1 Korin 2:1 - Yesus Aqa Anjam Bole

¹ O was qu, e nami niŋgi qa bosim Qotei aqa anjam merŋgoqnem bati deqa e anjam kokba powo tamo naŋgi mareqnub qaji di niŋgi merŋgosai.

1 Korin 2:1 ပူးပေါင်းရင်းမြစ်များ

Aposel 20:21

E bati gaigai Juda tamo ti Grik tamo ti naŋgi are bulyosib Qotei aqaq bosib gago Tamo Koba Yesus qa naŋgo areqalo siŋgilatqajqa deqa e siŋgila na anjam minjroqnem.

Rom 16:18

Tamo deqaji naŋgi gago Tamo Koba Kristus aqa wau ojosaieqnub. Naŋgi naŋgo segi jejamu qa are qaloqnsib deqa waueqnub. Osib tamo uŋgasari naŋgi walawalainjroqnsib gisa gisaŋnjroqnsibqa naŋgi nanaritnjreqnub. Deqa kumbra bole ti kumbra uge ti di naŋgi geregere poinjrosaieqnu.

Rom 16:25

Qotei a siŋgila koba ti unu deqa a na niŋgi siŋgilatŋgwas. Yim niŋgi Yesus Kristus aqa anjam bole e na mare mare laqnum qaji di osib nuŋgo areqaloq di siŋgilatqab. O was qu, tulaŋ nami Kristus aqa anjam bole di uliesoqnej.

1 Korin 1:17

Kristus a na e tamo naŋgi yansnjrqa qariŋbosai. E aqa anjam bole palontoqnqajqa deqa e qariŋbej. Deqa e mandam tamo naŋgo powo na Kristus aqa anjam palontosaieqnum. E mandam tamo naŋgo powo na anjam palontem qamu Kristus a ŋamburbasq di moiej di a laŋa moiej qamu.

1 Korin 2:13

Iga iŋgi iŋgi deqa anjam marsim laqnum. Iga mandam qaji tamo naŋgo powo osim dena anjam marosaieqnum. Qotei aqa Mondor na iga powo egeqnu dena iga anjam mareqnum. Qotei aqa Mondor aqa anjam di iga na tamo naŋgi Qotei aqa Mondor ti unub qaji naŋgi segi minjreqnum.

1 Korin 2:4

Anjam e palontoqnem qaji di e powo tamo naŋgo kumbra na palontosai. E ijo segi powo kobaquja na palontosai. Yim dena niŋgi are bulyqajqa e deqa are qalosai. E Qotei aqa Mondor aqa siŋgila niŋgi osorŋgoqnem.

1 Korin 2:7

Iga powo deqa mare mare laosaieqnum. Iga Qotei aqa segi powo qa mareqnum. Qotei a nami mandam atosaisosiqa aqa powo dena a na iga a ombla laŋ qureq di sqajqa gam gereiyetgej. Aqa powo di nami ulitesoqnej.

2 Korin 10:10

Bole, tamo qudei naŋgi e qa endegsib yomueqnub, “Pol a anjam siŋgila na neŋgreŋyosiq iga qa qariŋyeqnu. Ariya a iga koba na sosim anjam mergoqnsim iga a unoqnem di a siŋgila saiqoji. Anjam palontqajqa wau di dego a qaliesai bolesai.”

2 Korin 11:6

E anjam marqajqa medabu gulubeibeqnu di uŋgum. E powo qa truquosaieqnum. Agi ijo kumbra kalil e nuŋgo ambleq di yoqnem qaji di niŋgi unoqnsib dena poiŋgoqnej, e powo koba ti unum.

2 Tesalonaika 1:10

Bati Qotei na nami giltej qaji di brantimqa Tamo Koba Yesus a bosim naŋgi degsim ŋolawotnjrqas. Ariya Qotei aqa segi tamo uŋgasari a qa naŋgo areqalo siŋgilateqnub qaji naŋgi kalil a mandamq aioqnim aqa siŋgila unsibqa aqa ñam soqtosib a qa tulaŋ areboleboleinjrim sqab. Niŋgi dego naŋgi ti areboleboleiŋgim sqab. Di kiyaqa? Qotei aqa anjam iga nami niŋgi merŋgoqnem qaji di niŋgi qusib nuŋgo areqaloq di siŋgilatejunub deqa.

1 Timoti 1:11

Qotei aqa anjam di gisaŋ sai. Di Yesus aqa anjam bole Qotei na e marsiy laqajqa ebej qaji. Anjam bole di aqa utru agiende. Qotei a riaŋ koba ti siŋgila koba ti unu. Anjam di tulaŋ boledamu. Anjam di iga areboleboleigwajqa utru.

2 Timoti 1:8

Deqa ni gago Tamo Koba Yesus aqa anjam marsim laqajqa jemaimaiq. E segi Yesus aqa anjam marsim laqnem deqa jeu tamo naŋgi na e ojsib tonto talq endia e waibeb unum. Deqa ni e qa dego jemaimaiq. Ni Qotei aqa siŋgila osim Yesus aqa anjam bole marsim laqne. Osim dena ni e ombla gulube oqnsim sqom.

1 Jon 4:14

Abu Qotei a na tamo uŋgasari kalil mandamq endi unub qaji naŋgi eleŋqa osiq deqa aqa Ŋiri qariŋyonaq mandamq aiej. Aqa kumbra di iga unsim deqa mare mare laqnum.

Uli Anjam 1:2

E kumbra kalil endi unem deqa e Qotei aqa anjam ti Yesus Kristus aqa anjam ti boleq na marem. Osim marem, anjam endi bole.

Uli Anjam 1:9

E nuŋgo was Jon. E ti niŋgi ti Yesus aqa tamo unum deqa iga kalil gulube koba qoboiyoqnsim jaqatiŋ eleŋeqnum. Qotei a gago Mandor Koba sosiq iga taqatgeqnu. Deqa iga kalil koba na siŋgila na tigeloqnsimqa gulube qoboiyejunum. E Qotei aqa anjam ti Yesus aqa anjam ti palontsim laqnem deqa jeu tamo naŋgi na e taqal waibosib nui ñam Patmos endia e ateb unum.

Uli Anjam 19:10

Laŋ aŋgro na e degsi merbonaqa e aqa areq di siŋga pulutosim a biŋiyqa laqnamqa a na merbej, “Ni e biŋibaim! E ni bul. E ni ti tamo kalil Yesus aqa anjam qa naŋgo areqalo siŋgilateqnub qaji naŋgi ti iga koba na wau qujai. Iga kalil was. Deqa ni Qotei segi biŋi-yoqnime. Iga qalie, Qotei aqa Mondor a na qujai Qotei aqa medabu o qaji tamo naŋgi qariŋnjreqnaqa naŋgi Qotei aqa anjam marsib laqnub. Deqa naŋgi Yesus aqa ñam dego marsib laqnub.”