1 Korin 15:55 - Yesus Aqa Anjam Bole

⁵⁵ O Moio, ni gaigai siŋgilaoqnsim tamo naŋgi qoto itnjreqnum. Ariya ino siŋgila di qabi unu? A koboej. O Moio, ni gaigai tamo naŋgi qaja na ñumeqnum. Ariya ino qaja di qabi unu? A koboej.”

1 Korin 15:55 ပူးပေါင်းရင်းမြစ်များ

Luk 16:23

Subq atnabqa aqa qunuŋ aisiq moio qureq di soqnej. Sosiqa jaqatiŋ kobaiyeqnaqa tarosiqa Abraham isaq di sonaq unej. Lasarus a Abraham aqa areq di awesonaq unsiqa tulaŋ koba maosiqa Abraham minjej, ‘O Abu Abraham, e ŋamyuoq endi sosimqa tulaŋ kaŋkaŋoqnsim jaqatiŋ koba eqnum. Deqa ni e qa are ugeimimqa Lasarus minjim aqa baŋ gei yaq di tuqtosimqa bosim ijo meŋq di atimqa kiñala ulilibqas.’

Aposel 2:27

Ni na ijo qunuŋ uratim moio qureq aiqasai. Ni na ino segi aŋgro bolequja Kristus aqa jejamu dego subq di uratim qusaqasai.

Aposel 9:5

Onaqa Sol na minjej, “O Tamo Koba, ni yai?” Onaqa minjej, “E Yesus agi ni na ugeugeibeqnum qaji.

Rom 5:14

Ariya Adam a soqnej dena bosi bosiq Moses aqa bati qa tamo kalil naŋgi moreŋoqneb. Adam a Qotei aqa dal anjam qujai gotraŋyej. Ariya Adam aqa une di tamo bei na yosai. Adam a segi na yej. Ariya tamo kalil naŋgi dego Adam aqa une di osib moreŋeb. Adam a Kristus bunuqna bqas qaji a sigitej.

1 Korin 15:56

O was qu, moio aqa qaja agi une. Une aqa siŋgila agi Qotei aqa dal anjam.

Uli Anjam 9:10

Sis naŋgo weru belqalaqala naŋgo weru bul, qaja ti. Naŋgo weru dena tamo naŋgi uñinjroqnsib jaqatiŋ koba enjreqnub. Sis naŋgo siŋgila weruqsi unu. Weru dena tamo uŋgasari naŋgi jaqatiŋ tulaŋ koba enjroqnibqa bai 5-pela naŋgi jaqatiŋ oqnsib sqab.