1 Korin 16:7 - Yesus Aqa Anjam Bole

⁷ Ijo areqalo agiende. E bati truquyala niŋgi koba na sqasai. Tamo Koba Yesus na odbimqa e bati olekoba niŋgi koba na sqai.

1 Korin 16:7 ပူးပေါင်းရင်းမြစ်များ

Matyu 3:15

Onaqa Yesus na kamba minjej, “Uŋgum. Ni ijo anjam dauryosim yansbe. Yimqa kumbra dena iga Qotei aqa areqalo kalil keretosim dauryqom.” Onaqa Jon a Yesus aqa anjam di dauryosiqa a yansej.

Rom 1:10

E gaigai niŋgi qa endegsi Qotei pailyeqnum, “O Abu, ni na merbimqa e gam itosiy aisiy naŋgi unjrqai.”

1 Korin 4:19

O was qu, niŋgi degaib. Tamo Koba Qotei na merbimqa e niŋgi qa urur boqujatqai. Tamo naŋgi diqoqnsib laqnub qaji naŋgo anjam quqwajqa e deqa bqasai. Naŋgo siŋgila qabe na eqnub di unqajqa bqai.

2 Korin 1:15

E niŋgi qa ijo areqalo siŋgilatosim endegsi maronum, niŋgi ijo kumbra kalil qa areboleboleiŋgwas. Utru deqa e nami anjam endegsi qosem, e mati niŋgi qa bosiy nuŋgsiy olo niŋgi uratŋgsiy Masedonia sawaq gilsiy dena puluosiy bosiy niŋgi olo nuŋgwai. Deqa bati aiyel e niŋgi nuŋgwajqa are qalem. Yim ijo kumbra dena Qotei na niŋgi gereiŋgoaiyeltŋgwajqa deqa. E niŋgi olo uratŋgsiy Judia sawaq aiqa laqnitqa niŋgi silali qa aqaryaibibqa e gamq dia iŋgi bei qa truquaim deqa are qalem.

Jems 4:15

Deqa niŋgi endegsib maroqniye, “Tamo Koba Qotei a na marimqa iga ŋambile sqom. Sosim iga kumbra kie yqa are qalsim yqom.”