1 Korin 15:42 - Yesus Aqa Anjam Bole

⁴² Dego kere tamo naŋgi moreŋonub naŋgo jejamu subq atonub qaji di qusaqas. Ariya tamo naŋgi subq na tigelqab qaji naŋgo jejamu olo qusaqasai. Naŋgi ŋambile gaigai sqab.

1 Korin 15:42 ပူးပေါင်းရင်းမြစ်များ

Matyu 13:43

Ariya bati deqa tamo uŋgasari kumbra bole bole yeqnub qaji naŋgo Abu Qotei na naŋgi taqatnjrsim naŋgo Mandor Koba sqas. Deqa naŋgi seŋ bul tulaŋ suwaŋesqab. Tamo a dabkala ti sqas di a ijo anjam endi geregere quem.”

Aposel 2:27

Ni na ijo qunuŋ uratim moio qureq aiqasai. Ni na ino segi aŋgro bolequja Kristus aqa jejamu dego subq di uratim qusaqasai.

Rom 1:23

Osib naŋgi Qotei ŋambile gaigai unu qaji a qoreiyoqnsib a qa louqajqa uratoqnsibqa olo beloqnsib mandam tamo ti qebari ti wagme ti amal ti naŋgo sulum gereiyoqnsib naŋgi qa loueqnub.

Rom 2:7

Tamo uŋgasari qudei naŋgo kumbra tulaŋ boledamu. Naŋgi siŋgila na kumbra bole bole dauryoqnsib laŋ qure qa gam itqajqa waukobaeqnub. Naŋgi laŋ qureq dia ñam koba oqajqa ti ŋambile gaigai sqajqa ti waukobaeqnub. Deqa Qotei na tamo uŋgasari naŋgi di ŋambile enjrim naŋgi so bole gaigai sqab.

Rom 8:21

Qotei na iŋgi iŋgi kalil di naŋgi ugetnjrsiq tonto talq di breinjrobulej unub. Ariya bunuqna bati Qotei a nami atej qaji di brantimqa a na iŋgi iŋgi kalil di olo boletnjrimqa naŋgi Qotei aqa aŋgro naŋgi ti koba na tulaŋ boledamu sqab.

1 Korin 15:41

Seŋ ti bai ti bongar ti naŋgo riaŋ segi segi. Bongar kalil naŋgi dego naŋgo riaŋ segi segi.

Galesia 6:8

Tamo bei na aqa areqalo namij dauryqas di aqa areqalo namij dena kumbra uge babtqas. Yim a padalqas. Ariya tamo bei a Qotei aqa Mondor aqa kumbra dauryqas di Mondor na a ŋambile yimqa a so bole gaigai sqas.

1 Pita 1:4

Qotei na iga laŋ goge qaji ŋambile tulaŋ boledamu egwajqa deqa marsiq iga giltgej. Ŋambile di ugeqa keresai. A Qotei aqa ŋamgalaq di tulaŋ boledamu. A koboqa keresai dego. Qotei na ŋambile di laŋ goge dia gereiyetŋgej unu. Deqa mondoŋ niŋgi Qotei ombla laŋ qureq di sosib ŋambile di oqab.