1 Korin 15:51 - Yesus Aqa Anjam Bole

⁵¹ Deqa e na uli anjam bei niŋgi endegsi merŋgwai. Iga kalil moiqasai. Ariya iga kalil jejamu bulyosim jejamu bunuj oqom.

1 Korin 15:51 ပူးပေါင်းရင်းမြစ်များ

1 Korin 13:2

E Qotei aqa medabu osiy anjam palontoqnqai kio e Qotei aqa uli anjam kalil qalieosiy utru babteleŋqai kio e qalie koba ti sqai kio e Qotei qa ijo areqalo tulaŋ siŋgilatosiy deqa mana kobaquja minjitqa a ijo anjam dauryosim tigelosim sawa beiq gilqas kio ariya e qalaqalaiyo kumbra dauryqasai di ijo kumbra kalil di Qotei aqa ŋamgalaq di kumbra bolesai.

1 Korin 15:18

Deqa tamo naŋgi Kristus qa naŋgo areqalo siŋgilatosib nami moreŋeb qaji naŋgi torei padaleb qamu.

1 Korin 15:20

Ariya iga degsi sqasai. Kristus a moinaqa Qotei na a olo subq na tigeltej. A tamo kalil nami moreŋeb qaji naŋgi qa namoosiq subq na tigelej.

1 Korin 15:6

Osiqa bunuqna bati qujai qa a Kristen tamo 500 naŋgoq di dego brantonaq uneb. Naŋgi gargekoba bini unub. Ariya naŋgi qudei moreŋeb.

1 Korin 2:7

Iga powo deqa mare mare laosaieqnum. Iga Qotei aqa segi powo qa mareqnum. Qotei a nami mandam atosaisosiqa aqa powo dena a na iga a ombla laŋ qureq di sqajqa gam gereiyetgej. Aqa powo di nami ulitesoqnej.

1 Korin 4:1

O was qu, aqo Apolos wo Kristus aqa wau tamo. Iga Qotei aqa uli anjam taqatejunum. Niŋgi iga qa degsib are qaliye.

2 Korin 5:2

Iga bini mandam qaji talq endi unum deqa iga akamoqnsim unum. Iga gago tal laŋ qureq di unu qaji di osim gara bul jugwajqa deqa are koba qaleqnum.

2 Korin 5:4

Iga mandam qaji talq endia unum deqa iga are gulubeigeqnaqa akamoqnsim unum. Iga gago jejamu namij endi uratqajqa deqa are qalosai. Iga jejamu bunuj olo osim gara bul jugim gago jejamu moiqas qaji endi a olo ŋambile sqajqa deqa are qaleqnum.

Efesus 1:9

Nami Qotei a Kristus aqa wau na iga eleŋqa are qalej. Aqa areqalo di ulitesoqnej. Ariya bini a na aqa areqalo di olo boleq atsiq osorgej.

Efesus 3:3

Qotei aqa anjam di nami ulitesoqnej. Ariya a na olo boleq atsiqa e osorbej. Agi e deqa anjam truquyala endego neŋgreŋyonum.

Efesus 5:32

O was qu, Qotei aqa uli anjam di tulaŋ kobaquja. E Kristus a ti aqa segi tamo uŋgasari naŋgi ti sigitnjrsim agi niŋgi merŋgonum.

Filipai 3:21

Yesus aqa segi siŋgila na a na iŋgi iŋgi kalil eleŋosim aqa segi sorgomq di atim sqas. Aqa siŋgila dena a na gago jejamu bulyetgimqa gago jejamu di Yesus aqa jejamu bulosim so bole gaigai sqas. Gago jejamu di agi bini gulube ti jaqatiŋ ti unu.