1 Korin 3:5 - Yesus Aqa Anjam Bole

⁵ Apolos di tamo yai? E Pol e segi tamo yai? Aqo aiyel Qotei aqa wau tamo segi. Agi Tamo Koba Qotei na aqo aiyel wau segi segi egej deqa iga Kristus aqa anjam niŋgi merŋgoqnem. Onaqa niŋgi quoqnsib Kristus qa nuŋgo areqalo siŋgilateb.

1 Korin 3:5 ပူးပေါင်းရင်းမြစ်များ

Matyu 25:15

Aqa kaŋgal tamo naŋgi wau yqa kere dego silali pupoiyosiqa segi segi enjrej. Bei 5,000 kina yej. Bei 2,000 kina yej. Bei 1,000 kina yej. Osiqa a sawa isaq gilsiq di soqnej.

Jon 3:27

Onaqa Jon na kamba minjrej, “Qotei laŋ qureq di unu qaji a na tamo bei iŋgi yqasai di a iŋgi oqa keresai.

Aposel 18:24

Onaqa bati bei Juda tamo bei aqa ñam Apolos aqa qure utru Aleksandria a bosiqa Efesus qureq di wauoqnej. A Qotei aqa anjam maro qaji tamo. A Qotei aqa anjam tulaŋ qaliedamu. Deqa a na Qotei aqa anjam kalil nami neŋgreŋyeb qaji di geregere plaltoqnej.

Aposel 19:1

Apolos a Korin qureq di sonaqa Pol a Esia sawa yambaŋ naŋgo qure qureq na walweloqnej. A walwelosi aisiq Efesus qureq di brantosiqa tamo qudei Yesus dauryoqneb qaji naŋgi sonab itnjrsiqa endegsi nenemnjrej, “Nami niŋgi Yesus qa nuŋgo areqalo siŋgilatosib bati deqa Qotei aqa Mondor eb e?” Onaqa naŋgi na saideb, “Eo. Iga Qotei aqa Mondor osai. Qotei aqa Mondor unu kio sai kio di iga nami quosaioqnem.”

Rom 15:16

E Kristus Yesus aqa wau tamo deqa e sawa bei bei qaji tamo naŋgo ambleq dia wauoqnsim Qotei aqa anjam bole naŋgi minjreqnum. E na naŋgi osiy Qotei aqaq dia atrainjrobulitqa a naŋgi eleŋqajqa deqa waueqnum. Qotei aqa Mondor na naŋgi siŋgilatnjrimqa naŋgi Qotei aqa segi tamo uŋgasari sosib kumbra bole yoqnqajqa deqa e naŋgi qa waueqnum.

1 Korin 12:28

Qotei na Kristen tamo uŋgasari naŋgi wau segi segi enjreqnu. Naŋgi qudei a na qariŋnjreqnaqa naŋgi aqa anjam osi walweloqnsib mare mare laqnub. Naŋgi qudei a na wau enjreqnu deqa naŋgi aqa medabu oqnsib anjam geregere palonteqnub. Naŋgi qudei a na wau enjreqnu deqa naŋgi aqa anjam plaltoqnsib kumbra Qotei a tulaŋ areareteqnu qaji di tamo uŋgasari naŋgi osornjreqnub. Naŋgi qudei a na siŋgila enjreqnu deqa naŋgi aqa maŋwa babteleŋeqnub. Naŋgi qudei a na siŋgila enjreqnu deqa naŋgi tamo mainjro qaji naŋgi olo boletnjreqnub. Naŋgi qudei a na wau enjreqnu deqa naŋgi na tamo uŋgasari naŋgi aqaryainjreqnub. Naŋgi qudei a na Kristen gate ateqnu deqa naŋgi na Kristen tamo uŋgasari naŋgi geregere taqatnjreqnub. Naŋgi qudei a na meŋ bulyetnjreqnu deqa naŋgi qure utru segi segi naŋgo anjam mareleŋeqnub.

1 Korin 16:12

Ariya gago was Apolos aqa anjam agiende. Bati gargekoba e siŋgila na minjoqnem, “Gago Kristen was qudei naŋgi Korin Kristen naŋgi unjrqajqa giloqnib ni uratnjraim. Ni naŋgi daurnjrsim gile.” Onaqa a gilqa uratoqnej. Bunuqna a niŋgi qa bqajqa bati kereamqa a niŋgi qa bqas.

1 Korin 3:10

Qotei a e qa are boleiyosiq wau ebej deqa e tal gereiyo qaji tamo bulosim e tal gereiyqajqa qalie bole. Deqa e tal aqa utru atem. Ariya bini tamo qudei naŋgi kamba olo tal aqa ai gogeq di tal ateqnub. Ariya e na tamo kalil naŋgi endegsi minjreqnum, “Niŋgi tal ateqnub deqa niŋgi geregere atoqniye.”

1 Korin 3:22

E Pol ti Apolos ti Pita ti mandam ti ŋambile ti moio ti iŋgi iŋgi kalil bini unub qaji naŋgi ti iŋgi iŋgi kalil bunuqna brantqab qaji naŋgi ti di kalil nuŋgo.

1 Korin 3:7

Deqa tamo a iŋgi yageqnu qaji a ñam saiqoji. Tamo a wau taqateqnu qaji a dego ñam saiqoji. Ariya Qotei iŋgi boleteqnu qaji a segi ñam koba ti.

1 Korin 9:17

E ijo segi areqalo na Yesus aqa anjam marsim laqnum qamu e dena awai eqnum qamu. Ariya e ijo segi areqalo na wau di yosaieqnum. Qotei na wau ebej deqa e wau di yoqnsim laqnum.

2 Korin 11:23

Naŋgi mareqnub, “Iga Kristus aqa wau tamo.” Ariya e nanari tamo bulosiy anjam endegsi marqai. E dego Kristus aqa wau tamo. Agi e na tamo naŋgi di tulaŋ buŋnjrsimqa ŋes na ti jaqatiŋ na ti Kristus aqa wau ojeqnum. Bati gargekoba jeu tamo naŋgi na e tonto talq di waiboqneb. Osib e lubogargekobatoqneb. Gulube dena e na tamo naŋgi di tulaŋ buŋnjroqnem. Bati gargekoba e moiqa jojomem.

2 Korin 3:3

Gago wau na Kristus a anjam di neŋgreŋyosiq qariŋyej. Neŋgreŋ di boleq di unu. A Kristus aqaq na bej. Neŋgreŋ di agi niŋgi segi. Kristus a tamo bei aqa wau na neŋgreŋyosai. A Qotei ŋambile gaigai unu qaji aqa Mondor aqa wau na neŋgreŋyej. A meniŋq di neŋgreŋyosai. A tamo uŋgasari naŋgo are miligiq di neŋgreŋyej.

2 Korin 3:6

Gago wau agiende. Iga Kristus aqa anjam bunuj aqa leŋ na siŋgilatej qaji di palontosim laqnum. Qotei a segi na iga siŋgilatgeqnu deqa iga wau di ojeqnum. Kristus aqa anjam bunuj di a dal anjamq di neŋgreŋyosai. Anjam bunuj di Qotei aqa Mondor Bole aqa segi anjam. Tamo naŋgi dal anjam dauryqa marqab di naŋgi moreŋqab. Ariya tamo naŋgi Qotei aqa Mondor dauryqab di a na naŋgi ŋambile enjrqas.

2 Korin 4:1

Qotei a iga qa tulaŋ dulosiq deqa wau di iga egej. Deqa iga wau di ojqajqa asgigosaieqnu.

2 Korin 4:5

Niŋgi quiye. Iga gago segi kumbra qa marosaieqnum. Iga endegsi mareqnum, “Kristus Yesus a gago Tamo Koba. Iga Yesus aqa anjam dauryeqnum deqa iga nuŋgo wau tamo unum.” Iga degsi segi mareqnum.

2 Korin 4:7

Iŋgi boledamu di gagoq di unu. Ariya iga siŋgila saiqoji unum. Iga web bul jagi na gereiyo qaji. Deqa tamo kalil naŋgi iga nugoqnsib endegsib qalieeqnub, “Siŋgila kobaquja iga uneqnum di Qotei aqa siŋgila. Di Pol aqa siŋgila sai. Siŋgila dena siŋgila kalil tulaŋ buŋnjrejunu.” Naŋgi degsib qalieeqnub.

2 Korin 5:18

Kumbra kalil di Qotei a iga qa are qalsiq babtej. Nami iga Qotei ti jeu soqnem. Ariya Qotei a olo Kristus aqa ñam na jeu kobotej deqa bini iga a ombla are qujaitosim unum. Jeu kobotqajqa wau di Qotei na iga egej deqa iga waueqnum.

2 Korin 6:1

Iga Qotei ombla waueqnum deqa iga niŋgi siŋgila na endegsi merŋgwom, “Qotei a niŋgi qa are boleiyeqnu aqa kumbra di niŋgi osib olo laŋa urataib.”

2 Korin 6:4

Iga Qotei aqa wau tamo deqa iga gaigai tamo uŋgasari kalil naŋgo ŋamgalaq di kumbra bole yeqnum. Gulube bei bei gagoq di branteqnaqa iga siŋgila na tigeloqnsim gulube di qoboiyeqnum. Tamo qudei naŋgi na iga ugeugeigeqnab iga naŋgi qa ulaosaieqnum. Une bei bei na iga padaltgwa laqnaqa iga na olo gotraŋyeqnum.

Efesus 3:7

Qotei na e Kristus aqa anjam bole di marsiy laqajqa deqa e wau tamo atej. A e qa are boleiyosiq deqa e wau di yqajqa siŋgila ebej.

Kolosi 1:23

Ariya une bei na niŋgi titŋgimqa Kristus aqa anjam bole niŋgi nami queb qaji di nuŋgo areqaloq di olo siŋgilatqa urataib deqa niŋgi nuŋgo areqalo Yesus qa bole siŋgilatoqnsib siŋgila na tigelesoqniye. E Pol. E Yesus aqa wau tamo deqa e anjam bole di tamo uŋgasari kalil mandamq endi unub qaji naŋgi minjroqnsim laqnum.

Kolosi 1:25

Qotei a segi na e giltbej deqa e aqa segi tamo uŋgasari naŋgi qa waueqnum. Osim olo niŋgi dego aqaryaiŋgeqnum. E Qotei aqa anjam kalil marsiy laqajqa wau ti.

1 Timoti 1:12

Gago Tamo Koba Kristus Yesus a na e siŋgila ebej. Osiqa endegsi are qalej, “Pol a na ijo wau ojqa kere.” Degsi are qalsiqa e giltbosiqa wau endi ebej. Deqa e a tulaŋ biŋiyeqnum.

1 Pita 4:10

Qotei a niŋgi segi segi kalil qa are tulaŋ boleiyosiq wau segi segi eŋgej. Deqa niŋgi segi segi Qotei aqa wau tamo boledamu sosibqa Qotei aqa tamo uŋgasari naŋgi qa wauoqnsib aqaryainjroqniye.