1 Korin 15:8 - Yesus Aqa Anjam Bole

⁸ Ariya olo bunuqna a e qa dego brantonaq unem. Uŋa bei a bati grotosim aqa aŋgro ŋambabtougetqas dego kere Kristus a bunuqna e qa brantonaq unem.

1 Korin 15:8 ပူးပေါင်းရင်းမြစ်များ

Aposel 18:9

Bati bei qolo Qotei na Pol aqa areqalo waqtetonaqa a ŋeiobilqeiobulosiqa Tamo Koba Yesus unej. Unnaqa minjej, “O Pol, ni ulaaim. Ni qure endia sosimqa ino medabu waqtoqnsimqa boleq na ijo anjam mare mare laqne. Mequmaim.

Aposel 22:14

Onaqa Ananaias na olo merbej, ‘Gago moma naŋgo Qotei a na ni giltmqo. Ni aqa areqalo dauryosim Yesus unimqa a na ni anjam bei mermim quqwajqa deqa ni giltmqo. Yesus agi kumbra tiŋtiŋ yeqnu qaji tamo.

Aposel 22:6

“Deqa e walwelosi aisim Damaskus qure jojomyeqnamqa qanam jige puloŋ siŋgila koba minjal ti laŋ goge dena aisiq ijo ulatamuq di tulaŋ koba riaŋonaqa e uloŋosim mandamq di ŋeiem. Ŋeiesosim kakoro bei laŋ goge dena brantonaq quem. A endegsi merbej, ‘O Sol, ni kiyaqa e ugeugeibeqnum?’

Aposel 26:12

“O Mandor Koba Agripa, e wau degsi yeqnamqa bati bei atra tamo kokba naŋgi na e qariŋbonabqa Damaskus qureq aiem. E aieqnamqa qanam jige puloŋ siŋgila koba minjal ti laŋ goge dena ijoq ainaq unem. A tulaŋ koba riaŋosiqa tamo e ombla aioqnem qaji naŋgi ti iga suwantgej. Aqa riaŋ di seŋ ti keresai.

Aposel 26:16

Deqa ni tigel. E ni giltmonum deqa ni ijo wau tamo sosimqa ijo siŋgila bini osormonum qaji deqa ti ijo siŋgila bunuqna osormoqnqai qaji deqa ti sawa sawa kalilq dia tamo uŋgasari naŋgi minjroqnsim laqnqam. Utru deqa e bini inoq di brantosim ni giltmonum.

Aposel 9:17

Onaqa Ananaias na minjej, “Od, Tamo Koba, e ino anjam dauryqai.” Osiqa tigelosiq gilsiq Sol soqnej qaji tal di gogetosiqa Sol aqaq di baŋ atsiqa minjej, “O ijo was Sol, Tamo Koba Yesus agi gamq dia inoq di brantonaq unem qaji a na e endegsi merbej, ‘Ni gilsim Sol boletimqa aqa ŋamdamu olo poiyqas. Yimqa Qotei aqa Mondor Sol aqa are miligiq aisim a siŋgilatqas.’ Yesus na e degsi merbsiqa qariŋbqoqa agi e inoq bonum.”

1 Korin 9:1

Niŋgi ijo kumbra uniye. E kumbra kie yqa are sqas e yqai. Qotei na e qariŋbej deqa e aqa anjam marsim laqnum. E ijo segi ŋamdamu na gago Tamo Koba Yesus unem. E nuŋgo ambleq di Tamo Koba Yesus aqa wau ojem dena niŋgi are bulyosib Kristen tamo branteb. Niŋgi ijo kumbra deqa qaliesai kio?