1 Korin 15:47 - Yesus Aqa Anjam Bole

⁴⁷ Qotei na Adam namij a mandam na gereiyej. Deqa Adam a mandam qaji tamo. Ariya Adam bunuj a laŋ qureq na bej.

1 Korin 15:47 ပူးပေါင်းရင်းမြစ်များ

Matyu 1:23

“Niŋgi quiye. Bunuqna duŋgeŋge bei a tamo ombla ŋereŋosaisosimqa a gumaŋosim aŋgro mel oqas. Amqa naŋgi aqa ñam Emanuel waiyqab.” Ñam di aqa damu, “Qotei a iga koba na unum.”

Luk 2:11

Anjam bole agiende. Bini Qotei na aqa segi Ŋiri qariŋyqoqa Devit aqa qure utruq dia ŋambabqo. A gago Tamo Koba Kristus. A na qujai tamo uŋgasari naŋgi eleŋamqa naŋgi ŋambile gaigai sqab. Naŋgi padalqasai.

Jon 3:31

Tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu. Tamo naŋgi mandamq endena branteleŋeb qaji naŋgi mandam endeqa kumbra yeqnub. Osib mandam endeqa anjam segi mareqnub. Ariya tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu.

Jon 6:33

Bem bole Qotei na niŋgi eŋgeqnu qaji di laŋ qureq dena mandamq aisiq tamo uŋgasari mandamq endi unub qaji naŋgi ŋambile enjreqnu.”

Aposel 10:36

Bole, nami Qotei na aqa anjam bole qariŋyonaqa Israel naŋgo segiq aiej. Anjam di aqa damu endegsi unu. Tamo uŋgasari naŋgi Qotei ti jeu sonabqa Yesus Kristus na jeu kobotej. Yesus a tamo kalil naŋgo Tamo Koba.

1 Korin 15:45

Agi Qotei aqa anjam bei nami endegsib neŋgreŋyeb unu, “Adam namij a mandam qaji ŋambile osi soqnej.” Ariya Adam bunuj a bunuqna bosiqa a segi Mondor ti sosiqa tamo uŋgasari naŋgi laŋ qaji ŋambile enjrej. Adam bunuj di Kristus.

1 Korin 15:46

Ŋambile Mondor na iga egej qaji di nami brantosai. Mandam qaji ŋambile di nami brantej. Ariya ŋambile Mondor na iga egej qaji di bunuqna brantej.

2 Korin 5:1

Iga qalieonum, gago mandam qaji jejamu endi torei ugeqas. Gago jejamu endi gago tal bul. Ariya mondoŋ Qotei na olo tal bei iga egwas. Tal di tamo bei na gereiyosai. Tal di a laŋ qureq di unu. A bati gaigai sqas.

1 Timoti 3:16

Iga bole qalieonum, Qotei aqa kumbra nami ulitesoqnej qaji di tulaŋ kobaquja. Kumbra di Qotei na iga osorgonaq unem. Aqa kumbra di agiende. A segi tamo bulyonaqa tamo uŋgasari naŋgi a unoqneb. Mondor Bole a na aqa kumbra bole babtosiq osorgej. Osiq mergej, “Aqa kumbra di tulaŋ tiŋtiŋo.” Laŋ aŋgro naŋgi dego a unoqneb. Tamo naŋgi sawa bei beiq giloqnsibqa aqa anjam mare mare laqneb. Deqa tamo uŋgasari mandamq endi unub qaji naŋgi a qa naŋgo areqalo siŋgilatoqneb. Ariya Qotei na a olo osiq laŋ qureq osi oqnaqa a dia ñam kobaquja osiq unu.