1 Korin 3:20 - Yesus Aqa Anjam Bole

²⁰ Anjam bei dego unu, “Tamo naŋgi powo ti unub qaji naŋgo areqalo Tamo Koba Qotei a segi qalie. A qalie, kumbra uge kalil naŋgi yqajqa are qaleqnub qaji di naŋgi yib ugeinjrim padalqab.”

1 Korin 3:20 ပူးပေါင်းရင်းမြစ်များ

Rom 1:21

Naŋgi Qotei qa qalie unub. Ariya a segi Qotei bole naŋgi degsib marosaieqnub. Deqa naŋgi aqa ñam soqtosib a biŋiyosaieqnub. Naŋgo kumbra dena naŋgi nanaritnjroqnsiq naŋgo areqalo getentetnjreqnaqa naŋgi ambruq di laqnub.

Kolosi 2:8

O was qu, niŋgi geregere ŋam atsib soqniye. Tamo qudei naŋgi bosib naŋgo segi powo na ti gisaŋ anjam na ti nuŋgo areqalo bulyetŋgosib niŋgi naŋgo anjam dauryqajqa walawala-iŋgoqnqab. Deqa niŋgi naŋgo anjam di dauryaib. Tamo naŋgi di naŋgo moma naŋgi ti mondor uge uge laŋ ti mandam ti taqatejunub qaji naŋgi ti naŋgo anjam dauryeqnub. Naŋgi Kristus aqa areqalo dauryosaieqnub.