1 Korin 3:22 - Yesus Aqa Anjam Bole

²² E Pol ti Apolos ti Pita ti mandam ti ŋambile ti moio ti iŋgi iŋgi kalil bini unub qaji naŋgi ti iŋgi iŋgi kalil bunuqna brantqab qaji naŋgi ti di kalil nuŋgo.

1 Korin 3:22 ပူးပေါင်းရင်းမြစ်များ

Jon 1:42

Degsi minjsiqa Saimon osiq Yesus aqa areq osi gilej. Onaqa Yesus na Saimon unsiqa minjej, “Ni Saimon, Jon aqa ŋiri. Bunuqna ino ñam Sifas mermoqnqab.” Ñam “Sifas” di Hibru anjam. Gago anjam, “Pita.” Aqa damu, “Meniŋ.”

1 Korin 1:12

O was qu, niŋgi segi segi anjam na qoteqnub qaji nuŋgo utru agiende. Niŋgi qudei mareqnub, “E Pol dauryo qaji tamo.” Niŋgi qudei mareqnub, “E Apolos dauryo qaji tamo.” Niŋgi qudei mareqnub, “E Pita dauryo qaji tamo.” Ariya niŋgi qudei mareqnub, “E Kristus dauryo qaji tamo.” Niŋgi anjam na qoteqnub qaji nuŋgo utru agide.

2 Korin 4:5

Niŋgi quiye. Iga gago segi kumbra qa marosaieqnum. Iga endegsi mareqnum, “Kristus Yesus a gago Tamo Koba. Iga Yesus aqa anjam dauryeqnum deqa iga nuŋgo wau tamo unum.” Iga degsi segi mareqnum.

Filipai 1:21

Ijo areqalo agiende. E sqai di e Kristus ombla sqai. Ariya e moiqai di e olo iŋgi tulaŋ boledamu oqai.