere keretosiy nuŋgo awai dego segi segi eŋgwai.

Uli Anjam 22:12

Yesus a marqo, “Niŋgi quiye. E urur boqujatqai. Bosiy tamo naŋgo kumbra segi segi pegiysiy awai enjrqai.