1 Korin 2:5 - Yesus Aqa Anjam Bole

⁵ Di kiyaqa? Mandam qaji tamo naŋgo powo na niŋgi Kristus qa nuŋgo areqalo siŋgilato uge. Niŋgi Qotei aqa siŋgila na Kristus qa nuŋgo areqalo siŋgilatqajqa deqa osim anjam palontoqnem.

1 Korin 2:5 ပူးပေါင်းရင်းမြစ်များ

Aposel 16:14

Naŋgo ambleq di uŋa bei soqnej aqa ñam Lidia. A gara lent oqnsiq qariŋyeqnaqa tamo naŋgi na awaiyoqneb. Di aqa silali wau. Aqa qure utru Taiataira. A Qotei qa louoqnej qaji uŋa. A ya qalaq di sonaqa Pol na bosiq itej. Bati deqa Qotei na aqa areqalo waqtetonaqa a Pol aqa anjam qusiq poiyonaqa are bulyosiqa aqa areqalo Yesus qa siŋgilatej.

1 Korin 1:17

Kristus a na e tamo naŋgi yansnjrqa qariŋbosai. E aqa anjam bole palontoqnqajqa deqa e qariŋbej. Deqa e mandam tamo naŋgo powo na Kristus aqa anjam palontosaieqnum. E mandam tamo naŋgo powo na anjam palontem qamu Kristus a ŋamburbasq di moiej di a laŋa moiej qamu.

1 Korin 3:6

E wauq di iŋgi yagem. Apolos a na wau taqatoqnej. Ariya Qotei a segi na iŋgi boleteqnu.

2 Korin 12:9

Onaqa Qotei a saidosiq endegsi merbej, “E ni qa are boleiboqnimqa ni siŋgilatmoqnqai dena ni keretmqas. Di kiyaqa? Ni siŋgila saiqoji unum deqa ijo siŋgila ni qa brantoqnsim ni siŋgilatmoqnqas.” Qotei na e degsi merbej. Deqa e siŋgila saiqoji unum deqa areboleboleiboqnqas. Yim Kristus aqa siŋgila ijoq di sqas.

2 Korin 4:7

Iŋgi boledamu di gagoq di unu. Ariya iga siŋgila saiqoji unum. Iga web bul jagi na gereiyo qaji. Deqa tamo kalil naŋgi iga nugoqnsib endegsib qalieeqnub, “Siŋgila kobaquja iga uneqnum di Qotei aqa siŋgila. Di Pol aqa siŋgila sai. Siŋgila dena siŋgila kalil tulaŋ buŋnjrejunu.” Naŋgi degsib qalieeqnub.

2 Korin 6:7

Iga Qotei aqa anjam bole segi mareqnum. Iga Qotei aqa siŋgila oqnsim waueqnum. Iga gago baŋ wo na baŋ qonaŋ na qoto qa iŋgi iŋgi ojoqnsim dena kumbra bole tiŋtiŋ dauryoqnsim waueqnum.